1 Corintios 7

1 Niga yequëbaê quie guichi useêelaêle laohuaê dza naê. Tali rniaê leêe quie yaca biê ruêabe, nacalan dyaêa quiebiê zubiê cuinzibiê bisiêbiê nigula. 2 Pero chi huen zÌudyi quiebiê talëbiê nigula, naêra nacalan dyaêa quiebiê siêbiê nigula gaca zÌgulabiê, cala ca ta talëbiê nigula. Lëzi canaê quie yaca nigula, chi huen zÌudyi quiebiê, nacalan dyaêa quiebiê siêbiê beêmbyu biê gaca xquiubiê. 3 Chi leêe baozÌiêle nigula para zÌgulale, reyaêalaê idyëêële nigula quiele dyëêëdi. Lëzi canaê nigula, reyaêalaê idyëêënëê benê quienëê dyëêëdi. 4 Naê nigula bazulë laguedyi, bira nacanëê xaên cuerpo quienëê, banaca xquiunëê xaên cuerpo quienëê. Lëzi beêmbyu bazulë laguedyi, bira nacanëê xaên cuerpo quienëê, banaca zÌgulanëê xaên cuerpo quienëê. 5 Tanaê lenaê rniaê leêe beêmbyu, biusanle gasilële zÌgulale. Lëzi rniaê leêe nigula, biusanle gasilële xquiule. Lëlenaê chi regaênlële laguedyile diêidzaê ta usanle bigasilële laguedyile tu chopa dza ta hueêlële Diuzi diêidzaê, caora naê ruêen lato bigasilële laguedyile. Te beyudyi bëêlële Diuzi diêidzaê, naêtera reyaêalaê sulële laguedyile tatula tacuenda bihue xaên taxiêibiê leêe gan huele tamedian, porque danê bibële gan inabëêle cuinle. 6 Ca rniaê leêe niga binacan ta hueliaê leêe zëdi. Cala rniaê leêe biruêen lato siêle nigula gaca zÌgulale. Rniaê leêe siêle nigula gaca zÌgulale chi reêenle, cala tamedian naê huele. 7 Nëêëdiê reêendaê chanê yugulule suele huerële ca ruaê, nunu sulële. Pero Diuzi banegunnëê quie tu turo, chi suero bisuero nunu sulëro, danê netzaê tu turo. Binaca tuzi ca nacaro. 8 Rniaê leêe quie yaca biê ruêabe len yaca nigula banati xquiuhue, nacalan dyaêa quieyaquëê nunu sulëyaquëê su cuinziyaquëê con ca zuaê nëêëdiê, nunu zuliaê. 9 Pero chi bisueyaquëê suyaquëê cuinziyaquëê, nacalan dyaêa siêyaquëê laguedyiyaquëê, cala ca ta saêlaêadyiêyaquëê sulëjëê laguedyijëê inan quiejëê huejëê tamedian. 10 Ca rniaê quie yaca nigula bazulë laguedyi, dulaêadyaê rniaê biruêen lato usannëê xquiunëê. Ta rniaê niga nacan mandado quie Cristo, cala ta racazi laêadyaê. 11 Chi nu nigula apsannëê xquiunëê, reyaêalaê sunëê cuinzinëê. Chi bireêennëê sunëê cuinzinëê, reyaêalaê yegaêntzaêolënëê xquiunëê tatula. Biruêen lato yeziênëê beêmbyu tula. Lëscanê biruêen lato usan beêmbyu zÌgulanëê naê yeziênëê nigula tula. 12 Naêra quie yaca los demás, rniaê ca naca pensari quiaê, cala mandado quie Cristo. Chi zu benê zu nigula quienëê, naêra binaca nigula quiëê benê nao xneza Jesús, pero racacazi nigula conforme sulënëê lënëê, biruêen lato usannëê nigula quienëê. 13 Lëscanê chi zu nigula zu beêmbyu quie, naêra binaca beêmbyu quiëê benê nao xneza Jesús, pero racacazi beêmbyu conforme sulënëê lënëê, biruêen lato usannëê beêmbyu quienëê. 14 Huaca huen quie benê binao xneza Jesús chi sulënëê nigula, benê nao xneza Jesús. Lëzirë quie nigula binao xneza Jesús, huaca huen quienëê sulënëê beêmbyu, benê nao xneza Jesús. Lëzirë quie nu zÌiêiyaquëê, huaca huen quieyacabiê chi nao xuziyacabiê zÌnaêyacabiê xneza Jesús. Chi usan benê nao xneza Jesús nigula quienëê o chi usan nigula nao xneza Jesús beêmbyu quienëê, bihuen dyaêa quie zÌiêiyaquëê. Huen quieyacabiê ca quie zÌiêi benê binao xneza Jesús. 15 Pero chi benê binao xneza Jesús bira reêennëê sulënëê laguedyinëê, benê nao xneza Jesús, naêra hueêle lato usan benê binao xneza Jesús laguedyinëê. Caora naê naca benê nao xneza Jesús libre. Pues ulio Diuzi leêe ta cueê chizi laxtaêole bitilalële laguedyile. 16 Naêra luëê nigula, ¿cómo nezoê biidyin dza inao benê quioê xneza Jesús? Lëscanê luëê beêmbyu, ¿cómo nezoê biidyin dza inao nigula quioê xneza Jesús? 17 Reyaêalaê inaoro huero cabëê banegun Diuzi quie tu turo cati ulionëê raêo gacaro benê quienëê. Canaê rniaê con gatezi ga tzaê, ganê nitaê yaca benê nao xneza Jesús. 18 Chi raêo zuro tu xëdyidaoê ca xëdyi ruzu yaca benê Israel zÌiêiyaquëê byu, cala bizëdi huena. Lëzi cati dza ulio Diuzi raêo, chi bizuro xëdyidaoê, cala bizëdi huena. 19 Birueten baiguin chi su xëdyidaoê cuinro, o chi bisu xëdyidaoê cuinro. Chi naoro hue quiero xtiêidzaê Diuzi, lëlenaê rueten baiguin hueron. 20 Ca banegun Diuzi quie tu turo dza ulio Diuzi raêo gacaro benê quienëê, canaê reyaêalaê inaoron. 21 Chi leêe gucale benê zu lao xaêne cati ulio Diuzi leêe, bidëbile biquilole rchinle ga tula. Pero chi idyin dza gataê tu tahuen quiele ta yezaêle ga zule lao xaêne, reyaêalaê yezaêle. 22 Chi zule lao xaêne cati ulio Diuzi leêe, banacan quiele naêa ca quie benê bizu lao xaêne. Banacale benê rue mandado quie Diuzi. Lëzi chi bizule lao xaêne cati ulio Diuzi leêe, banacan quiele naêa ca quie benê zu lao xaêne, danê banaca Cristo xaênle. 23 TazÌe bagucalë Diuzi leêe baodizÌunëê dulaê xquia quiele. Quie lenaê bihueêle lato chi reêen yaca benëê huele tamedian. 24 Lëlenaê rniaê leêe bichaê, ca dyin bëro banegun Diuzi quie tu turo dza ulio Diuzi raêo, canaê reyaêalaê huero biusanron inaoron. 25 Ni iniaê leêe quie benê binesiê laguedyi. Ca naca pensari quiaê iniaê leêe quieyacabiê, binacan mandado quie Cristo. Rniaê leêe pensari quiaê como beyëchiêlaêadyiê Diuzi nëêëdiê, bdëênëê nëêëdiê benê quiëê, benê rnë tabala. 26 Ca naca pensari quiaê iniaê de que, nacalan dyaêa bisiê beêmbyu nigula, danê babdyin tiempo gaca zëdi gula lao yedyi layu. 27 Chi bazulële nigula, biusanlenëê. Lëzi chi binesulële nigula, biquilolenëê. 28 Pero chi reêenle siêle nigula sulële, binacan xquia. Lëzi biê nigula, chi reêembiê siêbiê beêmbyu, binacan xquia. Pero quie yaca benê siê laguedyi, huataê tazëdi quieyaquëê lao dza rdayaquëê lao yedyi layu. Naê reêendaê cuëchitzaêohuaê cabëê tazëdi gataê quiele. 29 Bichaê, ta reêendaê iniaê leêe, baruen bago yeyudyi yedu yedyi layu. Quie lenaê chi bazulële nigula, hue quiele xtiêidzaê Diuzi como ca quie bizulële nigula. 30 Lëzi leêe benê raca yelaê yëchiê quie, hue quiele xtiêidzaê Diuzi como ca benê biraca yelaê yëchiê quie. Lëzi leêe benê ruzÌidyi redaohue, hue quiele xtiêidzaê Diuzi como ca quie benê biruzÌidyi biredaohue. Lëzi leêe benê raêo ta de lao yedyi layu, hue quiele xtiêidzaê Diuzi como ca quie benê bigaêo ta de lao yedyi layu. 31 Lëzi leêe benê babë gan ta de lao yedyi layu, hue quiele xtiêidzaê Diuzi como ca quie benê bibë gan ta de lao yedyi layu. Rguixoguiêa canaê danê bazaê dza yeyudyi yedu yedyi layu. 32 Reêendaê sule huen bidëbile. Yaca benê binesiê laguedyi, rueyacabiê pensari ta hue quieyacabiê xtiêidzaê Diuzi ta zuyacabiê huen lao Cristo. 33 Pero yaca benê bazulë nigula, rueyaquëê pensari ga tzexiêyaquëê ta rdziogue nigula quienëê. 34 Netzaê quie nigula bazulë beêmbyu, netzaê quie nigula cuidiê. Naê nigula cuidiê ruebiê pensari ta hue quiebiê xtiêidzaê Diuzi ta gacabiê benê laxtaêo yëri lao Cristo. Pero nigula bazulë beêmbyu, ruenëê pensari rdëbinëê bi huenëê ta zunëê huen len xquiunëê. 35 Canaê rniaê leêe danê reêendaê gataê tadyaêa quiele, bireêendaê gataê tazëdi quiele. Reêendaê sule contento huele mandado quie Cristo du guicho du laêadyiêle. 36 Chi leêe rdëbile quie zÌiêile nigula siêbiê beêmbyu, danê bate yelaê cuidiê quiebiê, chi racale pensari huele quie zÌiêile nigula canê, abihuena hueêle lato ta siê beêmbyu lëbiê. Binacan xquia siê beêmbyu lëbiê. 37 Pero lëzi chi leêe bireêenle siê beêmbyu zÌiêile nigula, chi du guicho du laêadyiêle racale pensari bisiê beêmbyu lëbiê, abihuena bihueêle lato siêbiê lëbiê. Cala tamedian naê, nacan dyaêa. 38 Lëlenaê rniaê nacan dyaêa hueêle lato siê beêmbyu zÌiêile nigula, pero nacateran dyaêa chi bihueêle lato siêbiê lëbiê. 39 Chi nu nigula bazulënëê xquiunëê, biruêen lato usannëê lëbëê tu raca nebannëê. Chi xquiunëê bagutinëê, canaêra ruêen lato yeziênëê beêmbyu tula, pero con chi benê nao xneza Jesús. 40 Ca naca pensari quiaê niaê de que nacalan dyaêa quie nigula guti xquiuhue, chi nunu beêmbyu yeziênëê. Ca naca pensari quiaê rniaê, pero lëscanê nacan pensari quie Bichi Be quie Diuzi.