Romanos 14

1 Reyaêalaê hueêlële benê zaozulao inao xneza Jesús diêidzaê zÌelaêadyiê. Bitzuêule huedila huenë tu ta binaca. 2 Por ejemplo, bala benê nao xneza Jesús rnajëê ruêen lato gaoro bitiêtezi ta de. Naê ibala benê nao xneza Jesús, benê zaozulao inao xnezanëê, rnajëê bireyaêalaê gaoro bëêëlaê. Quie lenaê puro yëza cuan gaojëê. 3 Naê yaca benê rao bitiêtezi ta de, bireyaêalaê ilëêëyaquëê mala benê rao puro yëza cuan. Bireyaêalaê inëbizÌoyaquëê laguedyijëê como danê rupa cueêjëê nacajëê benê nao xneza Jesús. 4 ¿NuzÌi bë leêe mandado inëbizÌole laguedyile, benê naorë xneza Diuzi? Nacan cuenda quie xaênjëê chi ruejëê tahuen, chi ruejëê tamala, cala cuenda quiele. Pero huacacazi huen quiejëê, como danê de yelaê huaca quie Diuzi ta ucaênnëê lëjëê huen. 5 Reêendaê iniaê leêe itu ejemplo: Yuêu bala benê nao xneza Jesús rnayaquëê tuzi dza naca laêiya tzionêlaêadyiêro Diuzi, cala bitiêtezi dza nacan dza huen. Naê yuêu ibala benê nao xneza Jesús rnajëê bitiêtezi dza nacan dza huen tzionêlaêadyiêro Diuzi. Quie quiele reyaêalaê huele pensari inezile dyëêëdi ta huele cabëê reyaêalaê huele. 6 Naêra quie benê rna tuzi dza naca laêiya tzionlaêadyiêro Diuzi, cala yugu dza nacan huen, ruejëê canaê ta gapalaênjëê Cristo. Lëscanê yaca benê rna bitiêtezi dza nacan dza huen tzionlaêadyiêro Diuzi, ruejëê canaê ta gapalaênrëjëê Cristo. Naêra quie benê rna ruêen lato gaoro bitiêtezi ta de, naê ruejëê canaê ta gapalaênjëê Cristo. Lëscanê benê rao puro yëza cuen, naê ruejëê canaê ta gapalaênrëjëê Cristo, naê yëbijëê Diuzi diuxcaleloê. 7 Ni tu raêo binitaêro tuzi cabëê nitaêro lao yedyi layu. Ni tu raêo bigatiro tuzi cabëê gatiro lao yedyi layu. Zu Cristo rnaê ruhuianëê raêo. 8 Chi zuro nabanro lao yedyi layu, naê zuro nabanro ta gapalaênro Cristo. Lëscanê chi gatiro yeyoro guibá, naê gatiro yeyoro guibá ta gapalaênro Cristo. Laêacazi nabanro, laêacazi gatiro, pero nacaro benê quie Cristo. 9 Canaê nacan como aguti Cristo bebannëê naquëê xuzi xaên yugulu benëê, laêacazi benê neban, laêacazi benê huati. 10 Pero leêe, ¿bixquienê rnëbizÌole benê bichile benê nao xneza Jesús? ¿Bixquienê rezÌëêle laguedyile? Pues yuguluro naca quiero yedyinro lao Cristo huero cuenda cabëê bëro, chi bëro tahuen, chi bëro tamala. 11 Lenaê rguixogueên lëêë guichi laêiya quie Diuzi cabëê unanëê cani: Como nacan tali nabanaê, lëscanê nacan tali idyin dza quitzu zÌibi yugulu benëê laohuaê, hueyaquëê nëêëdiê benê zÌe. Canaê una Diuzi dza naête. 12 Canaê nacan huadyin dza quie quiero huero cuenda lao Diuzi cabëê bëro dza udaro lao yedyi layu. 13 Quie lenaê bireyaêalaê inëbizÌoro laguedyiro. Mejorla huero pensari inaoro neza dyaêa cuenda biiquixi laguedyiro huejëê tamala por dulaê quiero. 14 Naêra quie bëêëlaê, cala cuinnan nacan zÌudyi nu gao len. Lenaê banezdaê dyëêëdi como nacaê benê nao xneza xaênro Jesús. Pero chi rue bala benëêpensari naca zÌudyi gaojëê bëêëlaê, naêra para lëjëê sí, binacan huen gaojëên, como danê raquejëê zÌudyi nacan gaojëên. 15 Chi por nun quie danê reêenro gaoro bi cosa utëbiro pensari quie yaca biê bichiro, benê nao xneza Jesús, naêra lenaê ruluêen rdziogue idyëêëro yaca benê bichiro. Bihuero ta yegaên yaca benê bichiro mala lao Diuzi por nun quie danê reêenro gaoro bi cosa. 16 Biutëbiro pensari quie bichi laguedyiro, benê nao xneza Jesús. Bihuero bi cosa reêenro huero, laêacazi naparo derecho hueron, laêacazi neziro cala tamala chi hueron. 17 Binacan belao bi ta gaoro, bi ta yoêoro. Pero tabelao naê inaro tuzi pensari dyaêa. Tabelao naê cueê chizi laxtaêoro, suro contento tanun quie danê yuêu luêu guicho laxtaêoro pensari quie Bichi Be quie Diuzi. 18 Redaohue Diuzi nu benê rue canaê, benê nao xneza Cristo dyëêëdi. Lëscanê hualëêë yaca benëê lëbëê benê huen. 19 Canaê huero seguir inaoro huero tadyaêa cuenda naê cueê chizi laxtaêoro, gacalëro laguedyiro ta tzioñeêejëê mazara con cabëê rna xtiêidzaê Diuzi. 20 Binaca huen te canaêzi dyin quie Diuzi por nun quie bi ta reêenro gaoro. Banezcaziro baben Diuzi lato gaoro yugulu ta de ta gaoro. Pero tamala naê gaoro bi cosa chi por lenaê utëbiro pensari quie laguedyiro yelaê naê huejëê ta bireyaêalaê huejëê. 21 Mejorla biyoêoro bigaoro bi cosa, bihuero bi cosa chi por lenaê utëbiro pensari quie benê bichiro, benê naorë xneza Jesús, yelaê naê huenëê tu ta bireyaêalaê huenëê. 22 Reyaêalaê gaparo cuidado cabëê ruero cuinro lao Diuzi. Bihuero cuinro benê zÌe nun que nacaro benê quie Diuzi. Tahuen naê naca quiero chi bigao pensari quiero raêo xquia cabëê ta ruero. 23 Chi ineziro nacan xquia tu ta inan quiero huero, naê bireyaêalaê hueron. Nacan xquia quiero chi hueron. Lëscanê reyaêalaê ineziro dyëêëdi chi nacan huen, naê hueron. Chi neziro dyëêëdi binacan huen, mejorla bihueron como danê nacan xquia quiero chi hueron.