SAN MARCOS 14
ILM1 Le’n huiza, chop huiz no maste ndxà c falt par tlo lni pasc no lni co’se’ ndxuhua mèn nación Israel pan co’ ingòode mèn dii levadur. Le’ mèn co’ nac jef che’n nguley’ co’ más ñibe’ loo nguley’, no mèn co’ nac maistr co’ ndlu’ cón che’n ley co’ mxo’f Moisés loo mèn na, mèna mcua’n mod par tyenxù’ mèna Jesús con purte di’s gutyè’, no con mod gutyè’ co’ mdoodi’s mèn thidte di’s co’ ngòc par cua’n mèna mod guthxù’ mèna Jesús. 2 No mbez mèna loo xtà a mèna: âNe’lide na’ con’ ndlya’s na’ con Jesús le’n huiz lni par ne’xide lezo’ mèn no par ne’yátbèede mèn co’ yi’th lni contra na’. 3 Le’n huiza, ngo Jesús yèez Betañ liz thìb mbi’ co’ mdub lèe mèn Mon Lepros. Láth ndub Jesús loo mes liz mbi’a, mzin thìb xa’got loo Jesús. Nde no xa’ thìb frasc co’ natoxcua’ con thìb loo quèe co’ lèe alabastr. Frasca zyè nzo aceit co’ ndlya’ purte xla’ ye’ nard. Aceita anze’f náp ntac. Sya, mblé’ xa’gota frasc par mblath xa’gota aceita yéc Jesús. 4 Per ndxep mèn co’ ngo tya, mèna ale ngocloo gunèe xa’gota. Ndxab mèna loo xtà a mèna: â¿Chonon ale ngue teza’xù’ xa’got ba’ aceit co’ anze’f nazi’ ndlya’, yoo? 5 Nzoque’ mod tho’ xa’got aceit ba’ por mil xon ayo pes. No yiloa, li’th xa’gota tmi par ta’la’s xa’got tmia cà a mèn prob. No ale ngòo xyà n lezo’ mèna gunèe mèna xa’gota. 6 Per Jesús ndxab loo mèna: âBla’ gu’ tee tub xa’got ndxè’. ¿Chonon ngue tethon gu’ xa’ no ngue li xol gu’ xa’, à ’? Tac con’ co’ ngue li xa’got ndxè’ loon anze’f huen naca. 7 Gu’ thidteneque’ nzo là th mèn prob. No nzo mèn prob là th gu’. No nzoque’ mod li gu’ con’ ndac loo mèn prob co’se’ ndlya’s gu’ li gu’i. Per part cón chenen, ya ne’tolode go non gu’. 8 Prob xa’got ndxè’ ngue li co’ nzote mod li xa’ loon. Xa’got ndxè’ ngue go xla’ aceit co’ anze’f nazi’ ndlya’ ba’ laden ndoore’ co’se’ ca’s mèn daa par ne’yitoode xla’ laden co’se’ ya ca’s mèn daa. 9 Lìcpe’ ba’i, na nii loo gu’: Pál co’te’ co mèn yalbà n no te’th mèn cón che’n di’s ndac che’n Diox co’ ndlu’ xá mod telá’ Diox mèn loo con’ ryes dib athu loo izlyo’, ta’ mèna cuent cón che’n con’ mbli no xa’got ndxè’ daa par te’ lezo’ mèn cón che’n xa’got ndxè’. 10 Le’ sya, Jud Iscariot, co’ nac thìb myen’ xin’ mté’th Jesús, ngua toodi’s no mèn co’ nac jef che’n nguley’ co’ más ñibe’ loo nguley’ par ñeene’ xá mod li Jud par ta’xù’ Jud Jesús loo mèna. 11 Co’se’ mbìn mèn co’ nac jef che’n nguley’ co’ más ñibe’ loo nguley’ di’s co’ ndxab Jud loo mèna, anze’f mdyac lezo’ mèna. No mcà bgòn mèna loo Jud ta’ mèna tmi cà a Jud co’se’ yilo ta’xù’ Jud Jesús loo mèna. Leque hora mtlo Jud, mcua’n Jud mod xá mod ta’xù’ Jud Jesús loo mèna. 12 Co’se’ ngonìi izlyo’ co’ nac huiz yub lni co’se’ ndxuhua mèn pan co’ ingòode mèn dii levadur no co’se’ ndxuth mèn mbacxil’ co’ ndxuth mèn loo Diox co’se’ ndxáal lni pasc, huiza myen’ xin’ mté’th Jesús mnibdi’s loo Jesús. Ndxab myen’ loo Jesús: âTad, ¿pá ndlya’s U’ li nab nu’ thìb lugar par hua rsè na’ rsè co’ nac che’n lni pasc, à ’? 13 Sya, mtel’ Jesús chop myen’ xin’ mté’th Jesús. Ndxab Jesús loo myen’: âHuà a gu’ le’n ciuda Jerusalén ba’. Tua’ zyál’ gu’ thìb mbi’ co’ ne’ thìb rre nÃt. Ftoo nque gu’ xÃs mbi’. 14 No co’se’ zin mbi’ co’te’ yòo mbi’, yòo gu’ con mbi’. Sya, gab gu’ loo mbi’ co’ nac gundan co’ nac che’n liza: Maistr nu’ gunee di’s ndxè’ loo nu’ par ñee nu’ di’s ndxè’ lool: ¿Pá ndub cuart co’te’ gòon par hua rsè’en co’ nac rsè pasc con myen’ xin’ mté’th daa, à ’? 15 Le’ sya, mbi’ co’ nac gundan co’ nac che’n yòoa lu’ loo gu’ pá ndub thìb cuart co’ más naroo loo pis gáp liz mbi’. Cuarta mblyo’fle’ no mdyoxcua’le’. Tya toxcua’ gu’ con’ hua rsè na’ co’ nac nte’ lezo’ mèn pasc. 16 Sya, mxen myen’ xin’ mté’th Jesús ned. Nda myen’. Mzin myen’ le’n ciuda Jerusalén. No ngòcque’ con’ loo myen’ xalque’ ndxab Jesús loo myen’. Sya, mtoxcua’ myen’ nÃtyèth co’ hua rsè no myen’ Jesús par te’ lezo’ myen’ cón che’n pasc. 17 Co’se’ ngulà a yál’ izlyo’ huiza, mzin Jesús con ryete si’ fchop myen’ xin’ mté’th Jesús loo pis gáp co’te’ nac cuart liz mbi’a par hua rsè no Jesús myen’ tya. 18 Co’se’ ndub yuhua rsè no Jesús myen’ xin’ mté’th Jesús loo mes, ndxab Jesús loo myen’: âLìcpe’ ba’i, na nii loo gu’ le’ thìb gu’, co’ ngue yuhua no daa, ta’xù’ daa loo mèn co’ nac ngolo ngola’s che’n daa. 19 Sya, mxi lezo’ myen’ xin’ mté’th Jesús. No mtlo myen’, mnibdi’s myen’ loo thìb xtà a myen’ no loo tedib xtà a myen’. Mbez myen’: âNe’stolque’ daai, yoo. No mbez tedib myen’ loo xtà a myen’: âNe’stolque’ daai, yoo. 20 Jesús mcà b loo myen’. Ndxab Jesús: âThìb gu’ co’ nzo là th rye si’ fchop gu’ co’ mcuin co’ ngue yuhua non thidte plat, gu’a ta’xù’ daa loo mèn co’ nac ngolo ngola’s chenen. 21 Huenque’ naca, ey, le’ daa, co’ mbal yáal loo izlyo’ ndxè’ xalque’ ndxáal chol mèn loo izlyo’, gà ca loon xalque’ mbez di’s co’ ndub loo libr co’ nac xti’s Diox cón chenen. Per ay, prob mbi’ izlyo’, mbi’ co’ ta’xù’ daa loo mèn co’ nac ngolo ngola’s chenen. Más huen ngà ca loo mbi’a ne’ngáalte mbi’ loo izlyo’ thidtene leque ta’xù’ mbi’a daa loo mèn ye’rsin’a. 22 Láth ngue yuhua rsè myen’ xin’ mté’th Jesús con Jesús, mxen Jesús pan. Ndxab Jesús: âDiox quix U’, Diox, loo Diox. Ngoloa, mchì’x Jesús pan. Mda’ Jesús pan loo myen’ xin’ mté’th Jesús. Ndxab Jesús loo myen’: âDhua gu’ pan ndxè’, ey. Pan ndxè’ nee di’s nac cón che’n bél’yòo laden co’ gath por cón che’n rye mèn. 23 Sya, mxen Jesús thìb vas vin. Ndxab Jesús: âDiox quix U’, Diox, loo Diox. Ngoloa, mda’ Jesús vas vin loo myen’ xin’ mté’th Jesús. Sya, ngu ryete myen’ chu’th chu’th vin. 24 Ngoloa, ndxab Jesús loo myen’: âVin co’ ngolo ngu gu’ ba’ nee di’s nac cón che’n ren laden co’ xyo loo izlyo’ par li nèen tedib conveñ co’ gà c thìb conveñ cub yiloa. No xyo ren laden loo izlyo’ por cón che’n huax mèn par tataa mod, mèn co’ yila’s loo cón chenen, tyon’ xtol mèna no tyon’ xquin mèna. 25 Per, lìcpe’ ba’i, na ngue nii loo gu’: Desde nalle’ par delant, ne’bereden gun vin xal ngue yun vin nalle’ con gu’ loo izlyo’ ndxè’. Na gu vin con gu’ tedib vez axta co’se’ ñibe’pe’ xuden Diox loo mèn. 26 Co’se’ ngolo mbil’ ro no Jesús myen’ xin’ mté’th Jesús thìb himn, nda Jesús con myen’ loo thìb yii co’ lèe yii che’n yaa oliv. 27 Sya, láth ndoo Jesús ned, ndxab Jesús loo myen’: âNase, ryete gu’ anze’f xi lezo’ no tyoo xà ’ lezo’ gu’ por cón chenen yál’ ndxè’, ey. Tac loo libr co’ nac xti’s Diox ndub di’s co’ mbez: Daa guth pastor. Le’ mbacxil’ pastor na, rye’s pál. 28 Per co’se’ yilo ryo xban daa, daa ga ner loo gu’ le’n thìb yèezya’ che’n là az mèn galile. 29 Sya, ndxab Pedr loo Jesús: âMastale’ ryete myen’ ba’ xi lezo’ no tyoo xà ’ lezo’ myen’ ba’ loo cón che’n U’, per part cón chenen daa ne’xide lezo’ no ne’ ne’ tyoo xà ’ lezon ñèen cón gà c loo U’. 30 Per Jesús ndxab loo Pedr: âPedr, lìcpe ba’i, na nii lool: Nal xhuin ndoore’ lé’ nguiidtee yál’ no cozèe nguiidtee chop vez, lùu cà di’s daa son vez loo mèn. 31 Per Pedr mbli nèe di’s. Ndxab Pedr loo Jesús: âMastale’ gath daa con U’, Tad, na ne’cà di’ste U’. No ale ryete myen’ xin’ mté’th Jesús thidte di’s ndxab loo Jesús. 32 Sya, nda no Jesús myen’ xin’ mté’th Jesús thìb lugar co’ lèe GetsemanÃ. Tya, ndxab Jesús loo myen’ xin’ mté’th Jesús: âTrè’te gure tub gu’ láth nda bezen Diox tachu’thte más ba’le’. 33 Ante mbe’ Jesús Pedr, no Cob, no Juà n. Le’ Jesús na, naxut naxut gunaa loo. No mxi tÃn’ lezo’ Jesús. 34 No ndxab Jesús loo myen’: âNden’ lezon axta arid nalyat gà ca loon co’se’ tetìi mèn daa axta gath daa. Trè’te byan’ gu’. Gure naa gu’ no ne’gà tte gu’, ndee gu’. 35 Sya, ngua Jesús tachu’thte más delant. Tya, mdub xib Jesús. No mcotloo Jesús loo yòo. Ndxab Jesús loo Diox: âTad, chele’ U’ nee lezo’, ne’ten’ten arid yalnè co’ gà c loon le’n huiz ndxè’. 36 Láth ngue bez Jesús Diox, ndxab Jesús loo Diox, ne: âPay, yey, ryete con’ nzoque’ mod li U’. Ftelá’ U’ daa loo yalnè co’ gà c co’ ten’en co’se’ tyactìi daa. Per, lìcpe’ ba’i, indlyasten gà ca loon xal ndlyazen. Ndxe’leque’, ndlyazen gà c loon xal neete lezo’pe’ U’ no maste. 37 Ngoloa, ndye’th Jesús co’te’ mbyan’ Pedr, no Cob, no Juà n. Per co’se’ gunèe Jesús myen’, ale nzi yà t myen’. Sya, mblo’ Jesús mcal’ loo myen’. Ndxab Jesús loo Pedr: âMon, ¿ché’ nax yà tl, cà ’? ¿Ché’ ne’nxectel ndub naal mase thìb hor, cà ’? 38 Gure naa gu’ mase chu’th, yey. No gurez gu’ Diox par ne’aselide gu’ cua’n gu’ xquin gu’ naba’. Lìcpe’ ba’i, xtùuz gu’ no lezo’ gu’ anze’f ndlya’s le’ gu’ cuez Diox. Per bél’yòo lad gu’ ba’ ndli nden’ gu’ ngo zan gu’. Cona, ngulà a fuerz gu’. Ale mbuu’s gu’ nzi gu’. 39 Ngoloa, mbere Jesús, nda bez Jesús Diox mbryop vez. Ndxab Jesús leque di’sa loo Diox. 40 Mbere Jesús, ndye’th Jesús co’te’ mbyan’ Pedr, no Cob, no Juà n. Lomisque’, nzi yà t myen’ tac ngudloo myen’ ne’nxecte tant thìb mcal’ nzo ngudloo myen’. Per axta ne’ ne’ ñee myen’ cón gab myen’ loo Jesús co’se’ gunèe myen’ ndye’th Jesús. 41 Ngolo mbyon vez ndye’th Jesús co’te’ mbyan’ Pedr, no Cob, no Juà n par ñèe Jesús máa myen’. Ndxab Jesús loo myen’: â¿Ché’ ngue li gu’ cuent gà t gu’ nal xhuin, cà ’? Pà gà t gu’. Mzinle’ hor co’se’ ta’xù’ thìb mbi’ daa, daa co’ mbal yáal loo izlyo’ ndxè’ xalque’ ndxáal chol mèn loo izlyo’, loo mèn ye’rsin’ co’ ndxà p xquin no co’ ndxà p xtol. 42 Goo too gu’. Ya’ gu’ ndyà a na’. Ndele’ mbi’ co’ ta’xù’ daa loo mèn. 43 Tatabe’ ngue toodi’s no Jesús myen’ xin’ mté’th Jesús co’se’ ngro zi’f Jud, nde Jud, Jud co’ ngòo cuent nac si’ fchop myen’ xin’ mté’th Jesús. Nde no Jud huax mèn. Chó mèn nzo spad ya’. Chó mèn nzo thìb bro’ yaa ya’. Mèn co’ mbi’th ngòc mèn co’ mtel’ jef che’n nguley’ co’ más ñibe’ loo nguley’, no mèn co’ mtel’ mèn co’ ngòc maistr co’ ndlu’ cón che’n ley co’ mxo’f Moisés loo mèn, no mèn co’ mtel’ rye mèngool co’ ndyoo ner, no co’ ndyoo naa, no co’ ñibe’ loo mèn nación Israel. 44 Le’ Jud co’ mda’xù’ Jesús loo mèn ye’rsin’ na, ndxab loo mèn co’ nde no Jud ndoore’ ryo’ Jud con mèna: âNeeque’ gu’ mbi’ co’ tan thìb chit ro, mbi’a nac Jesús. Tyen gu’ mbi’. No ne’lá’de gu’ mbi’. 45 No texal mzin Jud loo Jesús, mbii gax Jud loo Jesús. Ndxab Jud loo Jesús chop vez: âMaistr, Maistr. Látha, thidte de repent mda’ Jud thìb chit ro Jesús. 46 Sya, mxen mcà a mèna Jesús. Mbe’ mèna Jesús xal thìb pres loo rye mèn co’ mtel’ mèn co’ mbe’ Jesús. 47 Per thìb myen’ xin’ mté’th Jesús co’ nzo là tha mdob spad le’n cubiert. Mblà a myen’a thìb ya’ spad nza thìb moz che’n jef che’n nguley’ co’ más mnibe’ loo rye nguley’. Ale mblo nde’f myen’a nza moz. 48 Sya, ndxab Jesús loo rye mèna: â¿Ché’, lìcque’, por derech, ngro’ gu’ con spad no con thìb bro’ yaa ya’ gu’ par tyenxù’ gu’ daa no hue’ gu’ daa xal ndxe’ mèn thìb huan’ chele’ daa ngà c huan’, cà ’? 49 Ndxab Jesús loo mèna, ne: âAtate huiz ngo non gu’. No mblu’en gu’ le’n templ gu’. No le’n rye huiza ne’ndenxù’de gu’ daa xal thìb pres, ¿lé’? Per ndxà c con’ ndxè’ loon par tyaaque’ no gà cque’ no tyubque’ di’s cón che’n daa xal ndub di’s loo libr co’ nac xti’s Diox. 50 Látha, ale ryete myen’ xin’ mté’th Jesús mxon’. Mblá’ myen’ thidte Jesús. 51 Per thìb mbyòo co’ mdoo nque xÃs Jesús, mbyòoa mcap thìb sab no maste. Sya, mxen mèna mbyòo par hue’ mèna mbyòo, ne. 52 Per mbyòo mcua’n mod ngro’ thin mbyòo le’n sab. Che mbyòo, mxon’ mbyòo, ndyaa mbyòo. 53 Sya, mbe’ rye mèna Jesús loo ner jef che’n nguley’ co’ más ñibe’ loo rye nguley’. No mqueltà a ryete mèn co’ nac jef che’n nguley’, no mqueltà a ryete mèngool co’ ndyoo ner, no co’ ndyoo naa, no co’ ñibe’ loo mèn nación Israel, no mèn co’ nac maistr co’ ndlu’ cón che’n ley co’ mxo’f Moisés loo mèn co’te’ mdoo Jesús. 54 Le’ Pedr na, tith tith mdoo nque xÃs Jesús. Mzin Pedr axta loo lue’ liz ner jef co’ más ñibe’a. Tya, ale note Pedr mdub biiz ro rdii là th mèn co’ ngòc polesi co’ ngue quenap Jesús par ne’xon’te Jesús loo mèna. 55 Le’ rye mèn co’ nac jef che’n nguley’ co’ más ñibe’, no rye mèn co’ ndyoo ner, no co’ ndyoo naa, no co’ ñibe’ loo mèn nación Israel, mèna mcua’n mod xá mod quexù’ que’ fals mèna Jesús par tataa mod guth yèe mèna Jesús. Per ne’nglide mèna gan mcua’n mèna mod ngli mèna con’a. 56 No anze’f thìb mèna mbez ampurte di’s gutyè’ cón che’n Jesús axta ne’ ne’ ñee mèna chó ro gòn mèna. Ale leque mèna ngue go xo’f cón che’n yalgutyè’ co’ mbez mèna con xtà a mèna. 57 Ndxetoo ndxega’ ndxep mèna. No nda’ mèna cuent gutyè’ par quexù’ que’ fals mèna Jesús. Mbez mèna loo xtà a mèna: 58 âNu’ mbìn le’ mbi’ ba’ ndxab le’ mbi’ telux templ che’n Diox co’ mtoxcua’ mèn póla. No tolo ndxab mbi’ le’n son huiz no maste xÃt te’f mbi’ tedib templ. No templ co’ mbez mbi’ toxcua’ mbi’ ne’toxcua’de chol mèn. Ne’ ne’ lyath no mèn mbi’ toxcua’ mbi’ templa. 59 Per mastale’ tataa mda’ mèna cuent, inda’de mèna cuent thidte di’s cón che’n Jesús. 60 Sya, ngoo too nde’f mbi’ co’ nac jef che’n nguley’ co’ más ñibe’ loo rye nguley’ là th rye mèna. Mnibdi’s mbi’ loo Jesús. Ndxab mbi’: â¿Ché’ yende chó di’s ndlya’sl ñeel loon, cà ’? ¿Xá mod chonon tatua’ mbez mèn ba’ cón che’nl, cara? 61 Per Jesús yende chó di’s ngab. Xèe mdoo Jesús loo mèna. Mbere mbi’ co’ ngòc jef che’n nguley’a, mnibdi’s mbi’ loo Jesús tedib vez. Ndxab mbi’ loo Jesús: â¿Ché’, lìcque’, nac lùu Crist, xgan’pe’ Diox, Diox co’ thidteneque’ ndyac lezo’, cà ’? 62 Jesús ndxab loo jef che’n nguley’a: âAa. Nacque’ daa Crist, pues. Na nii lool nalle’ le’ gu’ hui’ loon, daa co’ mbal yáal loo izlyo’ xalque’ ndxáal chol mèn loo izlyo’, co’se’ tuben cuat Diox co’ ndxà p rye loothe con’ roo no con’ xèn la’s nii Diox no la’s ya’ Diox. No hui’ gu’ loon co’se’ gà c huiz co’se’ galen loo izlyo’ ndxè’ tedib vez le’n xcuau. 63 Co’se’ mbìn mbi’ co’ ngòc jef che’n nguley’ co’ más ñibe’ tataa ndxab Jesús, ale mched yèe mbi’ xab mbi’ tac mden’ mbi’ le’ Jesús gunii yèe gunii tìi cón che’n Diox. Sya, ndxab mbi’ loo mèn co’ nziri’ no mbi’a: â¿Cón li no na’ más mèn co’ ta’ cuent cón che’n mbi’ ba’? Con di’s co’ ngolo gunee mbi’ ba’ ngogaale’ mbi’ loo yalgutyè’ mbi’. 64 Gu’ mbìn no mda’que’ gu’ cuent xal ngolo gunii yèe gunii tìi mbi’ ba’ cón che’n Diox, ¿lé’? ¿Xá nee gu’? ¿Cón li no na’ mbi’ ba’? Sya, ryete mèna mquexù’ mque’ fals Jesús par guth mèn Jesús. 65 Le’ sya, mtlo ndxep mèna, msuc mèna rloo Jesús. No mtau’ mèna loo Jesús con thìb le’ lar’. No ale mda’ mèna che’n Jesús. Ale mbez mèna loo Jesús: âBli divin chó ngue ta’ che’nl. Le’ mèn co’ ngòc polesi che’n templ co’ nquenap templ na, ale nguis mèna rloo Jesús. 66 Láth ngue li no mèn con’a loo Jesús, Pedr xexte ndoo par xà n’ blé’ loo lue’. Per láth ndoo Pedr tya, mzin thìb mza’ co’ ngòc criad che’n jef che’n nguley’ co’te’ ndoo Pedr. 67 Texal gunèe criad ndoo biiz Pedr ro dìi, xèe mbui’ criad loo Pedr. Sya, ndxab criad loo Pedr: âLùu, ne, naqueltà a no Jesús che’n yèez Nazaret, ¿lé’? 68 Per Pedr ale mcà ’ di’s Jesús. Ndxab Pedr: âNe’libeden chó mbi’ nac mbi’ ba’. No axta ne’ ne’ indxònen cón ndyoodi’sl. Sya, xexte ngro’ Pedr par ned ro puert. Láth nda ro’ Pedr, chà a, ngrozèe thìb nguiidtee mblé’ nguiidtee yál’. 69 Mbere criad, xèe mbui’ criad loo Pedr tedib vez. Mtlo criad, ndxab criad loo mèn co’ nziri’ tya: âMbi’ ba’, ne, nac thìb mbi’ co’ naqueltà a no Jesús, ndyaquen. 70 Mbere Pedr, mcà ’ di’s Pedr Jesús tedib vez. Pente ndxà c nguri’th con’a, mbere mèn co’ nziri’ tya. Ndxab mèn loo Pedr: âLìcpe’ ba’i, lùu, ne, nac thìb myen’ co’ ngue tee no Jesús. Tac lùu nac mèn gulà az che’n là az mèn galile. No mod co’ ndyoodi’s lùu ba’ nac co’ ndlu’ xal ndyoodi’s mèna. 71 Sya, leque Pedr mtlo gunii ngòc nguà al di’s. No mde’th Pedr Diox. Ndxab Pedr loo mèna: âNe’libeden mbi’ co’ ñibdi’s gu’ loon, cara. 72 Leque hora, chà a, ngrozèe nguiidtee mbryop vez mblé’ nguiidtee yál’. Axta syare’ mte’ lezo’ Pedr di’s co’ ndxab Jesús loo Pedr: Ndoore’ co’se’ cozèe nguiidtee chop vez, lùu cà di’s daa son vez. Co’se’ mbli Pedr xtùuz cón che’n di’s co’ ndxab Jesús loo Pedr, ne’tÃ’ ne’ñee lezo’ Pedr mbÃn’ Pedr axta plóthe.