Mátiyu 19

1 Dini ghi nêii ngê Yesu ngê yi danêmbum a kêlî ngê, pêuu ndiye pyu knî yi kêii Nkálili Wee a kuwo ngópu, Njuda Wee u kwo mî lee dniye, Njódan mbwááni mê ngmêê ngópu, Pédiya Wee u kwo mî taa dniye. 2 Pi yilî tpêoo témi tap knî yêoo dnye yâmuyâmu dé. Pwopwokopwe yoo nêii u kwo Åuwêo tumo, Yesu ngê pyi too. 3 Pádisi yoo u kwo ngmê loo, u yi yêe doo kwo, Yesu danêmbum têdê nmî dóó, kwo, Nmî dêêpî kópu dyuu lónté a kwo, kwo, u ntââ mââ ngê kópu yilî yintómu yi lêêê dîyêo u kpâm wa kpîpî? 4 Yesu ngê yepê, Kópuni puku yedê a tóó dmyongê kpêaa ngópu? Yepê, Mwiyémwiyé dini ghi ngê, Chóó Lémi ngê pyââ mââ lêâmo doo, yepê, Noko mbêaambêaa ngê choo ya. 5 Yepê, Yi kópu u lêêê dîyêo mââ u pye mî yi kêlê dpo pwii, u kpâm kêii ngmidi ngê dpî pyaa knî. 6 Yepê, Wodêoo yéé yepe daa miyó a tóó, ngmênê mu ngmidi. Yepê, Cha cha nêii Chóó Lémi ngê dpo kââdî dê, pi ngê dêuudpî chámê dê. 7 Pádisi knî yêoo Yesu ka kwo, Lukwe dîyêo Mósisi ngê ala dêêpî kópu dyuu nmo a kpo, apê, Mââ ngê u kpâm dî kpîpî knomomê, u kópu dyuu dpî dêêê ngê, u kwo dpî yêee ngê, u ngwo dpî dyêââ ngê. 8 Yesu ngê yepê, Mósisi ngê yi kópu nmye mu dêêê ngê, mu kópu u dîyêo nmyi kpâm knî ye vyuwo dnyinté nmyi lama a tóó, Chóó Lémi u dnye dnyinté myêee nyêmî ngópu. Yepê, Ngmênê mwiyékmîntoo Chóó Lémi ngê u yi u ngwo dêpwo kwo, Mââ ngê u kpâm choo kpîpîkpîpî. 9 Yepê, Ala kópu nmye nêaa tpapê, pini nêii u kpâm u tumu mââ daadî ya, yi pini ngê u kpâm kîngî kpîpî, knêaa pyópu kîmungê nya. Yepê, Wa kpîpî knomomê, knêaa pyópu muwa nya knomomê, ye daa yééyéé u kópu ayi dêuu, ngmênê pyââ ti u kópu ayi dêuu. 10 Yesu pêuu ndiye pyu knî yêoo Yesu ka kwo, Mumdoo cha cha yi kópu dyuu yinté a kwo knomomê, ye pi ngê pyââ kîmungê nya. 11 Yesu ngê yepê, Mêaa u kópu wunê nmye kîdî vyi, nmyedê, Mââ u pye mî yi kêlê dpo pwii, u kpâm kêii ngmidi ngê dpî pyaa knî. 12 Yepê, Ngmênê pi woni knî yêe yi kópu doo u ntââ, dêuudpî yéé dmi. Yepê, Knî ngmê yinté a taa dniye, knî ngmê pi knî yêoo doo u ntââ ngê dpî pyódu têoo, knî ngmê a pêuu dpodo u lêêê dîyêo dêuudpî yéé dmi. Yepê, Nêii ka yi kópu u ntââ, yi pini ngê choo dêuudêuu. 13 Pi knî yêoo Yesu ka yi tpêee dmââdîma Åuwêo tumo, apê, Kóó yi mbêmê nyi yé ngê, yi lêêê dîyêo myechoo ngêpê. Yesu pêuu ndiye pyu knî yêoo yi kópu ye kwódu ngópu, 14 ngmênê Yesu ngê yepê, A ka a Åuwêo teÅe, ye namê kwódu yé, mu kópu u dîyêo tpêee dmââdîma ntee yéli Chóó Lémi ngê chóó adî yêenê dé. 15 Wodêoo Yesu ngê kêê yi mbêmê doo yiyé, yi lêêê dîyêo myedoo ngêpê. U kuwó dini ghi ngê pêuu ndiye pyu yoo yi kêii kada a yêee ngópu. 16 Pi ngmê Yesu ka loo, u kwo póó wo, kwo, Mââwe. Kwo, Ló kópu mbêaa ngmanî dêuu, ghê kamî u ngwo anê pywêoo, ghéni nêii chedê ngê daawa pyódu? 17 Yesu ngê kwo, Lukwe dîyêo kópu mbêaa pêuu a ka chi póó. Kwo, Pi chóó mbêaambêaa ngê daawa pyódu, Chóó Lémi mu ngmidi yi mbêaambêaa. Kwo, Ghê kamî u pywêêmî u yi ṉga choo kwo knomomê, ye Chóó Lémi u dêêpî kópu dyuu chi chââchââ. 18 Yi pini ngê kwo, Ló dêêpî kópu knî yi pêuu a ka nye mbumu? Yesu ngê kwo, Pi nangmê vyêa, pi u kuwó nangmê pwiyé, pi u tpile nangmê têâmo, pi nangmê yipe, pi nangmê dóó, 19 m̱ye m̱î chi chââchââ dê. Kwo, Å̱yóó ṉuu ghi ṉódo ntee a tóó, yoo yi nuu ghi dmi ṉódo yinté myechoo ya. 20 Yi pini ngê kwo, Yi kópu dyuu nêaa chââchââ too, ló kópu ngmê ngê doo u ntââ ngê nêaa tóó? 21 Yesu ngê kwo, U yi ṉga a kwo, nyimo, Dêudêumbiyêe u ntââ mbêmê nî yââ, kwo, ye chi lêpî, kwo, tpile yilîni ngópu a tóó, ngópuchêanê knî ye nyi yéépi, yedêoo dpo ngmêêê nédi, cha a yâmuyâmu nê, kwo, ya mbêaa mbóó pêuu u ngwo anyimo pywêoo. 22 Dini ghi nêii ngê yi pini ngê yi kópu nyongo, u gha dono ngê pyodo, apê, A tpile yilî angênté anî yêê, wodêoo Yesu a kuwo ngê, mu kópu u dîyêo ndáápi ndîî, u tpile yilî. 23 Yesu ngê pêuu ndiye pyu knî ye yepê, Nêii ndáápi ndîî, a maa pêuu paa dpodo ndîî ngê u kwo wa pyódu, Chóó Lémi kóó kêoo angênté amî ghê. 24 Yepê, Ala kópu mye nyêee yó. Yepê, Mbwêmê ndîî, tee knêââ puu u mênê daawa kee, yepê, myenté Chóó Lémi kóó kêoo ndáápi dêuudpî ghê. 25 Pêuu ndiye pyu knî yêoo dini ghi nêii ngê nyêee ngópu, ghê yi mênê ghipé wo, noko yepê, Wu lónté kópu? Noko yepê, Ndáápi yoo Chóó Lémi kóó kêoo daangmêwa ghê knomomê, ye nêuu ngmê u ntââ yêi amî ghê? 26 Yesu ngê doo yêenê dé, yepê, Doo u ntââ Chóó Lémi kóó kêoo pi chóó daangmêmî ghê, ngmênê Chóó Lémi chóó u ntââ, pi chóó kóó kêoo wa kââ. Yepê, Kópu yilî yintómu Chóó Lémi u ntââ. 27 Pita ngê Yesu ka kwo, Mââwe. Kwo, Tpile yilî yintómu nmo kuwo ngê, anmînê yâmuyâmu ngi. Kwo, Yi kópu u lêêê dîyêo ló kópu ngmanmo pywêoo? 28 Yesu ngê yepê, Ndê kópu nmye ngmênêaa tpapê. Yepê, Dini ghi nêii ngê tpile yilî yintómu kamî ngê anî pyódu té, yi ngwo a pi ndîî ngê wa pyódu, pi yintómu yi kada pini ngê anê pyódu, mu kópu u dîyêo nê Chóó Lémi u Pi Ndêndê. Yepê, Yi ngwo Yisîléli tpémi yi yoo dyêêdî yêa mê miyó wanmyi yêenê dé, mu kópu u dîyêo nmyinê yâmuyâmu nê. 29 Yepê, Pini nêii ngê a lêêê dîyêo u pêaa dpo kuwo, u tîdê mbwó yoo dpo kuwo té, u pye mî dpo kuwo dê, u tpêee dmââdîma dpo kuwo té, u yâpwo têdê dmi myedo kuwo té, yepê, yi pini ngê yinté tpile mê yilî amêdê pywêoo. Yepê, Pini nêii ngê a kópu dyuu u lêêê dîyêo tpile ngmidi wa a kuwo, yepê, yi pini ngê yinté tpile mê yono yêa amêdê pywêoo. Yepê, Mu dini ghi ngê yi pini ngê ghê kamî amînê pywêoo, ghéni nêii chedê ngê daawa pyódu. 30 Yepê, Kada yéli mê kuwó, kuwó yéli mê kada. Yepê, Ala ngwo ndáápi yoo kada a wee, ngmênê dîyo kuwó amêdê ghê dmi.