1 Juan 5

1 Chi galero useêelaê Diuzi Jesús, chi galero bidëê lao yedyi layu ta ute uselanëê raêo, naê nacaro zÌiêi Diuzi. Chi nadyëêëro Xuziro Diuzi, nacan zi hue quiero idyëêërëro benê bichiro, benê naca zÌiêi Diuzi. 2 Chi nadyëêëro Diuzi huero cabëê mandado ruenëê, canaê ineziro tali naê nadyëêëro yaca benê bichiro, benê naca zÌiêi Diuzi. 3 Bisaqueê inaro nadyëêëro Diuzi chi biruero ca mandado ruenëê. Binaca ziêi mandado quienëê. Mandado dyaêa ruenëê. 4 Babë yugulu benê naca zÌiêi Diuzi gan lao tamala de lao yedyi layu. Nun quie rzudyiêilëro Jesús abëro gan. 5 Chi bisudyiêilëro quie Jesús inaro zÌiêi Diuzi lëbëê, bisaqueê huero gan lao tamala de lao dyila yu. 6 Caora bida Jesucristo lao yedyi layu, caora naê uyuêunëê luêu nisa, ulato ren quienëê gutinëê lëêë yaga cruzo. Quele uyuêuzinëê luêu nisa, pero lëscanê guticazinëê lëêë yaga cruzo ulato ren quienëê. Naca Bichi Be quie Diuzi testigo con cabëê guca quie Jesucristo. Puro tali rna Bichi Be quie Diuzi, birziênëê yëê. 7 Tzona cueê testigo naca ta de guibá rguixogueên quie Jesucristo. Rguixogueê Xuziro Diuzi, lënëê diêidzaê quienëê, lënëê Bichi Be quienëê. Tuzi ca rguixogueêjëê quie Jesucristo. 8 Lëscanê tzona cueê testigo nacarë ta de lao yedyi layu rguixogueên quie Jesucristo. Rguixogueê Bichi Be quie Diuzi. Lëscanê caora uyuêu Jesucristo luêu nisa, lenaê rguixogueên quienëê. Lëscanê cati gutinëê lëêë yaga cruzo, ulato ren quienëê, lenaê rguixogueêrënan quienëê. Tuzi ca rguixogueên lao yunaten quie Jesucristo. 9 Chi ralero quie benëê cabëê inajëê raêo, reyaêalaêcazi galero quie Diuzi cabëê unëê, porque zacaêra cabëê una Diuzi quie zÌiêinëê. 10 Chi hue quiero diêidzaê quie zÌiêi Diuzi, canaê ineziro tali nacan diêidzaê quienëê cabëê unëê. Pero chi bihue quiero diêidzaê quie zÌiêi Diuzi, lenaê inaro naca Diuzi benê huiziê yëê, porque biralero tali nacan cabëê unëê quie zÌiêinëê. 11 Naêra con cabëê una Diuzi, unëê babënnëê yelaê neban quiero ta biyeyudyi yedu quië. Lëscanê unëê babënnëê quiero len lao naêa zÌiêinëê. 12 Nu benê rale quie zÌiêinëê, banapëê yelaê neban ta biyeyudyi yedu quie. Pero nu benê birale quie zÌiêinëê, binapëê yelaê naban ta biyeyudyi yedu quie. 13 Biaê guichi ni useêelaên laole leêe, benê rale quie zÌiêi Diuzi, ta inezile banapale yelaê neban ta biyeyudyi yedu quie. 14 Quie lenaê du laêadyiêro reyaêalaê ulidzaro Diuzi, porque neziro renëê quiero chi inabaronëê ca ta ugunnëê gunnëê quiero. 15 Como canaê neziro re Diuzi quiero cati ulidzaronëê, lëscanê ineziro babënnëê quiero ta unabaronëê. 16 Chi rlëêëro rnao tu benê bichiro neza mala ruenëê xquia, pero binacan xquia ta udyiaguiê Diuzi lëbëê, reyaêalaê ulidzaro Diuzi inabaronëê chi bigacalë Diuzi lëbëê ta usannëê neza mala quienëê yenaonëê xneza Diuzi tatula. De tu cueê xquia nacan ta udyiaguiê Diuzi raêo. Biiniaê leêe reyaêalaê ulidzaro Diuzi por nu benê napa xquia nacan ta udyiaguiê Diuzi lëbëê. 17 Yugulu xquia ruero nacan mala, pero de tu cueê xquia nacan ta udyiaguiê Diuzi raêo. 18 Neziro yugulu benê naca zÌiêi Diuzi binaojëê huejëê xquia, porque rapa zÌiêi Diuzi lëjëê. Bisaqueê xanê taxiêibiê huelën lëjëê. 19 Neziro nacaro benê quie Diuzi. Lëscanê neziro rue yaca los demás benê nitaê lao yedyi layu ca mandado reêen xanê taxiêibiê huejëê. 20 Lëscanê neziro babida zÌiêi Diuzi lao yedyi layu bzioñeêenëê raêo nuebëêro tuzi Diuzi zu guibá, neziro nunura Diuzi zu. Nacalëronëê tuzÌe, ta inaro, nacalëro zÌiêinëê Jesucristo tuzÌe. Tuzi lëbëê naquëê Diuzi, tuzi lëbëê gunnëê yelaê naban quiero ta biyeyudyi yedu quie. 21 ZÌiêinaê, gapale cuidado ta birionlaêadyiêle ta binaca Diuzi. Amén.