Apocalipsis 13

1 Naêra uzuaê ruêa nisadaoê ga naca layu bidyi, caora naê blëêëdaê bro itu bia guixiê bayatza gula luêu nisadaoê. Blëêëdaê naca gadyi guichobaê. Lëscanê blëêëdaê dyia chi luzubaê. Naê tu huio lao luzubaê zun tu huio coron. Lëscanê lëêë gadyi guichojabaê zu laojabaê quie quie ca laojabaê. Pero ca naca laojabaê nacan ta utasi unioyacan Diuzi. 2 Naêra lëbia guixiê bayatza gula, bia blëêëdaê, nacabaê forma ca bëdyi. Naca niêabaê ca niêa oso. Zu ruêabaê ca zu ruêa león. Caora naê lëbia guixiê snia gula nacabaê ca bëla, bëêbaê xlato bia guixiê bayatza gula ga cueêbaê. Lëscanê bëêbaê lëbaê yelaê rnabëê ta inabëêbaê lao yedyi layu. 3 Naêra tu guichobaê zun tu hueê ta gutin lëbaê, pero beyaca hueê naê. Quie lenaê lega beban ja benê nitaê lao yedyi layu unaojëêbaê. 4 Naêra uyonlaêadyiêjëê bia guixiê snia gula, como danê bëêbaê bia guixiê bayatza gula yelaê rnabëê quiebaê. Lëscanê uyonlaêadyiêjëê bia guixiê bayatza gula. Naê unajëê caniga: âGanura zu naca ca lëbaê. Nunu sue tilalë lëbaê. 5 Naêra bia guixiê snia gula bëêbaê bia guixiê bayatza gula lato ta huebaê zÌe cuimbaê ta utasi uniobaê Diuzi. Lëscanê bëêbaê lëbaê lato ta inabëêbaê ca tu reêembaê inabëêbaê chopa galo chopa biuê. 6 Naêra tamalatzague bë bia guixiê bayatza gula unëbaê contra Diuzi. Lega ptasi bniobaê lëbëê. Lëscanê ptasi bniobaê ga zu Diuzi guibá. Lëscanê ptasi bniobaê ja benê zulënëê naê. 7 Caora naê lëbia guixiê snia gula bëêbaê bia guixiê bayatza gula lato ta tilalëbaê ja benê quie Diuzi hasta huebaê lëjëê gan. 8 Naê yaca benê nitaê lao yedyi layu, yaca benê bizu laojëê lëêë lista ta bë Diuzi tu binecuëchinëê yedyi layu, uyonlaêadyiêjëê bia guixiê bayatza gula. Lëlista napa benê naca ca quie becoê zÌiêilaê, benê guti dza naê. Rguixogueên quie benê de yelaê naban quie tuzioli. 9 Chi zu ja benê ruzënaga, reyaêalaê uzënagajëê dyëêëdi ca rniaê. 10 Chi nu benê hue yaca benê quie Diuzi preso, lëscanê huadyin dza gacarëjëê preso. Chi nu benê guti benê quie Diuzi conlë espada, lëscanê conlë espada gatirëjëê. Quie lenaê, reyaêalaê sue benê quie Diuzi sudyiêilëjëê Diuzi dyëêëdi. 11 Naêra ude naê, blëêëdaê itu bia guixiê bayatza gula ta brobaê luêu yu. Dyia chopa luzubaê ca luzu becoê zÌiêilaê, pero unëbaê zidzo gula. 12 Naêra ca de yelaê rnabëê quie bia guixiê bayatza gula, bia blëêëdaê tanëro, lëscanê derë yelaê rnabëê quie bia guixiê bayatza gula, bia blëêëdaê taorupe. Pues con ca mandado reêen bia nëro hue bia urupe, canaê ruecazibaê. Caora naê bë bia urupe mandado tzionlaêadyiê yugulu benê nitaê lao yedyi layu bia nëro, bia beyaca hueê zu guichogue ta guti lëbaê. 13 Lëscanê bëbaê yelaê milagro quiebaê hasta ruquinobaê guiê guibá rguinon lao yedyi layu ta ilëêë ja benëê len. 14 Naêra nun quie yelaê milagro bë bia urupe zaquëêlao bia nëro, canaê uzÌiêbaê yëê ja benê nitaê lao yedyi layu. Canaê bëbaê mandado hue ja benëê tu ta naca forma quie bia nëro, bia zu hueê ga uchugu espada guichobaê, pero beyacabaê zubaê. 15 Naêra bia urupe bëbaê yelaê milagro quiebaê, bëbaê mandado ta inë tu ta naca forma quie bia nëro ta huenan mandado gati ja benê birionlaêadyiê lënan. 16 Lëscanê bëbaê itu mandado ta uzu tu sello quiebaê zaquëê naêa yebë ja benëê, o zaquëê zÌgajëê, laêacazi xcuidiê, laêacazi benê huaca, laêacazi benê uñaêa, laêacazi benê yëchiê, laêacazi benê nadaêo, laêacazi benê libre. 17 Lëscanê, chi nu ja benê bizu sello quiebaê, o chi bizu laobaê, o chi bizu número quie laobaê, naêra bisaqueê gaêojëê bi cosa, bisaqueê yeyutiêjëê bi cosa. 18 Reyaêalaê inezi nu benê rioñeêe cabëê nan niga. Chi nacale benê rioñeêe, ulelaba ca naca número quie lëbia guixiê bayatza gula. Lënúmero naê nacan número quie tu beêmbyu. Cani naca número quiebaê: Xopa gayuhua tzona galo xopa naca número quiebaê.