Lóma 1

1 Nê Póól, Yesu Kédisu u dpodo pyu, myenté u dyépi, ala pweepwee pee nmye até dêa dyêââ, yélini Yesu u yoo vyêo nmyinê ghê dniye, Lóma. Chóó Lémi ngê a ngmidi noo, a ka pê, A kópu mbêaa pi knî ye chinêaa tpapê. 2 Yi kópu mbêaa nmî Mbwámê pêuu kópu mbêaa. Pini nêii nmî Mbwámê ngê pyodo, Chóó Lémi ngê yi pini u kópu mbêaa chóó u komo kapî pyu knî ye mwiyé a vyu, yi kópu yêoo a dêêê ngópu. 3 Nmî Mbwámê Chóó Lémi Tpêoo, nmî Lémi Yesu Kédisu, ndêndê ngê nmo ntee pini. Nmî wêêê mââwe Dépidi, vyîlo yi pini u tii Åedê, Yesu mî chópu. 4 U ghê dmi ndêndê ngê Chóó Lémi u Ghê Dmi. Chóó Lémi ngê nmopê, Ala a Tpêee. Yi kópu ndê kópu ngê alanté nmo pyódu ngê, u wêdêwêdê mbêmê kpêênî mêda pyidu ngê. 5 Yesu ngê ntênê a ngee noo, u dyépi ngê a pyódu noo, a ka pê, A pi knêaa dyámê tpémi ye chinêaa tpapê, u ngwo a ka pêdê kêlîmî mbê dnye, a nuu u kópu dé myednyêoo dêuudêuu dé. 6 Nmyo myentee dé, Yesu Kédisu ngê Chóó Lémi u yoo vyêo myeda danê nmyo, yélini u nuu u yoo, u momu yéli. Nmî Mî Chóó Lémi, nmî Lémi Yesu Kédisu u kêii, nmye mbêaambêaa ngê dnyêoo a vyuwo. 8 Ala kópu nmye mwiyé nînê dêêêdêêê. Yesu u pi ngê nmyi lêêê dîyêo Chóó Lémi nêaa kwunokwuno ngê, mu kópu u dîyêo dyámê mbêmê pi yilî yintómu yi lama a tóó, Yesu ka dpodombiyêe nmye kêlîmî té. 9 Chóó Lémi u pi ngê nînê kpaa, dini ghi nêii ngê u kwo nêaa ngêpê yédi, dye ghi yintómu nmyi lêêê dîyêo u kwo myinî ngêpê yédi. Pi knî ye Yesu u kópu mbêaa pêuu nêaa danê yédi, Chóó Lémi pêuu dpodombiyêe u ngwo nêaa dpodo yédi. 10 Dini ghi nêii ngê u kwo nêaa ngêpê yédi, ala kópu u kwo nêaa dmyinê ngê, kwonipi, A Lémi, a maa nangê kwódu, dpî ngee nédi, Lóma tpémi ye dpî dyêââ nédi. 11 Lóma tpémi. U yi mbêaambêaa ngê a nga a kwo, nêuu mêuu nmyo, Nmî Mî u Ghê Dmi mbêmê myanêaa wêdêwêdê kalê nmyo. 12 Daa a mo anêuu wêdêwêdê kalê nmyo, ngmênê nmî kêlîmî mbêmê nmî gha dmi paa numo wêdêwêdê kalê téme. 13 A mbwó yoo, ala kópu nmyi lama choo a ya, daa ngêêêntómu nî vyu, nîmo, Lóma nî lê, ngmênê lukwe ngê a dî mîkîdoo pwapî. Knêaa yéli Yesu u yoo vyêo ntee nê Åuwo, u ya a nga a kwo, Yinté nmye myêaanêaa dêuu, 14 mu kópu u dîyêo pi yilî yintómu knî yi lêêê dîyêo Yesu ngê dpodo kalê noo. Kêomo tpile nko pi dé ó kada pini dé, ndiye pyu dé ó pêaa tpémi, ngmênê Yesu ngê u yi u ngwo a kwo, Nê ngê u yoo vyêo kaa téne, ghê kamî u ngwo pêdê pywêee yêe. 15 Yi kópu u lêêê dîyêo u yi mbêaambêaa ngê a nga a kwo, Yesu u kópu mbêaa pêuu u ngwo nmye nînêaa danê. 16 A lama ka tóó, yi kópu mbêaa dêuudpî dîpî. Yélini Yesu ka wa kêlîmî mbê dmi, Chóó Lémi ngê yi kópu mbêmê wa ngee té, chóó u wêdêwêdê mbêmê wa ngee té. Nju tpémi mwiyé doo ngêêpî dé, ala ngwo knêaa yéli amyeda a ngêêpî dé. 17 Yesu pêuu kópu mbêaa mbêmê ala kópu nmo wêee ngê, Chóó Lémi ngê dnyinté daawa kóté kalê nmo, módó nmo daawa vyi, Dyââpe nmyi pêuu daa têa, ngmênê Yesu ka kêlîmî mbêmê nmî dyââpe wa pwaa té. Yesu ka dye ghi yintómu dmyinê kêlîmî, mu kópu u dîyêo puku yedê alanté a tóó, apê, Pini nêii adî kêlîmî, Chóó Lémi ka pi mbêaa ngê u ngwo wa pyódu. 18 Yesu pêuu kópu mbêaa mbêmê ala kópu myeno wêee ngê, yélini yêoo dono a dêuudêuu ngópu, Chóó Lémi ngê wa kpada té. Yi yéli yêoo Chóó Lémi daa chââchââ ngmê, pi knî yi pêuu kópu dono yilî a dêuudêuu ngópu, Chóó Lémi u kópu ndêndê dé yi wépi dmi u ngwo dpî pwaa têoo. 19 Chóó Lémi ngê yi yéli wa kpada, mu kópu u dîyêo tpileni yi ngópu tpyé too, daa mêuu tumo, yi ngwolo dmi myêoo doo ya. 20 Dini ghi nêii ngê Chóó Lémi ngê dyámê mbêmê tpile yilî a lêâmo ngê, daangmê ngmo ngê, u wêdêwêdê ndîî yinté nmî ngîma mye yó. Kêomo tpile Chóó Lémi dpînê yêenê, ngmênê lukwe dîyêo yi yéli yêoo nmî Yâpwo njini daa mya ngópu? Yi ntêu kópu chedê. 21 Kêomo tpile Chóó Lémi yi lama a tóó, ngmênê daa chââchââ ngópu, myedaa kwunokwuno ngópu. Yi mbodo podo dé, yi gha mgîdîmgîdî dé. 22 Yinê ye yi nuwêo ndîî dé, ngmênê yi mbodo podo dé. 23 Yâpwoni u mênê ghê njini a tóó, daa chââchââ ngópu, ngmênê tpileni u kââ a lêâmolêâmo tumo, vyîlo ye chââchââ tumo, pi u kââ dé ó Åmê u kââ dé ó tpile tpêoo u kââ dé ó tpile pê u kââ dé, yinté kêomo yâpwo ye chââchââ tumo. 24 Yi yéli yêoo Chóó Lémi mwiyé a kpîpî ngópu, Chóó Lémi ngê u nkwo a kpîpî too, mye kala too, apê, Kópu dono nêii yi nuu u kópu dé, mudnyêoo dêuudêuu dé, apê, mywenemywene kópuni nongo a dêuudêuu tumo, mudnyêoo dêuudêuu dé. 25 Chóó Lémi u ndê kópu yilî yi wépi dmi pwaa tumo, kêomodanê kópu a ngî tumo. Pini nêii ngê tpile yilî yintómu lêâmo ngê, nêii dye ghi yintómu pîdnyêoo chââchââ, yi pini daa chaa kîgha ngmê, ngmênê tpileni lêâmo too, yi tpile ye chaa kîgha tumo, ye a ngêpê nyédi, pêuu mye dpodo nyédi. 26 Nyââ, Chóó Lémi kpîpî ngópu, Chóó Lémi ngê u nkwo kpîpî too, mye kala too, mywenemywene u kópu yilî a dêuudêuu ngópu. Mââ yoo yi kpâm knî ye daa lêpî nyédi, ngmênê a numo kpêêpî nyédi, yi gha vyêo yi knêaadi te kópu u pywuu u nkwo wunê ngêêpî ngópu. Daa mââ yoo yi mo, ngmênê pyââ yoo mye yi kêii, yi moo knî ye daa lêpî nyédi, ngmênê a nmyee nyédi. 28 Chóó Lémi u kópu ndêndê u wépi pwaa ngópu, Chóó Lémi ngê yi wépi dmi u nkwo pwaa too, dnyinté a nuwêo té, dono kópu yilî a dêuudêuu ngópu. 29 Yoo dono, knêaadi te pyu yoo, tpile u mbêaami dé, daa gha yoo, Åêee kapî pyu yoo, lêêê pyu yoo, pi vyee pyu yoo, pi dódó pyu yoo, pi u pi dyede pyu yoo. Dono ngê yi gha dmi a ntêee ngê. 30 Pêêê dono chaachaa u yoo, dono kópu numo pêuu yilî a tpapê ngópu, Chóó Lémi ye diya wo, peede tpapê pyu yoo, chaa pyu yoo, yi chóó yi pi dmi a kmîmî tumo, yi pye mî yi dnye a vyee tumo, u yi yêe a kwo yédi, Dono kópu kamî mêuu nmo pywêoo. 31 Yoo dono, yi chóó yi kópu u ntii dêdê vyêêmî tumo, pi ye dêuudpî chêanê, myedêuudpî ngee ngmê. 32 Yi lama ka tóó, Chóó Lémi ka yi kópu yilî pwopwo u kópu dé, ngmênê mye dêuudêuu tumo, pi knî ye mye tpapê ngópu, ye dpo, Yinté kópu nipi paa dêuudêuu téme.