Tito 2

1 Ca ta usëdioê benëê reyaêalaê inën lëbizi conlë xtiêidzaê Diuzi. 2 Yëboê yaca beêmbyu gula de que reyaêalaê yuêuyaquëê gracia, bitondoyaquëê, gapajëê balaêana, huejëê pensari. Reyaêalaê inaojëê xneza Jesús du guicho du laêadyiêyaquëê. Reyaêalaê idyëêëyaquëê laguedyiyaquëê. Reyaêalaê sueyaquëê cati bi tu tazëdi de quieyaquëê. 3 Lëscanê yëboê yaca nigula gula ta tayaquëê gapajëê Diuzi balaêana. Yëboêjëê ta bihueêlëyaquëê laguedyiyaquëê diêidzaê bizÌu, nica tayaquëê hueêe. Laêacazi tajëê, pero huejëê tadyaêa. 4 Reyaêalaê inëyueyaquëê ja nigula cuidiê ta hueyacabiê tadyaêa, lëscanê ta idyëêëyacabiê beêmbyu quieyacabiê len zÌiêiyacabiê, 5 lëscanê ta tzuêuyacabiê pensari dyaêa, lëscanê ta bigasilëyacabiê beêmbyu tula. Naê yëboêyacabiê ta sulëyacabiê beêmbyu quieyacabiê dyëêëdi, lëscanê ta usegulayacabiê zÌiêiyacabiê dyëêëdi, lëscanê ta gacalëyacabiê laguedyiyacabiê. Pues ruen dyabëê uzuyacabiê diêidzaê ca mandado rue beêmbyu quieyacabiê cuenda bibi dulaê gataê quieyacabiê ina benëê condre xtiêidzaê Diuzi. 6 Lëscanê yëboê yaca biêbyu cuidiê ta yuêuyacabiê gracia bitondoyacabiê. 7 Lëscanê, luëê, laêacazi taoê, pero hueloê puro tahuen. Ca benê yuêu gracia, ca benê laxtaêo yëri, canaê reyaêalaê usëdioê yaca biêbyu cuidiê. 8 Reyaêalaê hueêlëloê benëê puro diêidzaê dyaêa tacuenda bigataê causa quioê gao benëê luëê xquia. Canaê huataê yelaê stuê quie yaca benê rue condre raêo, porque yedueêyaquëê inajëê quiero nacaro benê mala. 9 Lëscanê yëboê yaca benê nadaêo de que reyaêalaê galejëê quie xaênjëê. Yëboêjëê bireyaêalaê yeyëchojëê yedilalëjëê xaênjëê. 10 Lëscanê yëboêjëê ta bicuanyaquëê ta de quie xaênyaquëê. Reyaêalaê huerajëê huen gapachiêjëê ta de quie xaênjëê cuenda naê ilëêë xaênyaquëê leyaquëê benê huen gula, benê rue quie xtiêidzaê Diuzi. 11 Pues babluêe Diuzi raêo naquëê benê huen gula, rbezëê ute uselanëê nutezi benê reêen inao xneza Jesús. 12 Yelaê benê huen quienëê abzioñeêenëê raêo ca reêennëê usanro tamala, reêennëê bira huero ta rnazin quiero. Bzioñeêenëê raêo ca reêennëê tzuêuro pensari huen, reêennëê huero tadyaêa, reêennëê tzionlaêadyiêronëê dulaêadyiêro, reêennëê inaoro xnezëê dza rdaro nabanro lao yedyi layu. 13 Lëscanê bzioñeêenëê raêo ca reêennëê cuezaro dza yeguida Jesucristo. Pues cuezaro yedaohuero dza cati uzu Diuzi diêidzaê quienëê ca unëê huenëê quiero. Lëdza zazaêra naê yeguida Diuzi quiero lënëê zÌiêinëê Jesucristo, benê pte psela raêo. 14 Pues dza naête, dza baode, psedyin Jesús cuinnëê lao naêa yaca benëê bëti lëbëê. Canaê bënëê gutinëê ta gataê tahuen quiero. Canaê bënëê pte pselanëê quiero ta bihue Diuzi raêo castigo quie yelaê mala quiero. Lëscanê udibinëê laxtaêoro cuenda gacaro benê laxtaêo yëri, gacaro benê quienëê, tzioro inaoro huero tahuen. 15 Canaê reêendaê usëdioê yaca los demás benê quie Jesús. Reyaêalaê uxelaêadyoêjëê cati ruejëê tahuen, lëscanê reyaêalaê tiloêjëê dyëêëdi cati ruejëê tamala. Huuê dyabëê uzënagajëê quioê cabëê yëboêyaquëê.