1 Corintios 16

1 BizÌi naêa rniaê leêe, reyaêalaê utupale dumi ta gacalële yaca benê bichile, benê nao xneza Jesús. Reyaêalaê huele con cabëê baoniaê yaca benê nitaê yaca ciudad nebaba Galacia, yaca benê naorë xneza Jesús. 2 Yugu dza domingo reyaêalaê utupale lëêëtiê ca tu ta babële gan quie lao tu xman. Canaê huele ta baden puesto cati guidaê. 3 Pues caora bazuliaê leêe, ero tu chopale tzehuaêayaquëê dumi lao yaca benê bichiro, benê nitaê ciudad Jerusalén. Huaê tu guichi ta iseêelaêlëron dumi lao naêayaquëê. 4 Lëzi chi ruecazin baiguin, huayaêliaêyaquëê ciudad Jerusalén. 5 Tanëro reêendaê tiaê yaca ciudad nebaba Macedonia, naêtera idyinaê ciudad Corinto. 6 Durpende huegaênaê suliaê leêe chopa tzona dza, o chi huegaênaê biuê ruen zaga. Naêra chi huele cule, gacalële nëêëdiê ta guxaê quie tu neza bëê tzaêa yaca ciudad tula. 7 Bireêendaê tu tezaê ciudad quiele, reêendaê suliaê leêe zi dza, chi Diuzi gunnëê lato. 8 Lëzi cati tzaêa ciudad Efeso, huegaênaê naê ta cuezaê te lani quie usecho quie bini trigo, 9 porque de lato naê huaê dyin quie Diuzi. Raquedaê huaron dyaêa chanê huaê canê, baêalaêcazi nitaê yaca benê zë, benê rue condre nëêëdiê. 10 Caora bazu Timoteo lënëê leêe, huele bayudyi tacuenda suëê gusto bidëbinëê. Pues ruerënëê dyin quie Diuzi con cabëê dyin naê ruaê nëêëdiê. 11 Yeziêlenëê dyëêëdi gacalëlenëê ta guxunëê quie tu neza cati guidanëê idenaênëê nëêëdiê, porque rbezcazaê guidanëê lënëê yaca los demás benê bichiro, benê nao xneza Jesús. 12 BizÌi benê bichiro Apolos, lega reêendaê guidalënëê yaca benê bichiro ta idenaêyaquëê leêe, pero biuzÌaqueê guidanëê. Huidanëê bëê tzuêunëê lato. 13 Bigasiyëlale, hue quiele xtiêidzaê Diuzi du guicho du laêadyiêle. Bidzebile, biyehuëdile. 14 Con bitezi ruele, biusanle idyëêële benëê. 15 Bichaê, dyëêëdi nezile naca familia quie Estéfanas benê nëro, benê betzaê pensari quie, barue quieyaquëê diêidzaê quie Jesús entre yaca benê nitaê yaca yedyi nebaba Acaya. Bayuêuyaquëê dyin quieyaquëê gacalëyaquëê yaca los demás benê nao xneza Jesús. 16 Reêendaê uzënagale gapalaênle leyaquëê dyëêëdi lente nutezi yaca benê rue dyin quie Diuzi. 17 Como biuzÌaqueê guidale, redaohuedaê ablaê Estéfanas, len Fortunato, len Acaico lao lazale. 18 Pxelaêadyiêyaquëê nëêëdiê ca uxelaêadyiêle nëêëdiê chanê leêe zule niga. Zacaêyaquëê gapalaênle leyaquëê. 19 Yaca benê nao xneza Jesús, yaca benê nitaê yaca ciudad nebaba Asia, rugapayaquëê leêe diuzÌi. Lëzirë Aquilo len Priscila, len yaca los demás benê reguêudiê zÌan yuêu quieyaquëê, rugapayaquëê leêe diuzÌi laohue Señor quiero. 20 Lëzi yugulu benê bichiro niga, rugaparëyaquëê leêe diuzÌi. Ulegapa tu tule laguedyile diuzÌi, gaole xagayaquëê tu situ. 21 Nëêëdiê, Pablo, babiaê letra ni lëêë guichi conlë naêa. Lenaê useêelaên laole rgapaê leêe diuzÌi. 22 Chi nu bala leêe binedyëêële Señor quiero Jesucristo, ta bayëchiê gula nacan quiele. Naêra niaê Señor quiero, naguidoê. 23 Rulidzaê Señor quiero Jesucristo ta huelaêiyanëê leêe tazÌe. 24 Rniaê leêe nedyëêëdaê leêe yugulutele laohue Cristo Jesús. Amén.