1 Tesalonicenses 3

1 Caora bira uzuendoê cuezandoê idenaêndoê leêe, bëndoê pensari begaênndoê rupandoê ciudad Atenas, 2 naê useêelaêndoê Timoteo bedeyubinëê leêe. Naca Timoteo benê rale, benê racalë nëtoê ruendoê dyin quie Diuzi rguixogueêndoê benëê cabëê bë Cristo, bënëê tahuen quiero. Useêelaê lëbiê ideyubinëê leêe ta inëê leêe diêidzaê zÌelaêadyiê ta biidzebile hue quiele xtiêidzaê Diuzi. 3 Canaê huenëê gacalënëê leêe biyehuëdile inaole xneza Jesús baêalaêcazi raca zëdi quiele. Dyëêëdi nezile usacacazi yaca benëê raêo bizinaquezi. 4 Pues caora nitaêlëndoê leêe dza naê, dyëêëdi unandoê leêe huataê tazëdi quiele. Dyëêëdi nezile gucan laga con cabëê unandoê leêe dza naê. 5 Quie lenaê, caora bira uzuedaê cuezaê mazara para inezidaê bi raca quiele, caora naê useêelaê Timoteo ta guidëê inezinëê bi raca quiele chi nenaole xneza Jesús. Bdzebaê chi babë xanê taxiêibiê leêe gan, aozÌiêna leêe yëê, baoden canaêzi dyin quie Diuzi bëndoê entre leêe. 6 Naêra abelaê Timoteo niga, zeyuêanëê diêidzaê nenaole xneza Jesús, nadyëêële laguedyile. Lëscanaê zeyuêanëê diêidzaê rezaêlaêadyiêle nedyëêële nëtoê, reêenle guidale idenaêle nëtoê. Lëscanê nëtoê reêenndoê idenaêndoê leêe. 7 Quie lenaê, bichaê, biraquendoê bayëchiê baêalaêcazi rsaca benëê nëtoê bizinaquezi, porque nezindoê leêe birusanlaêadyiêle xneza Jesús, nerue quiele xtiêidzaê Diuzi. Canaê ruxelaêadyiêle nëtoê. 8 Legazi yedaohuendoê nezindoê birdzebile nernaole xneza Jesús. 9 Quie lenaê rulidzandoê Diuzi rëbindoênëê diuxcaleloê tu mila gayuhua lasa. Naêra por nun quie nenaole neruele quie Diuzi, redaohuetzeguendoê. 10 Pues du dza, du yela, rulidzandoê Diuzi chi bigunnëê lato guidandoê idenaêndoê leêe tacuenda usëdindoê leêe ga zu racale falta ta inaorale xneza Jesús dyaêara. 11 Pues siempre rnabandoê lao Xuziro Diuzi lënëê Señor quiero Jesucristo ta gacalëyaquëê nëtoê guidandoê idenaêndoê leêe. 12 Lëscanaê rnabandoê lao Diuzi chi bigacalënëê leêe ta idyëêële mazara benê bichile, benê nao xneza Jesús. Lëzi cala tuzi benê nao xneza Jesús reyaêalaê idyëêële, reyaêalaê idyëêële yugulu benëê como cabëê nadyëêëndoê leêe. 13 Chi huele canaê, lenaê uluêen nacale benê laxtaêo yëri, bibi causa gataê quiele lao Xuziro Diuzi dza zezaê Señor quiero Jesús lënëê yaca benê quienëê.