Efesios 2

1 Dza naête guca quiele ca quie benê huati lao Diuzi. Dyin bë dulaê xquia quiele, biyuêule pensari bële ta rnazin quiele. 2 Unaole bële ca rue yaca benê nitaê lao yedyi layu. Bë quiele quie Satanás, benê naca xanê bichi be mala, benê ruêe fuerza yaca benê birue quie ca na Diuzi. 3 Canaê bëcazi raêo yuguluro dza naête caora biunaoro xneza Cristo. Bëro ta rnazin quiero, naê bë quiero quie pensari mala quiero. Quie lenaê de ga hue Diuzi raêo castigo huala lëbi ca yaca los demás benê nitaê lao yedyi layu. 4 Pero tazÌe beyëchiêlaêadyiê Diuzi raêo. Tanto nedyëêënëê raêo 5 bënëê tacuenda gataê yelaê neban quiero tuzioli caora cati psebannëê Cristo. Canaê bënëê quiero dza naête laêacazi nenacaro ca benê huati, neyuêuro pensari mala unabëê dulaê xquia quiero raêo. Yelaê benê huen quie Diuzi bënëê ta gataê yelaê neban quiero tuzioli. 6 Canaê naca quiero ca quie benê apseban Diuzi cabëê psebannëê Cristo. Canaê naca quiero yedyinro cueêlëro inabëêlëro Cristo guibá. 7 Canaê bënëê quiero cuenda ye inezi benê zazaêra dza zazaêra cabëê tazÌe nedyëêënëê raêo, tazÌe gucalënëê raêo babënëê tahuen quiero, benê nao xneza Cristo Jesús. 8 Como tazÌe nedyëêë Diuzi raêo, canaê bënëê ta gataê yelaê neban quiero tuzioli. Cala por nun quie danê bi huero cuinro, naê gun Diuzi raêo yelaê neban quiero tuzioli, dechanê ta gunzi Diuzi raêo ca regalo por nun quie zÌiêinëê. 9 Como binacan por nun quie danê bi huero cuinro, naê gun Diuzi raêo yelaê neban quiero tuzioli, quie lenaê bide bi huero ta huero cuinro benê zÌe lao Diuzi. 10 Canaê naca quiero, como danê ta bë Diuzi banaoro xneza Cristo Jesús banuelëro lëbëê tuzÌe. Canaê bënëê quiero cuenda huero tadyaêa cabëê unanëê quiero huero dza naête. 11 Quie lenaê reyaêalaê yezaêlaêadyiêle cabëê guca quiele dza naê. Cala benê Israel leêe. Bizu tu xëdyidaoê cuinle cabëê mandado rue lao ley quie benê Israel. Quie lenaê biblëêë benê Israel leêe dyaêa, como danê yugulu benê Israel bazu xëdyidaoê cuinyaquëê. Tanun quie lenaê nayaquëê benê quie Diuzi lëjëê, naê leêe binuebëêle Diuzi nayaquëê. 12 Dza naête nitaêle binuebëêle Cristo, bibële cuenda benê Israel. Nica nezile ca naca diêidzaê begaênlë Diuzi benê Israel dza naête. Nitaêle lao yedyi layu binezile chi zu Diuzi, biulezale yeyole guibá. 13 Pero naêa, banuelële Cristo Jesús tuzÌe. Laêacazi nica nezile chi zu Diuzi dza naête, naêtera banezile zu Diuzi, banuebëêle lëbëê. Canaê naca quiele como danê bida Cristo lao yedyi layu, gutinëê lëêë yaga cruzo. 14 Cuin Cristo naquëê benê rbëchitzaêo laxtaêoro. Dyin quienëê abeyaca yugulu benê nao xnezëê ca tu yedyizi. Banacaro ca tu yedyizi laêacazi benê Israel, laêacazi benê binaca benê Israel. Lëbëê apquinoguëê yelaê rudie laguedyi quiero cabëê ruquino besu zu ruzaêaga benëê. 15 Caora cati guti Cristo lëêë yaga cruzo, canaê uleza ley quie Moisés, bira inabëên raêo huero mandado quien. Canaê beyue Cristo chopa cueê benëê beyacaro tu cueêzi benê cubi, benê nuelë lëbëê tuzÌe. Canaê bënëê quiero caora ulëchitzaêohuëê quiero. 16 Lëscanê caora guti Cristo lëêë yaga cruzo, canaê uleza tazëdi raca entre lao rupa cueêro. Canaê ulëchitzaêohuëê quiero conlë Diuzi. Beyuenëê raêo tuzÌezi. 17 Bida Cristo lao yedyi layu, udixogueênëê benëê xtiêidzaê Diuzi gudyinëê leyaquëê ca reêen Diuzi cuëchitzaêohuëê guicho laxtaêoro. Udixogueênëê leêe benê binaca benê Israel, benê biunezi chi zu Diuzi. Lëscanê udixogueênëê nëtoê benê Israel, benê nezi zu Diuzi. 18 Dyin bë Cristo racalë Bichi Be quie Diuzi raêo ta huebëêro Xuziro Diuzi, laêacazi nacaro benê Israel, laêacazi nacaro benê zaê yedyi tula. 19 Quie lenaê bira nacale ca quie tu benê zaê yedyi zituê, benê bdyin ga binaca yedyi quie, dechanê banadele cuenda lao Diuzi naêa lële yaca los demás benê nao xneza Cristo. Banacale familia quie Diuzi. 20 Naca quiero ca quie tu yuêu besu de yo. Naca yaca benê apóstol len yaca los demás benê profeta ca quie ga rzulao besu. Leêe nacale ca quie yo rucuaêjëê besu. Naca cuin Jesucristo ca quie yo belao rbëchiyaquëê ga rzulao bezu. 21 Lao yo belao, inaro Cristo, rucuaê Diuzi yo quie besu dyëêëdi. Rlisëê tu besu dyaêa gula ta gaca idaoê naca laêiya como danê idaoê quie Cristo naê. 22 Canaê naca quiele, banuelële Cristo tuzÌe. Quie lenaê nacale ca quie tu idaoê rnabëêra quie Cristo. Lëscanê yugulu raêo benê nao xnezëê, banuelëro Cristo tuzÌe bayuêuro Bichi Be quie Diuzi, yelaê naê nacaro ca quie tu idaoê rnabëêra ga zu Diuzi.