Colosenses 1

1 Nëêëdiê, Pablo, bdëê Diuzi nëêëdiê cabëê reêennëê gaca tacuenda tzaê tzetixoguiêa benëê diêidzaê laêiya quie Jesucristo. Nëêëdiêliaê benê bichiro Timoteo, 2 bëndoê guichi ni, useêelaêndoên laole ciudad Colosas. Banacarële benê quie Diuzi danê banuerële Cristo Jesús tuzÌe. Rnabandoê huelaêiya Xuziro Diuzi leêe cuëchinëê chizi luêu guicho laxtaêole. 3 Yugu dza rëbicazindoê Diuzi diuxcaleloê tanun quiele caora rulidzandoê Diuzi, benê naca Xuzi Jesucristo. Naca Jesucristo benê belaora quiero. 4 Bagudyi benëê nëtoê cabëê ruele rzudyiêilële Cristo, nadyëêële yaca benê rue quie xtiêidzaê Diuzi. 5 Canaê naca quiele nun quie danê rbezale gun Diuzi leêe tu tadyaêatzegue pcaênnëê quiele guibá. Aonezile canaê bë Diuzi quiele danê babële cuenda quie diêidzaê laêiya quie Diuzi dza naê. 6 Ca naca diêidzaê quie Diuzi babele zio rzÌenan, lëdiêidzaê naê barue quie yaca benê zë, naê betzaêyaquëê pensari quieyaquëê, barnaoyaquëê xneza Cristo. Canaê baraca duzÌe yedyi layu. Lëzi leêe, canaê raca quiele desde dza bele ca nadyëêë Diuzi benëê, gucabëêle nacan tali. 7 Lëzi canaê psëdi Epafras leêe. Nacarë Epafras benê rue dyin quie Diuzi. Nadyëêëndoênëê. Naquëê benê rue dyin quie Cristo conlë leêe du guicho du laêadyiênëê. 8 Lëbëê bidëê bedetixogueênëê nëtoê cabëê ruele nadyëêële benëê cabëê nadyëêë Cristo benëê. 9 Quie lenaê binusandoê rulidzandoê Diuzi por leêe desde dza naê cati bendoê ca ruele nedyëêële yaca benê nao xneza Cristo. Binusandoê rnabandoê lao Diuzi ta uzioñeêenëê leêe cabëê reêennëê huele, len cabëê reêennëê tzuêule pensari quienëê, len cabëê reêennëê inezile bi rue Bichi Be quienëê racalënëê raêo. 10 Canaê rulidzandoê Diuzi tacuenda tale cabëê reyaêalaê ta benê nao xneza Cristo ta yedaohuenëê yugulu ca ruele. Lëscanê rulidzandoê Diuzi tacuenda huele dyin quie Diuzi dyëêëdi yugu ca reêennëê, lëscanê ta inezirale quie Diuzi cabëê rnabëênëê raêo. 11 Rnabandoê lao Diuzi gunnëê fuerza valor quiele tacuenda huele gan bitiêtezi gaca quiele biyedzebile yedaohuele biyeyatile, naê dyëêëdi yedaohuele du usela Diuzi leêe. 12 Reyaêalaê yëbile Xuziro Diuzi diuxcaleloê, danê banuetenëê raêo puesto ta tzuêuro ga naca xniê yeziêro tu ta pcaên Diuzi para raêo, benê naca cuenda quienëê. 13 Aolio Diuzi leêe, bira nacale cuenda ta inabëê xanê taxiêibiê leêe. Banue Diuzi leêe cuenda inabëê zÌiêinëê leêe. Nadyëêë Diuzi zÌiêinëê. 14 Lëbëê gutinëê lëêë yaga cruzo ta yezÌi dulaê xquia quiero gataê yelaê neban quiero tuzioli. 15 Cabëê naca quie Cristo, benê saqueê ilëêëro, cabëê naê naca quie Diuzi, benê bisaqueê ilëêëro. Naca Cristo lao Diuzi ca quie tu zÌiêinëê nëro. Nacarëê belaora lao yugulu ta bë Diuzi. 16 Lao naêa Cristo bë Diuzi yugulute, laêacazi ta dyia guibá, laêacazi ta zu lao yedyi layu, laêacazi ta saqueê ilëêëro, laêacazi ta bisaqueê ilëêëro, laêacazi yaca benê nitaê guibá, yaca benê de yelaê rnabëê quie. Lao naêa Cristo bë Diuzi yugulute, naê begaênnan quienëê. 17 Tu binecueê yedyi layu bazucazi Cristo. Yugulu ta de lao yedyi layu nacan laêadyiênaêanëê. 18 Naca yaca benê nao xneza Cristo ca quie tuzi cuerpo. Naca Cristo ca quie guicho cuerpo naê. Naê raêo nacaro ca quie cuerpo quienëê. Tanëro beban Cristo. Quie lenaê naquëê benê belaora lao yugulute. Ganura benê belao zu como ca lëbëê. 19 Cani nacan, como danê cabëê naca Diuzi, cabëê naê naca Cristo. 20 Tanun quie danê guti Cristo lëêë yaga cruzo ulato ren quienëê, quie lenaê pcaêntzaêo Diuzi yaca benëê, laêacazi benê zu yedyi layu, laêacazi benê zu guibá. 21 Dza naê gucale benê binuebëê Diuzi, benê rudie Diuzi tanun quie danê bële tamedian. Pero naêa bapcaêntzaêo Diuzi leêe 22 tanun quie danê guti Cristo lëêë yaga cruzo. Canaê bë Cristo tacuenda naê nayërile lao Diuzi, bibi dulaê quiele de ta usedyinnëê leêe lao Diuzi. 23 Quie lenaê reyaêalaê inaorale dyëêëdi hue quiele quie Cristo. Biusanle uzalale biyebigaêle. Reyaêalaê cuezale yeziê Diuzi leêe ca rnën lëêë guichi laêiya quie Diuzi. Lëdiêidzaê naê rguixogueêro duzÌe yedyi layu. Ca naca nëêëdiê, nacaê benê rguixogueê xtiêidzaê Diuzi. 24 Redaohuedaê sacaziêa ta gacaliaê leêe como danê canaê nacaliaê Cristo tuzÌe con cabëê guca quienëê uzÌacaziênëê ta gacalënëê yaca benê quienëê, benê naca ca quie cuerpo quienëê. 25 Bdëê Diuzi nëêëdiê ta usëdiaê yaca benê rue quie xtiêidzaê Diuzi. Canaê reêendaê gacaliaê quixoguiêa leêe yugulu con cabëê rguixogueê diêidzaê laêiya quie Diuzi. 26 Lenaê rdaêa ruzioñeêedaê benê nao xneza Cristo con cabëê rguixogueê xtiêidzaê Diuzi, pero tu ta biunezi yaca benê unitaê tiempote ruzioñeêedaêyaquëê naêa. Azio zë iza de diêidzaê nucachiê Diuzi, pero naêtera bzioñeêe Diuzi yaca benê nao xneza Cristo cabëê rguixogueê diêidzaê nucachiênëê. 27 Canaê reêen Diuzi uzioñeêenëê yaca benê quienëê cabëê rguixogueê diêidzaê nagachiê quienëê, danê diêidzaê dyaêa nacan ta hue quieyaquëê yaca benê binaca benê Israel. Pues rguixogueê diêidzaê nagachiê quie Diuzi cani: Zu Cristo luêu guicho laxtaêole. Lëbëê rbezale yeguidëê yeziênëê leêe yeyole guibá ga naca yeniê quienëê. 28 Nëtoê rguixogueêndoê quie Cristo. Rnëyuendoê rusëdindoê benëê du guicho du laêadyiêndoê tacuenda usedyinndoê yaca benëê lao Diuzi gacayaquëê benê laxtaêo yëri nun quie nacalëyaquëê Cristo tuzÌe. 29 Quie lenaê ruaê dyin quie Diuzi du guicho du laêadyaê conlë fuerza valor run Cristo nëêëdiê.