Mátiyu 21

1 Yesu, pêuu ndiye pyu knî yi kêii, Njedusalem ghêlî daa nî dniye, yi kada pêaa ngmê doo ya, u pi Petepake, mbu yêi ngma a kwo, u pi Olipi, mu kópu u dîyêo nté knêââ kpê yi mbwini mbêmê ngmêdoo ya, yi yini yi pi dmi mye olipi. Dini ghi nêii ngê yi mbwini mbêmê kee dniye, Yesu ngê pêuu ndiye pyu kada miyó kââ, 2 yepê, Mu pêaani nmî kada choo kwo. Yepê, Dini ghi nêii ngê yêi dpo taataa mo, ndonki ghee dpo mumu dêoo, yedê Åedê a têa mo. Yepê, Dpo pywálî dóó, a ka dpo Åuwêo dóó. 3 Yepê, Pini nêii ngê kópu dpo ngmêdê vyi knomomê, ye ala kópu u kwo dpî vyi nyoo, kwipi, Nmî lémi ngê yi yi dê u ngwo wunê kwo mo. Yepê, Yi ngwo dpo wunê kuwo dê. 4 Chóó Lémi u kópu nêii pi ngmê ngê wunê a dêêê ngê, Yesu ngê yi ngwo ntiye ngê. Yi kópu ala, 5 Njedusalem tpémi, nmyi king wunê pwiyé knî, ndonki pyipwo wunê tóó. Daa lêêê pyu ndîî, daa hósi pyipwo wunê tóó, ndonki tpêoo pyipwo wunê tóó. 6 Yesu ngê yi tpódu ye kópuni vyu, yinté mî dêuu ngópu, 7 ndonki ghee Yesu ka a Åuwêo dumo, yi nkuwo kpîdî dê yi mbwo a ngee dumo, ndonki ghee yi pyipwo talê dumo, Yesu ndonki pyipwo u nkwo yaa wo. Kada a yêee ngópu, Njedusalem dnye lêpî, maa pêuu ndonki ngê Yesu doo dnyinêdnyinê. 8 King ntee dnyimo chââchââ, Yesu yinté mye châpu ngópu, woni knî yêoo yi nkuwo kpîdî a ngee tumo, Yesu u kada maa pêuu talê tumo, woni knî yêoo yi knî ngmê vyêêê ngópu, nkoo vyi u kadakada yidi ngópu, ndonki ghee yi mbêmê dpumo paa, Yesu ndonki pyipwo doo ya. 9 Yoo u kada ngmêdoo kwo, yoo u kuwó mudoo kwo, Yesu yi kêlê ghê doo paa, Njedusalem nipi dnye lêpî, u nkwo dnye kââkââ, kópu, Munmîkó Nmî Lémi, Dépidi ntee pini. Kópu, Chóó Lémi ngê a ngee nyine. Kópu, U pi ngê nyinê loo. Kópu, Chóó Lémi chaa kîgha koo. 10 Dini ghi nêii ngê Njedusalem taa dniye, yélini yêi doo kwo yintómu ngwéti dniye, noko dnye póó, yipu, Pi knî yêoo ló king yi châpu ngmê? 11 Yoo woni knî yêoo yepê, Yesu, pini nêii ngê Chóó Lémi u komo a kapî ngê. Yepê, Nasalet pi, pêaani nêii Nkálili Wee u kwo a tóó. 12 Yesu pêuu Chóó Lémi u ngomo mbwa kalê ngmê kêoo mî kee dniye, apê, Pi knî yêoo tpile tpêoo mu pywupwi têoo, kpêê yiyé u lêêê dîyêo. Apê, Knêaa dyámê ndapî nmî ndapî ngê mu ngmêêpî têoo. Apê, Yélini alêii a dpodo nyédi, yoo mu dódó têoo, yi ndapî mu chedêchedê têoo. Yi kópu u lêêê dîyêo Yesu ngê yi yéli a pwêoo ngê, kuwa pwêii too, ndapî ngmêêpî têdê yi tépîl ye a pii too, ndapî tpii yi kpópu, Åmê tpêoo pywupwi têdê yi pêo a ngî too, yi ya têdê dnyi mye dyêee too. 13 Chóó Lémi u kópu Yisaya ngê nêii a dêêê ngê, yi kópu ye vyu, yepê, Puku yedê ala kópu mu tóó, A ngomo kwéli a kwo, ngêpê têdê ngê choo ya, yepê, ngmênê kpaa têdê ngê dmye pyódu ngmê. 14 Yélini yi yi dmi kwolo ngmê dé, yi ngwolo kopwe dé, Yesu ka yêi Åuwêo tumo, yintómu pyi too. 15 Ngmênê yi kópu u lêêê dîyêo dêêpî pyu yoo Yesu ka nodêe dniye, kpêê yiyé pyu yoo yi kada pini yoo u kwo mye nodêe dniye. Noko yepê, Tpêee dmââdîma yêoo Chóó Lémi u ngomo chedê lukwe dîyêo a chaa kîgha ngmê. Noko yepê, Lukwe dîyêo dpodombiyêe a kââ té, apu, Dépidi ntee pini chaa kîgha koo. 16 Wodêoo Yesu ka póó dniye, kwo, Kî kópu ka tpapê ngmê, nyi nyêmî? Kwo, Lukwe dîyêo a chaa kîgha ngi. Yesu ngê yepê, Nyââ, anî nyêmî. Yepê, Kópuni tpêee dmââdîma yêoo a dêuudêuu ngmê, mumdoo yi kópu puku yedê dmyongê kpêaa ngópu? Yepê, Yi kópu alanté a tóó, Dépidi ngê Chóó Lémi ka kwo, U yi ṉga a kwo, Tpêee dmââdîma yêoo dnyêoo chaa kîgha ngi. 17 Wodêoo Yesu ngê a kuwo too, pêuu ndiye pyu knî yi kêii Petani lee dniye, Njedusalem u nkîghêê pêaani nêii tpêoo a tóó. Yêi mî dpî dniye. 18 Womumo mwêaandiye Yesu, pêuu ndiye pyu knî yi kêii, Njedusalem mê diyé dniye. Maa pêuu Yesu ngê dómu kele. 19 Maa nkîghêê kuwe knêââ ngmê módu, apê ngmênê, Kîgha pêuu ngma a kwo. Yesu yi yini kmêee yi loo, apê, Kêomo tpile yââ yilî nkwodo mu kwo, ngmênê kîgha pêuu daangma a kwo. Wodêoo Yesu ngê pêuu ndiye pyu yoo yi ngópu mgongo ntee kópu ngmê dêuu ngê, yi yini ka kwo, Nté kîgha m̱êuu daamuwa ghê. Yi ngwo yi yini pwene. 20 Dini ghi nêii ngê pêuu ndiye pyu knî yêoo yi kópu mêuu ngópu, ngwéti dniye. Noko yepê, Kî yini lukwe dîyêo lîmîlîmî ngê da yââ? Yi mgongo dnyinté a wêee ngópu. 21 Yesu ngê yepê, Ndê kópu nmye ngmênêaa tpapê. Yepê, A ka dpodombiyêe anmya a kêlîmî knomomê, nmyi nuwêo dmi ngmidi ngê adnyi ya knomomê, ye kópuni wanmyi vyi têoo, wa pyaa dmi. Yepê, Mgongo ntee kópu nêii wu yini ngê nmyi ngópu dî dêuu, u ntêu kópu ntênê wanmyi dêuu ngmê. Yepê, Myenté, kî mbwini ka wanmyi vyi ngmê, kwonye, A yumwe, ntêee nyi ghé, yepê, yi kópu wa dêuu. 22 Yepê, A ka ntênê anmya a kêlîmî knomomê, ye kópuni Mêaa ka anmyinê dmyêee ngmê, yi kópu nmyi lêêê dîyêo ntênê wa a dêuu. 23 Dini ghi nêii ngê Yesu pêuu Chóó Lémi u ngomo mbwa kalê ngmê kêoo kee dniye, Yesu ngê yoo yêi doo ndiye kîgha dé. Kada pini yoo, kpêê yiyé pyu yoo yi kada pini yoo yi kêii, Yesu ka a lee dniye, kwo, Chóó Lémi u ngomo nmî chóó nmo yêenê. Kwo, Kópuni nye dêuudêuu too, nêuu ngê ṉga vyu, u ngwo nye dêuudêuu too? Kwo, Nêuu u pi mbêmê ye kópu yilî nye dêuudêuu ngê? 24 Yesu ngê yepê, Kópu nmye mwiyé ngmênêaa poopoo. Yepê, Yi kópu nmyinê vyee ngmê, ye pini nêii ngê a dyêââ noo, u pi nmye u ngwo nêaa tpapê. 25 Yepê, Nêuu u pi mbêmê Njon ngê pi mbwaa lêê u mênê dpîmo kmênêkmênê dé? Yepê, Chóó Lémi u pi mbêmê ó chóó u pi mbêmê? Noko yepê, Ló kópu u kwo ngmanmî vyi? Noko yepê, Ala kópu u kwo nmo tpapê, Chóó Lémi u pi mbêmê, noko yepê, ala kópu nmo a tpapê, Lukwe dîyêo Njon ka dpîpêe kêlîmî mbê dniye. 26 Noko yepê, Ala kópu u kwo nmo tpapê, Chóó u pi mbêmê, noko yepê, pi knî yêoo ló kópu nmo angmê dêuu ngmê, mu kópu u dîyêo yinê ye Njon Chóó Lémi u komo kapî pyu ngmê. 27 Yi kópu u lêêê dîyêo kede dniye, Yesu ka kwo, Nmî lama daa tóó. Myenté, Yesu ngê yepê, pini nêii u pi mbêmê kópu yilî nêaa dêuudêuu ngê, nmye myedaanî vyi. 28 Yesu ngê kada pini knî ye yepê, Danêmbum ngmê ngî nyêee yó, pêuu dmyinê nuwêo. Yepê, Pi ngmê, tpêoo miyó doo ya. Yepê, Yi pini ngê tpêoo kaa ka kwo, A tpêee, wain kpê u mênê chinêaa dpodo. 29 Yepê, Tpêoo ngê u mî ka kwo, U pêo, ngmênê daa nêee. 30 Yepê, U kuwó dini ghi ngê yi pini tpêoo tpuu ka u nkwo adî lê, kópu mu ngmidi u kwo mye vyu. Yepê, Yi tpémi ngê kwo, Daanî nî, ngmênê u kuwó dini ghi ngê yi tpémi ngê u nuwêo mê ngmópu, dpodo têdê mê loo. 31 Yesu ye póó wo, yepê, Yi tpémi dê yi mî ka nêuu ngmê ngêaa mbê wo? Kada pini knî yêoo kwo, Tpêee tpuu ni. Yesu ngê yepê, Ndê kópu nmye ngmênêaa tpapê. Yepê, Tákisi ngêêpî pyu yoo, téli pyââ yoo, pi dono yilî mye yi kêii, yi nuwêo dmi ka ngmêêpî têoo, Chóó Lémi kóó kêoo ka wowo té. Yepê, Vyîlo yi yéli u kwo ye ngêaa té. Yepê, Kêomo tpile nmyi komo knî yêoo Chóó Lémi nmye chââchââ ngópu, ngmênê u nuu u kópu dpêee dêuudêuu tumo. Yepê, Doo u ntââ, kóó kêoo daangmanmyi ghê. 32 Yepê, Njon Baptist ngê maa mbêaa nmye mênê kêma ngê, ngmênê u kwo dpîpêe kêlîmî mbê dniye, u wépi nmyi pwaa ngópu. Yepê, Tákisi ngêêpî pyu yoo, téli pyââ yoo, yoo dono mye yi kêii, vyîlo dé u kwo yi kêlîmî mbê dniye. Yepê, Kêomo tpile Chóó Lémi u wépi mwiyé a pwaa ngópu, ngmênê kuwó yi nuwêo dmi mê ngmêê ngópu, u kwo ntênê ngêaa mbê dniye. Yepê, Kêomo tpile yi kópu nmyi mêuu ngópu, ngmênê lukwe dîyêo nmyi nuwêo dmi dpîpêe ngmêê ngópu, Njon ka myedpîpêe kêlîmî mbê dniye. 33 Yesu ngê kada pini knî ye yepê, Danêmbum mêuu ala, mye nyêee yó. Yepê, Pi ngmê ngê wain kpê ngmê yó, mbwa ngê a yina ngê, wain kîgha u vyilêvyilê têdê ngmê lêâmo ngê. Yepê, Ghi myêoo lêâmo ngê, yi wain kpê yêenê pyu u ya têdê. Yepê, Wain kpê chóó ngê pi ngmê knî ye yepê, A wain kpê ka dmyinê vyuwo, dini ghi nêii ngê ntêu dê kaa knomomê, kîgha dmyina a ngêêpî dé, dmyinê vyilêvyilê dé, wain u ngwo dmyinê lêâmolêâmo, knî a ka ngmêdmyina a dyede, woni nmyi nêni. Yepê, U kuwó dini ghi ngê yi pini ngê wain kpê a kuwo ngê, knêaa pêaani loo, dye ghi daadîî yêi doonêaa ya. 34 Yepê, Wain kpê dini ghi nêii ngê kyopwo wo, wain kpê chóó ngê pi knî ngmê dyêââ ngê, yepê, A wain kpê u mênê dmyinê lêpî, u yêenê pyu knî yêoo a wain knî nmye ngmêdo kê yêe, a ka dpo Åuwêo yó. 35 Yepê, Dini ghi nêii ngê yêi mî taa dniye, wain kpê yêenê pyu knî yêoo mgîmî tumo, ngmê kpaka ngópu, ngmê taa ngê vya ngópu, ngmê chêêpî ngê vya ngópu. 36 Yepê, Myombó wain kpê chóó ngê pi mê yilî ye dyêââ ngê, ngmênê kópu mu ngmidi yêe myemînê dêuu ngópu. 37 Yepê, U kuwó dini ghi ngê tpêoo ye u nkwo dyêââ ngê, apê, A tpêee amînê châpu ngmê, daawa a vya ngmê. 38 Yepê, Ngmênê yi wain kpê yêenê pyu knî yêoo daa châpu ngópu. Noko yepê, Kî wain kpê chóó tpêoo. Noko yepê, Vya koo, yedêoo wain kpê nmo wa ghay. 39 Yepê, Wodêoo mgîmî ngópu, vya ngópu, ntóó chii mênê mî kéé ngópu. 40 Yesu ye póó wo, yepê, Dini ghi nêii ngê yi wain kpê chóó wa a lê, yi tpóknî yêe ló kópu angmê dêuu? 41 Kada pini knî yêoo kwo, Wa a lê, pi dono yoo wa vya té, knêaa yéli yêoo yi dêaa dmi u nkwo amênê kââdî ngmê. Kwo, Yi yéli yêoo mgî daadnyi pwapî, lîmîlîmî ngê ntêu knî u kwo angmêdnyi dyede. 42 Wodêoo Yesu ngê yepê, Kópuni puku yedê a tóó, a wêee yó. Yepê, Yi kópu ala, yepê, Yi pââni ngomo wuwó pyu knî yêoo kéé ngópu, yi yini pââ pwêeni ngê vyîlo mêyi pyodo. Nmî Lémi ngê yi kópu yinté dêuu ngê, nyepênyepê u kópu yi dêuu ngê. 43 Yesu ngê yepê, Pwêeni ndêndê nmyi kéé ngópu, Chóó Lémi ngê u nkwo wa kéé nmyo, u wain kpê mêdaanmyi yêenê, knêaa yéli yêoo nmyi dêaa dmi wa a kââdî ngmê. Yepê, Chóó Lémi u kópu dyuu yi yéli yi mênê ntêu mbêaambêaa ngê wa kaalî. 44 Yepê, Nê chêêpî kpiyé ntee tpile. Yepê, Nêii yi chêêpî kpiyé pêuu wa a lvêêdî, mbodo wa pwââ. Yepê, Nêii mbêmê yi chêêpî kpiyé wa a ghay, koo dyuu ngê wa pyódu. 45 Pádisi yoo, kpêê yiyé pyu yoo yi kada pini yoo yi kêii, yi ngwo a wêee ngópu, apê, Kî nmî pêuu a mgongo. 46 U yi yêe doo kwo, Yesu nmî mgîmî, ngmênê kêê u ngwo dêpê têee ngópu, mu kópu u dîyêo pi knî ye nkîngê mbê dniye, yinê ye Chóó Lémi u komo kapî pyu ngmê.