Njon 10

1 Yesu ngê Nju tpémi ye yepê, Ndê kópu nmye ngmênêaa tpapê. Yepê, Sipi wêuu mbwa kêoo dini ghi nêii ngê a wee, nêii ngê keÅe ye dêuuwodê kpêmî, ngmênê mbwa mbêmê dpî lóó, ye yi pini kpáápi. 2 Yepê, Pini nêii ngê keÅe dpî kpêmî, mbwa kêoo u ngwo dpî kee, yi pini sipi yêeeyêee pyu. 3 Yepê, Mbwa yêenê pyu ngê keÅe yi pini ka dpî kpêmî, kêoo u ngwo dpî kee, ye dpî mbwólu, yi pi dmi ngmêngmênté a tpapê too, yi kada dpî ghê, nté nmyêuu u lêêê dîyêo u ngwo dpî pwii dmi. 4 Yepê, Dini ghi nêii ngê dpo pwii dmi, yi kada dpî ghê, a yâmuyâmu ngópu, u dnye yi lama. 5 Yepê, Knêaa pini pêuu daawa kaa dmi, awêde u kwo wa mbêpê dmi, mu kópu u dîyêo u dnye daa yi lama. 6 Yi kópu dêpê wêee ngópu, mu kópu u dîyêo Yesu ye doo mgongo, 7 wodêoo Yesu ngê mgongo ye mêuu kwólu, yepê, Ala ndê kópu nmye yinî tpapê. Yepê, Nê sipi knî yi keÅe têâmo ndêndê. 8 Yepê, Yélini yêoo sipi wêuu a yêenê ngmê, kpáápi pââ ndîî dé, ngmênê sipi knî yêoo yi dnye dmi daa nyêmî ngópu. 9 Yepê, Nê keÅe têâmo ndêndê. Yepê, Nêii a pi ngê wa a kee, wanî ngee, adî koko, amaa pywuwópywuwó, u nté adînêaa a pywêêmî. 10 Yepê, Kpáápi u nuwêo mu ngmidi, u yi u ngwo a kwo, Sipi wêuu nî têâmo té, myêaa vya té. Yepê, Ala kópu u lêêê dîyêo nê loo, nê, Yi nuwêo dmi nêuu ngmêê, ghê kamî ye nêuu yêoo, yi ya mbêaambêaa ngê u ngwo paa pyaa we. 11 Yesu ngê yepê, Nê sipi yêeeyêee pyu mbêaa. Yepê, U ntââ a sipi knî yi lêêê dîyêo wa vya nê, ye daanî mbêpê. 12 Yepê, Nêii daa sipi wêuu chóó, nêii ngê sipi ka vyuwo têdê ndapî a kmênêkmênê ngê, yi pini daa sipi yêeeyêee pyu mbêaa. Yepê, Nêii ndapî u lêêê dîyêo a dpodo yédi, dini ghi nêii ngê chii wêââ wêuu dpo lê, ye sipi wêuu dpo kuwo, dpî mbêpê, dpo, Wêââ ngê wa kiye nê. Yepê, Wodêoo wêââ knî yêoo sipi woni a vyee tumo, woni a ngmêii kîgha tumo. 13 Yepê, Yi pini dpî mbêpê, mu kópu u dîyêo daa yi sipi wêuu chóó, u kwo dêuudpî chêanê dmi. 14 Yepê, Nê sipi wêuu chóó. Yepê, Mêaa u lama ntee nêaa tóó, sipi knî yi lama yinté myenî tóó. Yepê, Mêaa A lama ntee a tóó, sipi wêuu a lama yinté mye kwo. Yepê, U ntââ sipi knî yi lêêê dîyêo wa vya nê, ye daanî mbêpê. 16 Yepê, Sipini knî kuwa a mêii té, daa ala sipi wêuu vyêo sipi dé, ngmênê yi sipi mya a sipi dé, yintómu anê Åuwêo té, a dnye amyednyi nyêm, ala sipi wêuu vyêo anê kaa té, sipi wêuu mu ngmidi ngê amî pyódu, yi kada pini mu ngmidi ngê yinê adî yêeeyêee dé. 17 Yepê, A nuu ghi Mêaa nódo a tóó, mu kópu u dîyêo daanî kede, pwopwo u wépi daanê puwâ. Yepê, A ghê wanî yêoo, myombó amênê dyêo. 18 Yepê, A vyee ye wanî kwódu knomomê, ye doo u ntââ daawa vya nê. Yepê, Ngmênê ye daanî kwódu, a chóó a nuwêo ngê a ghê wanî yêoo. Yepê, Mêaa u pi ngê a ghê wanî yêoo, myombó amênê dyêo. Yepê, Mêaa ngê a ka pê, Yi kópu dê dpî dêuu dé. 19 Yi kópu knî yi lêêê dîyêo Nju tpémi yi nuwêo dmi u mo u mo ngê mê pyaa dniye. 20 Woni knî yêoo wo yéli ye yepê, Kî pini nkono kmêna ngma a kwo, u ngwo dê ghéti. Yepê, U kwo kîdmyemê ngêaa. 21 Wo yéli yêoo u nkwo yepê, Pini nêii u kmêna a kwo yédi, yinté daa danê yédi. Yepê, Doo u ntââ kmêna ngê ngwolo kopwe dêuudpî pyi. 22 Mêââ yintómu yi kêoo tpii yópu yi dye ghi ngê, Nju tpémi yêoo naa ngma a kuwo ngópu, Chóó Lémi u ngomo u lêêê dîyêo. 23 Yesu u kêii yi nááli têdê nmî lee dniye, Chóó Lémi u ngomo mbwa kalê ngmê kêoo nmî kee dniye, ghini nêii u pi Solomon u ngomo ghi, yêi nmee paa. 24 Nju tpémi yi kada pini knî yêoo Yesu a yina ngópu, u kwo póó dniye, kwo, Dye ghi nmo mêkidimê dówodówo. Kwo, Têââ nmo dê diyêa. Kwo, Nmo namê kêomodanê. Kwo, Pini nêii Chóó Lémi ngê a ngmidi ngê, nêii nmo têââtêââ, ye nyi vyîlo? 25 Yesu ngê yepê, Wunê nmye monî vyu, ngmênê a ka dpîpêe kêlîmî mbê dniye. Yepê, Mêaa u pi ngê kópuni yilî nêaa dêuudêuu ngê, yi kópu knî yêoo nmye yinê wodê kêma noo, 26 ngmênê nmyi ngwolo dmi nmyi kuwo ngópu, yi kópu yilî dpîpêe mêuu ngópu, mu kópu u dîyêo dpêee a sipi wêuu vyêo yéli. 27 Yepê, A sipi knî yêoo a dnye yi ngêaa, a lama ka pyede, wunê yâmuyâmu noo. 28 Yepê, Ghéni nêii chedê ngê daawa pyódu, ye nêaa yémî ngê, u lêêê dîyêo daangmêwa dyênê. Yepê, Pi ngmê ngê a kêlê myedaangmêwa a pwââ. 29 Yepê, Nêii ngê u yi adî kwo, awo, Kwulo nê pwaa té, yepê, yi pini wa dîpî, mu kópu u dîyêo u wêdêwêdê têdê. Yepê, Mêaa ngê a ka yinê a kê too, u wêdêwêdê pââ ndîî, pi ngê kwulo daawa a pwaa té. 30 Yepê, Mêaa ntee, nê mye yinté. 31 Nju tpémi yêoo noko yepê, Lukwe dîyêo kî pini ngê Chóó Lémi u dêaa wunê kââdîkââdî. Noko yepê, Vya koo, wodêoo myombó chêêpî knî ngma a ngî ngópu, apê, Yesu ngê nmî dyêee té. 32 Yesu ngê yepê, Mêaa u pi ngê nmyi ngîma kópu mbêaa yilî nî dêuu ngê. Yepê, Lóni u lêêê dîyêo a vyee u yi nmye a kwo? 33 Nju tpémi yêoo kwo, Daa kópu mbêaa ngmê u lêêê dîyêo m̱yee u yi nmo a kwo, ngmênê kêomo tpile nyi nmo ntee pini, ngmênê ala kópu nye tpapê, Chóó Lémi u pi ntoo, a pi yintoo ngê nêaa pyépi. 34 Yesu ngê yepê, Yélini yêoo Chóó Lémi u kópu wunê a nyêee ngópu, Chóó Lémi ngê yepê, Nmyo nê ntee yéli. Yepê, Nmyi chóó nmyi puku yedê yi kópu a tóó, doo u ntââ u wépi daanmyi pwaa ngmê. Yepê, Chóó Lémi ngê dyámê mbêmê chóó yinê a dyêââ noo, u ngwo nmye nî vyu, nmyenoo, Nê Chóó Lémi Tpêoo, yepê, doo u ntââ yi kópu u wépi myedaanmyi pwaa ngmê. 37 Yepê, Mêaa u dpodo wodînî dódó ngê, ye a ka daapêee ngêaa té. 38 Yepê, Ngmênê Mêaa u dpodo dye ghi yintómu ndêndê ngê nêaa dódó ngê. Yepê, Yi kópu u lêêê dîyêo, kêomo tpile a kópu dyuu daanmyi nyêee ngmê, ngmênê kópuni nêaa dêuudêuu too, yi lêêê dîyêo a ka dmyina a kêlîmî, mu kópu u dîyêo ala kópu nmyi lama ndêndê ngê pîchoo ya, Mêaa ntee a tóó, nê myêaa vyîlo, yinté myinî tóó. 39 Yi kópu u lêêê dîyêo myombó u yi yêe mêdoo kwo, Nmî mgîmî, ngmênê yi kêlê a pwii wo. 40 Yesu u kêii Njedusalem nmo kuwo ngê, mbwaa ndîî Njódan nmî ngmópu, Njon Baptist ngê yoo mbwaa paa kwéli dpîmo kmênêkmênê dé, yêi nmeenêaa ya. 41 Pi yilî nmo a loo, noko yepê, Kêomo tpile Njon ngê mbwudu daangmê chópu, ngmênê kópuni yilî Yesu pêuu vyu, yintómu ndê kópu dé, kêomodanê kópu yi pêuu daa têa. 42 Wodêoo pi yilî yêi Yesu ka kêlîmî mbê wo.