Njon 20

1 Sandé mwêaa mgîdî vyêo, Méli Makîdala pyââ kpomo chedê yi loo, Yesu kwéli kmênê ngópu. Apê, Chêêpî pââ ndîî nêii kpomo têâmo kaa ngópu, apê, Lukwe ngê atédê tpiyé wupu kwolo. 2 Wodêoo mbêpê a puwâ, Saimon Pita kêii mdoo nye a Åuwo, nyepê, Nmî Lémi ntóó kpomo u mênê kêdê ngî ngmê, kwéli dêuu yé ngmê, nmî lama daa tóó. 3 Pita kêii kpomo u chedê nyi lee knopwo. 4 Maa pêuu nipi nyipu mbêpê, mbêpê têdê Pita nê kuwo ngê, kpomo u chedê mwiyé nêuu ta, ngmênê kpomo u mênê ghêlî dîpî kee wo. 5 Kpomo u mênê nê tepe mbê wo, Yesu ntóó pêuu kpîdîni têee tumo, nî mêuu too. 6 Pita dini ghi nêii ngê ta, yi ngwo kpomo u mênê kee wo, kpîdî mye mêuu too. 7 Kpîdîni ngê mbodo a kmongo ngópu, apê, U mo mu tóó, kmongo ngmê. 8 Myenté kpomo u mênê myêaa kee wo, yi kópu knî yêaa mêuu too, ala kópu ka u ngwo nî kêlîmî mbê wo, nê, Nmî Lémi kêda pyidu. 9 Yesu u pyidepyide pêuu kópuni puku yedê a pyede, yi ngwo ghêlî dpîpêo wêee too. 10 U kuwó dini ghi ngê pêo mêee diyé knopwo. 11 Méli kpomo chedê doo kwo, doo mbê. Kpomo u mênê yedê tepe mbê wo, 12 enjel miyó módu, yi kpîdî dê kpaapîkpaapî dê. Yesu ntóó mwiyé kwéli doo ya, yi kêlî ghê dpîmo ya, mbodo kwéli yé ngópu, woni yêi doo ya, woni yu dmyîno doo ya. 13 Ngmê ngê Méli ka kwo, Lukwe dîyêo nye mbê. Yepê, Nmî Lémi ntóó até da ngî ngmê, anyi dêuu yé ngmê. 14 Wodêoo Méli yi diyé wo, Yesu yi módu, ngmênê daa myââ. 15 Yesu ngê kwo, Lukwe dîyêo nye mbê. Kwo, Nêuu ka nye vyuwo? Méli ngê apê ngmênê, Myângo u yêenê pyu ye kwo, kwo, Ala pini ntóó dmyinê ngî ngmê, kwéli dmyinêa a yé ngmê a ka vyi ngi, nêaa lêpî, ntóó mênînêaa ngêêênî. 16 Yesu ngê kwo, Méli. Yi ngwo dini ghi ngê Méli ngê myââ, apê, Kîngê Yesu. Nju dnye ngê kwo, Laponi, u ntêu kópu nmînê nmo, Nmî Lémi. Wodêoo Yesu u nkîghêê loo. 17 Yesu ngê kwo, Kalê nédi, mu kópu u dîyêo Mêaa ka dêoongê kee wo. Kwo, A mî mye nmyi Mî, a yâpwo mye nmyi yâpwo. Kwo, Yi pini ka nêaa koko. Kwo, A mbwó knî ye yi kópu dpêuu vyi ngi. 18 Wodêoo Méli Makîdala pyââ nmo a loo, nmopê, Nmî Lémi kîdî mêuu. Méli ka kópuni a vyi too, nmo mînê nté too. 19 Yi Sandé ntumokwodo nêii knî yi kêii Yesu pêuu nmee ndiye, ngomo kêoo nmee kwo. KeÅe nmo kuwo too, mu kópu u dîyêo Nju tpémi yi kada pini knî ye nmî nkîngê mbê dniye. Wodêoo Yesu anya a pwiyé wo, nmî vyêo ghê wo, nmopê, Mwêââkó a tîdê mbwó yoo, ala nê, namê nkîngê. 20 U kuwó dini ghi ngê kóó dê nmî ngópu tpyé doo, kaa kwéli dóó ngópu, nmî ngópu mye tpyó. Dini ghi nêii ngê nmî myââ, nmî gha dmi dêudêumbiyêe mbêaambêaa ngê pyodo. 21 Myombó Yesu ngê nmopê, Namê nkîngê. Nmopê, Mêaa ngê dyámê mbêmê ntee a dyêââ noo, pi knî ye yinté u nkwo nêaa dyede nmyo. 22 Wodêoo Yesu nmo kó wââ mbê wo, nmopê, Mêaa u Ghê Dmi nmyi mênê dî yé. 23 Nmopê, Nêii yi dono wanmyi chedê têoo, Mêaa ngê yi dono u mbodo knêââ vyuwo wa kéé té, mêdaawa a ngî té. Nmopê, Nêii pêuu Mêaa u Ghê Dmi mbêmê ala kópu wanmyinê wêee ngmê, anye, Kî pini ngê u dono dê mgîmî té, mêdaawa kéé té, nmopê, yi pini ka wanmyi vyi ngmê, Ṉono knî yêoo dê dyênê ngi, ye yi pini u dono Mêaa ngê u mbodo knêââ vyuwo daawa kéé té. 24 Wéni nêii ngê Yesu nmî módu, nmî vyêo pini ngmê Tomas, pini nêii u mbwó kêii nipi taa knopwo, yi pini nmî vyêo dêpwo kwo, 25 wodêoo dini ghi nêii ngê Tomas nmî módu, kwonmo, Nmî Lémi kudu mêuu. Tomas ngê nmopê, Kpêêpî u kwéli kóó dê yi pêuu daanî mêuu knomomê, a kêêpyââ yi kwéli pêuu daanî yé knomomê, kaa kwéli dóó ngópu a kêê yêi daanî yé knomomê, ye daanî kêlîmî mbêanê. 26 Wiki ngmidi mî loo, Tomas u kêii ngomo kêoo nipi nmee kwo. Kêomo tpile keÅe nmo kuwo too, ngmênê Yesu anya a pwiyé wo, nmî vyêo ghê wo, Nmopê, Mwêââkó a tîdê mbwó yoo. 27 Tomas ka kwo, A kêê dê ngî mêuu dé, ṉgêêpyââ yi pêuu kédi, a podo pee dmi kêpa ṉgêê mye yé. Kwo, Lukwe dîyêo dêii kêlîmî. Kwo, Chi kêlîmî. 28 Tomas ngê kwo, A Lémi, nyi nmî yâpwo ndêndê. 29 Yesu ngê kwo, Wochoo mêuu noo, daapîchi kêlîmî mbêanê. Kwo, Yélini a ka adnya a kêlîmî, kêomo tpile daawa mêuu nê, a ka amyednya a kêlîmî, yi yéli yi gha dmi Mêaa ngê dêudêumbiyêe mbêaambêaa ngê wa pyódu té. 30 Kêomo tpile Yesu ngê mbwudu yilî nmî ngópu chópu, ngmênê ala puku yedê pyile njini nî dêêê ngê. 31 Nî dêêê too, mu kópu u dîyêo ala kópu ka paa kêlîmî mbê dmyeno, pini nêii Chóó Lémi ngê a ngmidi ngê, nmî kada pini ngê pyódu ngê, yi pini Yesu, pini nêii Chóó Lémi Tpêoo. U ya a nga a kwo Yesu ka kêlîmî mbê dmyeno, u pi mbêmê ghê kamî u ngwo pêdê pywêee yó.