1 Tesalonicenses 2

1 Bee saêa enu tucutse nzeli arquiaêahua Jesucristo, liêihua nediyaêhua nú né yela xleêeru chenu ubela biêyaru liêihua, 2 añinzuca nú nediyaê nzeêcaêhua lunú xneca udiquichiêquiê bee bene liêiru nu xitse uriêinubeei liêiru eyeche Filipos. Pero uriêi Diose elietsa luru nú utsu naaqui arquiêru udixiuleêeru bedichiaê nzeêcaênu luhua añinzuca nú nehuana ulleêcaru equie cuendaê nú ulee bee bene luru. 3 Xne liêiru uniru luhua puro nú neli neca nu lá riêiru luhua tucu nú niarquiêtsiaru urre para nú zequienuru liêihua. 4 Sino que scua tucu nú ucañila Diose liêiru para nú dixiuleêeru bee bedichiaê nzeêcaênu lubee bene nu ulañiênu nú acaru riêiru lunú riala nú riêiru, nu scua necane tucu nú udixiuleêeru lubee bene. La necane para nú yaêna nzeêcaru lubee bene sino ante lu Diose. Liêinu enu nuêlu xa nchiñi arquiê bee bene. 5 Liêihua nediyaêhua nú leca xunga uzucuê ayaru liêihua para nú zecahua liêiru, nu leêca lá laênaru nú xneca modo riêiru ana dimiêhua, Diose nediyaê nú neli necane scua. 6 Leêca la laênaru nú zucuê aya bee bene liêiru, nu la laênaru nú zucuê ayahua liêiru urre nú zucuê aya stucu bee bene liêiru, añinzuca nú nuê modo nú nibiyaêru luhua nú riêihua luru lunú niarquiêru, né riêiru scua luhua. 7 Liêihua nediyaêhua xa uriêi nzeêcaru luhua chenu ulluaêaru cuna liêihua, tucu nú rriêi tucu naa enu chiquiê rriucu bee lliêñi. 8 Nu lunú chiquiê seêcaru liêihua laneca nú Stichiaê Diose tsia rixiuleêeru luhua sino que lecaxi riêi máse nú úti bee bene liêiru lunú chiquiê seêcaru liêihua. 9 Nu liêihua bee saêru enu nzeli arquiêhua Jesucristo nediyaêhua nú chiquiê ulaênaru nú uriêiru riñaê. Bichia si rulaê uriêiru riñaê para nú la quiêñia nú ariêihua elietsa luru diqui nú uzeteêru liêihua bee bedichiaê nzeêcaê Diose. 10 Nediyaê nzeêcaê Diose nú leêca liêihua nediyaêhua nú xneca uhuañiru ante luhua, nu lecali xi dula luêcuru, nu sin nú lecaxi taêquiyahua liêiru, liêihua bee enu nzeli arquiê Jesucristo. 11 Leêca nediyaêhua xneca uniru bezeteê luhua nu xneca uduêuru ana arquiêhua tucu nú rriêi paê enduê lu enduê. 12 Nu unilaru luhua nú huañihua tucu nú riala huañi bee beneê Diose, liêinu enu rixia liêihua para nú huañihua cuna liêinu liñibe elu rnibiyaênu. 13 Enzeêe leêca liêiru la tsuxeru nú rdeteêru cheêtsa lu Diose nú chenu ubeneêhua stichiaênu nú udixiuleêeru luhua uriêi casohuane lunú neli necane Stichiaê Diose, nu lanecatsiae stichiaê bee bene iliulabe. Nu bee bedichiaê cuaê neca nú rriêi riñaê arquiêhua, liêihua bee enu nzeli arquiê Jesucristo. 14 Nu liêihua bee saêru enu nzeli arquiaêahua Jesucristo. Tucutse ulleêcaêlaêahua tucu nú ulleêca bee beneê Diose enu neca bee bene Judea enu nzeli arquiê Jesucristo. Xne scua tucu nú nehuana uriêinu bee saêbeella bee bene Israel liêibeella leêca scua nehuana uriêinu bee bene lachihua liêihua. 15 Nu leêca bee bene Israel unguuti beei Jesuse enu rnibiyaê luaêahua nu leêca unguuti beei bee profeta, nu leêca utiliacaê beei liêiru nu la riêibeei tucu nú niarquiê Diose, nu rlebeei lu ye bee bene. 16 Nu uca beei nú udixiuleêeru bedichiaê nzeêcaê Diose lubee bene enu la neca bee bene Israel nú xneca tsilaêa beella, scua leêca liêibeei rriêibeei nú rdalalá stula beei, nu nee chiquiêla nehuana seca beei. 17 Bee saêru enu nzeli arquiaêahua Jesucristo, liêiru utsaênaru liêihua chiucu chuna bichia, añinzuca nú la lañiêru liêihua pero nchiucuê arquiêru liêihua nu chiquiê niarquiêru nú lañiê zecaêru liêihua stucu bese. 18 Nu chiquiê uniarquiêru nú nzelabiêyaru liêihua, liêá Pablo huaxi bese uniarquia nú nzelabiêya liêihua. Pero uca bezeêlu nú acae scua. 19 Pero niarquiêscaêru nzelabiêyaru liêihua xne nzucu luru nú liêihua necahua enu rriêi nú ñia nzu arquiêru, liêihua necahua riñaê nú nelliñianuru nú riñayuru lu Jesucristo enu rnibiyaê bichia chenu nzeêta zecanu. 20 Liêihua necahua enu rriêi nú ñia nzu arquiêru nu equie cuendaêhua nelliñiaru.