Buk Yook 82

1 God kuu kadaareb nedbiwen aom kuu yembed korok kere doreen, yembed ambibkindan yena yi korok korok yaa wengyundimaan kui. 2 Yiib kuu aron komoyiib inamen yorokmomban kumbed wengyundaniib? Aron komoyiib miin arewa kamidan yaa kubenib yi weng kande wengyundaniib?Selah 3 Wuud keriwendaniib anenabdaniib yi inamen amun yaa kuu koromone daandime, kamboknondaniib dabab wayiroondaniib yaa kangkon kwanime. 4 Wuud keriwendaniib awande ande kamiibdaniib kuu ben angka yeknime, arewa kamenabidan yi dingki dem aom kuu yi ben burudande angka nongkobime. 5 Kuye korok korok kuu korem ma yikaadban, kwane yi kuu korem ma id kandimokban, kwane yi kuu kumun aom yarebemoon areb keriwen. Okad ambokab korem kuu kiringmeen kii. 6 “Nembed yedmaan, ‘Yiib kuu goddan kii, yiib korem kuu Korem Burudandoon Arimbed ye God ye meed.’ andaan. 7 Kumban yiib kuu nimakarub areb duknaniib, yiib kuu okaddan yi korok korem areb no duknaniib kui.” ande yedmoon. 8 O God, yaro dembeneb okaddan kuu wengyunde, amborom kuu ambibkin koremdan kuu ebman kowe.