2 Corintios 9

1 Naêra quie dumi reyaêalaê utupale ta gacalële benê bichiro, benê nao xneza Jesús, biruguinte iseêelaê guichi laole leêe, benê nitaê yu nebaba Acaya, 2 porque nezdaê dyëêëdi zule dispuesto utupalen. Redaohuedaê yëpaê benê bichiro, benê nitaê yu nebaba Macedonia, cabëê desde iza aode zule dispuesto gacalële laguedyile. Quie lenaê, benê zëja, benê Macedonia, zujëê dispuesto gacalëjëê laguedyijëê nun quie ca ruele leêe racalële laguedyile. 3 Naêra iseêelaê Tito len compañero quienëê laole cuenda gacalëjëê leêe utupale dumi huele tahuen cabëê aguchaê ja benëê huele cuenda bigaca diêidzaê falso cabëê aguchaêjëê. Lenaê niaê cuenda lahuetele bala cabëê baoniaê leêe huele. 4 Porque chi nequiêa bala ja benê nitaê yu nebaba Macedonia, bireêendaê ilaêndoê ilëêëndoê bibële bala biptupale dumi. Bireêendaê gaca yelaê stuê quiendoê len leêe nun quie pxelaêadyiêle nëtoê utupale dumi, naê biptupale dumi. 5 Quie lenaê biaê pensari ruguinte inabaê cule lao Tito len compañero quienëê guidajëê ideyubijëê leêe cuenda gacalëjëê leêe utupalëjëê leêe dumi cabëê begaênro diêidzaê dza naê. Canaê bade dumi puesto ta uluêen bedaohuele ptupalen, quele ptupalen de la fuerza. 6 Bigalaêadyiêle con ca rniaê leêe: Chi gazaro tadaoê bicuê, lëzi tadaoê bicuê usecho yeziêro. Pero chi gazaro tazÌe, lëzi tazÌe usecho yeziêro. 7 Quie lenaê quie quiele reyaêalaê utupale dumi ca tu pensari yuêu luêu guicho laxtaêole. Bireyaêalaê utupalen canezi ni a la fuerza. Reyaêalaê sule gusto utupalen, como danê nedyëêë Diuzi nu benê ruêe gun quienëê gusto. 8 Canaê huelaêiya Diuzi leêe tazÌe gula cuenda gataê quiele, bibi idzioguele. Lëscanê huelaêiya Diuzi leêe ta gataê quiele gacalële benê tula huelëlejëê tadyaêa. 9 Canaê rnën lëêë guichi laêiya quie Diuzi cani: TazÌe racalë Diuzi ja benê yëchiê. Ca naca tadyaêa ruenëê quiejëê, biyeyudyi yedu quien. 10 Quie lenaê rniaê leêe, naca Diuzi benê run bini ta gazaro, lëscanê runnëê yelaê huao ta gaoro. Lëbëê gunnëê quiele tacuenda bibi idzioguele gacalële benëê huelëlejëê tadyaêa. 11 Canaê gataê yugulu cueê yelaê uñaêa quiele tacuenda gacalëlejëê tazÌe. Quie lenaê conlë dumi iseêelaêle lao naêandoê, canaê yedaohuejëê yëbijëê Diuzi diuxcaleloê. 12 Porque cati hueêrojëê ta ptupale ta gacalële lëjëê, cala tuzi ta rdzioguejëê hueêrojëê, pero lëscanê nun quie hueêrojëê ta rdzioguejëê, lenaê yëbijëê Diuzi diuxcalenëê. 13 Canaê yeyuezÌejëê lao Diuzi. Lëscanê cabëê bële quiejëê, bëêlejëê ta bdzioguejëê, lenaê ruluêen tali rue quiele xtiêidzaê Cristo. Lëscanê yeyuezÌejëê lao Diuzi por nun quie dumi zÌe ptupale ta gucalële lëjëê len yugu ja benê nao xneza Jesús. 14 Naêra lëjëê ulidzajëê Diuzi nun quiele. Zujëê gusto conlë leêe nun quie cabëê bële quiejëê, canaê ilëêëjëê naca Diuzi benê huen. 15 Xcale Diuzi danê bëlënëê raêo tadyaêa. Tantozi bëlënëê raêo tadyaêa, bisuero saqueê yëbironëê diuxcaleloê cabëê reyaêalaê yëbironëê diuxcaleloê.