Filipenses 3

1 Naêra bichaê, reyaêalaê yedaohuele danê nacale benê nao xneza Jesús. Binacan zëdi para nëêëdiê yeniaê leêe tatula ca ta baoniaê leêe dza naê lëêë guichi, como danê nacan belao para leêe. 2 Bigalele quie yaca benê rue ca rue yaca becoê, yaca benê rue tamala, yaca benê rchugu cuerpo. 3 Raêo nacaro dugalo benê nuzu xëdyidaoê cuine. Raêo nacaro benê rionlaêadyiê Diuzi lao naêa Bichi Be quienëê. Redaohuero nacaro benê quie Cristo Jesús. Neziro bibi zacaên huero cuinro benê zÌe por nun quie bi ruero dza rdaro lao yedyi layu. 4 Pero chi nacan huen huero cuinro benê zÌe, napariaê derecho huaê cuinaê benê zÌe ca nurla benê tula. 5 Pues bzuyaquëê tu xëdyidaoê nëêëdiê caora gologaê gucaê xuêuna dza. Nëêëdiê nacaê dugalo benê Israel. Nacaê zÌiêisuba xuzixtaêoro Benjamín. Desde nacatiaê xcuidiê racaê diêidzaê hebreo. Gucaliaê benê partido fariseo tuzÌe. Ca rnaoyaquëê du guicho du laêadyiêyaquëê ley quie Moisés, canaê unaohuaê nëêëdiê. 6 Du guicho du laêadyaê psacaê benê quie Jesús bizinaquezi dza naê. Tantozi unaohuaê ley quie Moisés, nunu bë causa quiaê chi udapaê dulaê xquia lao Diuzi. 7 Pero banezdaê naêa bibi zacaên lao Diuzi yugulu ca ta guquedaê zacaên lao Diuzi dza naê. Lenaê nezdaê porque danê barnaohuaê xneza Cristo naêa. 8 Lëscanê nezdaê yugulu ta de quiaê nacan ca quie ta chuêunro, ta bibi sirve. Zacaêran huebiêa Cristo, benê naca Señor quiaê, cala ca yugulu ta de quiaê. Tanun quie nubiêa Cristo, pcaênaê tzalaêla yugulu ta de quiaê. Araquedaên ca tu bëbi, tanto zacaêran ta huebiêa Cristo, 9 tanto zacaêran tzaliaê Cristo tuzÌe. Cala por nun quie unaohuaê ley quie Moisés rlëêë Diuzi nëêëdiê benê laxtaêo yëri, dechanê por nun quie danê rzudyiêiliaê Cristo. Huaziê Diuzi nutezi benê rzudyiêilë Cristo. 10 Tuzi ca reêendaê, reêendaê huebiêa Cristo. Reêendaê sulë yelaê huaca quienëê nëêëdiê cabëê yelaê huaca bë Diuzi psebannëê lëbëê. Lëscanê zuaê dispuesto yedzagalaohuaê cabëê bedzagalaonëê, baêalaêcazi huen zi gatiaê cabëê gutinëê. 11 Canaê reêendaê tacuenda huaê gan useban Diuzi nëêëdiê yerogaê ga de benê huati. 12 Pero biiniaê babiaê gan baoyaêlao banubiêa Cristo. Lëscanê cala beyudyi bzioñeêe Diuzi nëêëdiê huaê ca mandado reêennëê huaê. Pero biusanaê xneza Cristo. Reêendaê huaê gan huebiêa Cristo ca nuebëê Cristo nëêëdiê. 13 Lëscanê bichaê, biiniaê babiaê gan abeyudyi biaê cabëê reêen Diuzi huaê. Quie lenaê birdëbidaê ca tu ta baode baguca. Pero ruaê dyabëê ta huaê ca reêen Diuzi huaê dza zazaêra. 14 Ruaê dyabëê rnaohuaê xneza Cristo tacuenda yeyëzÌi Diuzi nëêëdiê yeyaêa guibá. HueyëzÌi Diuzi yaca benê nuelë Cristo tuzÌe ta tzezulëyaquëê lëbëê tuzioli. 15 Yugulu leêe benê nao neza Cristo, reyaêalaê huele pensari ca pensari agudyaê leêe niga. Chi leêe natzaê pensari quiele, Diuzi uzioñeêenëê leêe ta huele tuzi ca pensari ruaê. 16 Quie lenaê sí, reyaêalaê huero, reyaêalaê huero tuzi pensari cabëê pensari nudzeê Diuzi raêo. 17 Bichaê, cabëê ruaê nëêëdiê, canaê reyaêalaê huerële. Lëscanê huele cuenda nu benê rue cabëê bëndoê cati unitaêlëndoê leêe dza naê. 18 Zë lasa baoniaê leêe, naê du rbedyaê huaê repetir tatula de que nitaê benê zë, benê naca enemigo quie Cristo. 19 Naca quieyaquëê yeyoyaquëê laguiê gabila. Ta rnazin quieyaquëê rueyaquëê rnaoyaquëê quie diuzi quieyaquëê. Reyaêalaê yedueêyaquëê ca rueyaquëê, denê redaohuelayaquëê. Tuz ta raca lao yedyi layu ruejëê pensari. 20 Pero raêo nacaro cuenda quie Diuzi zu guibá. Rbezaro dza zezaê Jesucristo, benê psela raêo, benê naca Señor quiero. 21 Lëbëê yetzaênëê bëêëlaê zÌubaê banaca bayëchiê quiero ta iyacan yeniê cabëê naca cuerpo quienëê cuinnëê. Canaê huenëê quiero conlë yelaê huaca de quienëê rnabëênëê lao yugulute.