2 Corintios 12

1 Bibi zacaên huaê cuinaê benê zÌe, mejorla huaê diêidzaê cabëê blëêëdaê bluêe Cristo nëêëdiê dza naê. 2 Nëêëdiê, benê nao xneza Cristo, azio chidaê iza, uquiëênëê nëêëdiê guibá uyune. Binezdaê chi uyaêa len bëêëlaê zÌubaê quiaê, o chi biuyaêa len bëêëlaê zÌubaê quiaê. Tuzi Diuzi nezinëê. 3 Pero nezdaê uquiëênëê nëêëdiê guibá, laêacazi binezdaê chi len bëêëlaê zÌubaê o chi cala len. Nezi Diuzi. 4 Uquiëênëê nëêëdiê naê ga bedaê diêidzaê naca laêiya gula. Tantozi naca laêiya diêidzaê naê, biruêen lato inë ja benëê ca naca diêidzaê bedaê. 5 Naêra lega redaohuedaê cabëê guca quiaê dza naê, pero bireêendaê huaê cuinaê benê zÌe nun quie len. Tuz ca guca quiaê cati bedu fuerza quiaê, lëzin reêendaê yëpaê ja benëê. 6 Pero chi huaê cuinaê benê zÌe yëpaê ja benëê tahuen gula bëlë Diuzi nëêëdiê guibá, lenaê binacan pensari tondo, como danê tali cabëê guca quiaê guibá yëpaêjëê. Pero bicala yëpaêjëê canaê, como danê bireêendaê huejëê pensari nacaê benê belaora ca tu rlëêëjëê nacaê. 7 Tantozi naca tahuen gula ta yebanero cabëê blëêëdaê ca naca guibá, ben Diuzi nëêëdiê tu ta tzei ila cuerpo quiaê cuenda bigaquedaê cuinaê nacaê benê zÌera ca tu ta nacaê. Nacan ca quie tu yëchiê tona uyuêun luêu cuerpo quiaê. Ruen quiaê ca tu bichi be quie xanê taxiêibiê Satanás rusacan nëêëdiê bizinaquezi. 8 Tzona lasa unabaê lao Cristo ta huenëê mandado ta usannan nëêëdiê danê yuêu ruzei rula cuerpo quiaê. 9 Pero una Cristo nëêëdiê cani: “Gunaê luëê fuerza quiaê. Conlë lëzin birabi idziogueloê, porque cati bide fuerza quioê cuinzoê, canaê huazaqueê gunaê luëê fuerza quiaê.” Canaê redaohuedaê bide fuerza quiaê cuenda gunnëê fuerza quienëê quiaê. 10 Quie lenaê redaohuedaê bide fuerza quiaê. Redaohuedaê cati rutasi runio benëê nëêëdiê. Redaohuedaê cati rdzioguedaê bi cosa. Redaohuedaê cati rusaca ja benëê nëêëdiê bizinaquezi. Redaohuedaê cati raca zëdi quiaê. Canaê raca quiaê nun quie rguixoguiêa xtiêidzaê Cristo. Nezdaê cati racabëêdaê dyëêëdi bide fuerza quiaê, caora naê run Cristo nëêëdiê fuerza quienëê, pero mazara fuerza zÌe run Cristo nëêëdiê. 11 Ca benê tondo biaê, pero dulaê quie leêe biaê canaê, porque leêe reyaêalaê inële tu cule quiaê. Pues cala zacaê nëêëdiê menosra cabëê nu benê naole neza quie, nu benêrnale naca apóstol huen gula. Pero quie nëêëdiê rnale ni lëêëtiê gabi zacaê. 12 Caora udixoguiêa leêe xtiêidzaê Diuzi dza naê, bëliaê leêe zÌelaêadyiê gula, blëêële bë Diuzi seña, bënëê yelaê huaca, bënëê ta yebanero. Lenaê bluêen tali nacaê apóstol quienëê. 13 ¿Cala bëliaê leêe lëbi cabëê bëliaê ja benê nao xneza Jesús nitaê ga tula? Biunabaê leêe ta huaê gasto quiaê. Tuzi lenaê bibëliaê leêe lëbi. ¡UlesiêzÌe quiaê cabëê tamala biaê quiele, biunabaê leêe ta huaê gasto quiaê! 14 Pues naêra sí, bazuaê dispuesto guidaê ideyubaê leêe taoyune. Pero tatula naêa biinabaê leêe ta huaê gasto quiaê como danê quele ta de quiele reêendaê, reêendaê huera quiele quie Cristo. Pues como raquedaê leêe ca zÌiêinaê, lenaê naca cuenda quiaê huaê gasto quiele. Binacan cuenda quiele huelële nëêëdiê gasto. 15 Pues redaohuedaê huaê gasto quiaê cuinzaê. Hasta zuaê dispuesto huaê gasto fuerza quiaê ta gacaliaê leêe gataê tadyaêa quiele. Pero cani raquedaê: Ca tu mazara nedyëêëdaê leêe, canaê menosra nedyëêële nëêëdiê. 16 Pero bala benê zu ladole inajëê benê listo gula nacaê, najëê uzÌiêa leêe yëê dza naê. Canaê inajëê baêalaêcazi dyëêëdi nezijëê biunabaê leêe ta huaê gasto quiaê dza naê. 17 ¿Bi ca nale? ¿UzÌiêa leêe yëê nun quie nu benê aoseêelaê laole dza naê? 18 Pues nezile aonabaê tu cule lao Tito chi biguidëê ideyubinëê leêe. Lëscanê useêelaê itu benê bichiro saêlënëê Tito. ¿Bi ca nale? ¿UzÌiê Tito leêe yëê? ¿Bi ca nale? ¿Quele tali naê nëêëdiêliaê Tito, tuzi ca bëlëndoê leêe, tuzi ca naca pensari quiendoê? 19 Chi raquele rnandoê aruendoê defender cuinndoê laole, bira huele pensari canaê, como danê biruendoê canaê. Ca ta ruendoê rnandoê lao Diuzi nun quie nacalëndoê Cristo tuzÌe. Pero yugu ca rnandoê leêe nacan ta gacalen leêe ta huera quiele quie Cristo. Nedyëêëdaê leêe bichaê. 20 Rdëbidaê chanê cati guidaê ideyubaê leêe neruele ca ta bireyaêalaê huele. Lëscanê rdëbidaê idzaêle nëêëdiê ca ta iniaê leêe. Rdëbidaê chanê gataê tazëdi. Rdëbidaê chanê neruele gacazÌëêle laguedyile, chanê nerdzaêle laguedyile, chanê neruele yelaê adyiê len laguedyile, chanê nernële contra laguedyile, chanê neruêele diêidzaê bizÌu, chanê neruele cuinle benê zÌe, chanê neruele ta biyuêu niêa xnezi. 21 Rdëbidaê gaca tastuê quiaê ca ruele cati guidaê ideyubaê leêe tatula. Rdëbidaê huabedyaê ca ruele chanê neruele cabëê dulaê xquia bële tiempote. Rdëbidaê chanê neruele tabayatza len yaca nigula, chanê nerdalële nigula binaca zÌgulale. Rdëbidaê chanê nenaole ca naca vicio quiele unaole dza naê.