Romanos 6

1 ¿Ca bi pensari reyaêalaê huero? 2 ¿Huero pensari huero tamala cuenda uluêe Diuzi raêo ca naca yelaê benê huen quienëê inaênëê raêo nacala gaca quiero? ¡Bireyaêalaê huero pensari canaê! Naca quiero ca quie benê baguti, bira rnabëê dulaê xquia quiero raêo. ¿Cómo pues huero seguir huero xquia? 3 ¿Binezile ca guca quiero dza gucaro bautismo? ¿Binezile gucaro bautismo ta uluêen banacalëro Cristo Jesús tuzÌe, lëscanê ta uluêen banaca quiero ca quie benê guti lëêë yaga cruzo? 4 Tanun quie gucaro bautismo naca quiero ca quie benê baguti, benê bade luêu yerobá conlë Cristo. Pero lëscanê naca quiero ca quie benê babeban, benê bade yelaê neban cubi quie. Naca quiero ca quie benê beban cabëê beban Cristo, bebannëê lao naêa Diuzi, benê de yelaê huaca quie. 5 Porque chi tanun quie yelaê guti quie Cristo naca quiero ca quie benê huati, naê nacalëro lëbëê tuzÌe, lëscanê tanun quie yelaê beban quie Cristo naca quiero ca quie benê beban, naê lëscanê quie lenaê nacalëronëê tuzÌe. 6 Caora guti Cristo lëêë yaga cruzo, caora naê guca quiero ca quie gutirë pensari mala quiero cuenda bira huero ta rnazin quiero, bira inabëê pensari mala raêo, bira ruêen lato huero mandado ca mandado rue pensari mala quiero raêo. 7 Porque bira saqueê inao benëê pensari mala quieyaquëê cati bagutiyaquëê. 8 Chi tali apsanro tamala quiero, lenaê ruluêen anaca quiero ca quie benê bagutilë Cristo. Canaê xelaêadyiêro huazulëro lëbëê tuzioli. 9 Porque neziro caora beyudyi guti beban Cristo, naêra tuzioli bira gatinëê. Bira saqueê hue yelaê guti lëbëê gan tatula. 10 Caora guti Cristo lëêë yaga cruzo, para tuzioli udizÌuguëê quie dulaê xquia quiero. Naêra nabannëê zuëê guibá naquëê benê balaêana zÌe lao Diuzi. 11 Naêra quie leêe, bira gacale pensari huele tamala, reyaêalaê gacale pensari gapale Diuzi balaêana como danê nacalële Cristo Jesús, benê naca Señor quiero, tuzÌe. 12 Quie lenaê bihueêle lato inabëê pensari mala quiele leêe huele ca tamala rnan guicho laxtaêole huele. 13 Bihueêle lato huelële cuerpo quiele tamala. Ta reyaêalaê huele, huelële Diuzi tuzÌe como danê banaca quiele ca quie benê baguti, benê beban lao naêanëê. Ta reyaêalaê huele, hueêle lato huelële cuerpo quiele tadyaêa. 14 Porque bira saqueê inabëê pensari mala quiele leêe. Bira nadele cuenda lao naêa ley pcaên Diuzi lao naêa Moisés, banadele cuenda lao naêa yelaê reyëchiêlaêadyiê quie Diuzi. 15 ¿Naêra bizÌi huero? ¿Huero xquia como danê bira nadero cuenda lao naêa ley pcaên Diuzi lao naêa Moisés, dechanê nadero cuenda lao naêa yelaê reyëchiêlaêadyiê quie Diuzi? ¡Bisaqueê huero canê! 16 Pero dyëêëdi nezile cabëê naca quie nu benê zu lao xaêne. Reêen ca reêenna uzujëê diêidzaê ca mandado rue xaêne. Canaê naca quiero. Chi uzuro diêidzaê cabëê mandado rue pensari mala quiero, lenaê udyiaguiên raêo, biyeziê Diuzi raêo gunnëê yelaê naban quiero tuzioli. Chi uzuro diêidzaê ca mandado rue Diuzi, lenaê gacalën raêo yeziê Diuzi raêo gunnëê yelaê naban quiero tuzioli. 17 Pero xcale Diuzi, bira rzule diêidzaê ca mandado rue pensari mala quiele, cabëê bële dza naête. Pero naêa baruzule diêidzaê du guicho du laêadyiêle ca mandado rue xtiêidzaê Diuzi ta pcaênnëê laohuele. 18 Banacale benê libre ta huele tadyaêa inaole xneza Diuzi. 19 (Tanun quie danê binetzioñeêele dyëêëdi cabëê rniaê leêe, lenaê rniaê leêe itu chopa laêana ta gacalën leêe.) Cani nacan. Cabëê bële dza naê ulisa niêa naêale bële tamala, bële ta bireyaêalaê huele, canaê hualisa niêa naêale huele tadyaêa, huele ta reyaêalaê huele, tacuenda talicazi nacale benê quie Diuzi. 20 Caora neyuêule pensari mala dza naê, unabëên leêe ca xaênle, quie lenaê bibzule pensari huele tahuen ca tahuen reêen Diuzi huele. 21 ¿Pero bizÌi bële gan unaole neza mala? Naêra lenaê ruen yelaê stuê quiele. Zëêlao ituzi yelaê guti ulezale yeyole lao guiê gabila. 22 Pero naêa bira yuêule pensari mala inabëên leêe ca xaênle. Baoyuêule pensari quie Diuzi ta huele tahuen ca reêen Diuzi huele. Canaê sí huele gan. Canaê talicazi nacale benê quie Diuzi. Zeêlao canaê gun Diuzi yelaê neban ta biyeyudyi yedu quie. 23 Ga yeyudyi gazÌo dulaê xquia quiero yeyoro lao guiê gabila. Pero netzaê quie Diuzi gunnëê yelaê neban quiero tuzioli tanun quie nacalëro Cristo Jesús, benê naca Señor quiero, tuzÌe.