Buk Yook 131

1 O Yariman, ne niindem aom kuu kerengkan kerindo, angkon ne korok kankoone nembedmo yimin andokban, kwane ne burudande arimbed keriwendan inamen ongmiwen kuyaa kuu ne kuu ma wingkanambengkan kamindo, kwane ne inamen burudande arimbed keroon ye inamen kuyaa kangkon ne kuu ma wingkanambengkan kamindo. 2 Anamaa, ne kuu nangkem kere iwari keraan, dana awaan yu muk koronde yu yaa yone iwari keremoon areb keraan, kuye dana areb ne inamen kumundin kuu iwari keroon. 3 O Israeldan, Yarimanbed kwananeen ande meedmime, kibikbed wene aron korem.