1 Corintios 9

1 ¿Binezile napaê derecho? ¿Binezile nacaê apóstol? ¿Binezile blëêëdaê Jesús Señor quiero? Dyin quie Diuzi biaê dza naê udixoguiêa leêe xtiêidzaê Diuzi banacale benê nao xneza Jesús. 2 Nitaê benê birezaque nëêëdiê chi nacaê apóstol. Pero leêe, decazide reyaêalaê yezaquele nëêëdiê chi nacaê apóstol, danê dyin quiaê naê nacale benê nao xneza Jesús. Lenaê nacan prueba tali naê nacaê apóstol. 3 Ni yequëbaê quie yaca benê rnë condre nëêëdiê: 4 Napaê derecho inabaê ta gunle ta gaohuaê len ta yoêogaê. 5 Lëzirë napaê derecho siêa nigula nao xneza Jesús gaca zÌgulaê con ca rue yaca los demás apóstoles, lenlë yaca benê bichi Jesús, len Pedro. 6 ¿Bixquienê racale pensari rupazi Bernabé len nëêëdiê, bibi derecho napandoê inabandoê leêe gunle ta huendoê gasto quiendoê caora cati rdandoê rguixogueêndoê yaca benëê xtiêidzaê Diuzi? 7 ¿Binezile ganu nunu soldado rguizÌuguëê cuinzëê ta gaconëê len ta gaonëê? ¿Lëzi binezile quie benê raza bedzuliê? Napëê derecho gaohuëê ta razëê. ¿Lëzirë binezile quie benê rapa becoê zÌiêilaê? Napëê derecho siênëê nidyiê quiebaê yoêoguëê. 8 Bireyaêalaê huele pensari ta racazi laêadyaê rniaê, porque lëscanê canaê rnën lëêë guichi ley quie Moisés. 9 Lëêë guichi naê rnën cani: “Bireyaêalaê udzeêro du ruêa bëdyihuaga caora rdabaê rutzutzu ruliobaê bdyigoê quie trigo ta ero bini quien.” Con ca rna lëêë guichi, cala quie bëdyihuagazi rnën. 10 Lëzi rnërën quie raêo benëê, porque udixu Diuzi ley quienëê ta gacalën raêo. Pues lao tu benê ruzolo yu, len itu benê rchugo trigo, rupayaquëê rbezayaquëê yeziêyaquëê usecho quieyaquëê. 11 Para leêe nacandoê ca quie benê guza bini trigo, danê bëndoê dyin quie Diuzi udixogueêndoê leêe xtiêidzëê. Lëlenaê ¿bixquienê raquele pensari bireyaêalaê siêndoê usecho? ¿Bixquienê raquele pensari binapandoê derecho inabandoê gacalële nëtoê ta rdzioguendoê ta gaondoê len ta yoêondoê tu nerdandoê lao yedyi layu? 12 Naparandoê derecho inabandoê leêe gacalële nëtoê cala ca yaca benê tula. Pero ni tu lasa binenabandoê leêe gacalële nëtoê. Yugulute baozuendoê tacuenda bicuezan quixogueêro yaca benëê cabëê una Cristo, cabëê bënëê quiero. 13 Banezile ca naca quie benê napa dyin quie idaoê. Por nun quie dyin hueyaquëê luêu idaoê, canaê hueyaquëê gan ta gaoyaquëê. Lëscanê nezile nun quie rapayaquëê ruêaba ta zu luêu idaoê, canaê napayaquëê derecho gaoyaquëê bëêëlaê dyia ruêaba nacan gun quie Diuzi. 14 Lëzirë canaê reêen Cristo gaca quie nëtoê, benê rguixogueê diêidzaê laêiya quiëê. Tanun quie rdandoê rguixogueêndoê yaca benëê diêidzaê laêiya quiëê, canaê napandoê derecho inabandoê leêe gunle ta gaondoê, len ta yoêondoê, len ta gacondoê. 15 Pero ni tu lasa binehuenaê leêe zëdi inabaê ca ta reyaêalaê gunle nëêëdiê. Lëzi cala ruaê guichi ni ta inabaê gunle nëêëdiê bi cosa. Zuaê dispuesto gatiaê lao laza inabaê leêe bi cosa, chi por lenaê biyegaênro huen, naê bisuaê contento. 16 Biruaê zÌe cuinaê nun quie nacan dyin quiaê rguixoguiêa benëê xtiêidzaê Diuzi. Nacan ladyinaêa rguixoguiêaê. Reêen ca reêenna ruzuaê diêidzaê rguixoguiêan, porque huaca bayëchiê quiaê chi usanaê biquixoguiêa benëê xtiêidzaê Diuzi. 17 Chi quixoguiêa benëê xtiêidzaê Diuzi de gustozi, huegaênnan huen quiaê. Chi quixoguiêayaquëê xtiêidzaê Diuzi con ganzi, decazide nacan ladyinaêa ta pcaên Diuzi lao naêa. 18 ¿CabizÌi yegaênnan huen quiaê? Cani yegaênnan huen quiaê: Huabeê chizi gula luêu guicho laxtaêohuaê nun quie bibi unabaê leêe caora udixoguiêa leêe xtiêidzaê Diuzi. Baêalaêcazi napaê derecho inabaê leêe, bibi unabaê leêe. 19 Baêalaêcazi binacaê benê zulao xaêne, ruaê ca quie benê zulao xaêne tacuenda huaê gan inao benëê zë xneza Cristo. 20 Cati zuaê lado yaca benê Israel, ruaê ca rueyaquëê. Ca naoyaquëê ley pcaên Diuzi lao naêa Moisés dza naêla, canaê rnaoriaê ley naê. Canaê ruaê baêalaêcazi binacaê cuenda len leyaquëê ta inaohuaê ley naê, pero naohuaê ley naê tacuenda huaê gan inaoyaquëê xneza Cristo. 21 Lëzi cati zuaê lado yaca benê binao ley pcaên Diuzi lao naêa Moisés, binaohuaê ley naê tacuenda huaêyaquëê gan inaoyaquëê xneza Cristo. Pero cala binaohuaê ley, porque rnaocazaê ley quie Diuzi nun quie rnaohuaê ley quie Cristo. 22 Lëzi cati zuaê lado yaca benê binetzioñeêe dyëêëdi quie xtiêidzaê Diuzi, biruaê cuinzaê benê rioñeêe tacuenda huaê ganê inaorayaquëê mazera xneza Jesús. Canaê ruaê cati zuaê lado yugulute benëê ga raêa, rueriaê lëbizi len leyaquëê tacuenda inaoyaquëê xneza Jesús gataê yelaê neban quiejëê tuzioli. 23 Canaê ruaê tacuenda ye yaca benëê xtiêidzaê Diuzi gataê yelaê neban quieyaquëê tuzioli. Canaê ruaê tacuenda huaê tu parte quiaê nacan cuenda quiaê quixoguiêa xtiêidzaê Diuzi. 24 Banezile ca naca quie benê ruêu carrera. Baêalaêcazi tapa gaêyoêyaquëê tzuêuyaquëê be, pero tuzëê hue gan premio. Lëzi leêe, ulenao xneza Jesús du guicho du laêadyiêle tacuenda huele gan premio quien. 25 Yaca benê rue deporte gapayaquëê cuinyaquëê dyëêëdi tacuenda gacayaquëê benê tzutzu huala. Canaê rueyaquëê cuenda hueyaquëê gan tu coron de laêagaê. Naêra coron laêagaê hueyaquëê gan, huabidyin huabiaguiên, biden tuzioli. Pero ca naca premio gun Diuzi raêo, biibidyin bicuiaguiên, den tuzioli. 26 Quie lenaê, por tu parte quiaê nëêëdiê, bitaê ca rda benê laochula, bihuaê ca rue benê rdilalë be ladzazi. 27 Biruêa lato huaê ca ta rna cuerpo quiaê. Bireêendaê huen zÌudyi quiaê idzaê Diuzi nëêëdiê, danê biunaohuaê xtiêidzaê Diuzi dza caora psëdiaê yaca benëê ta inaoyaquëê xtiêidzaê Diuzi.