2 Tesalonicenses 3

1 Nee bee saêa enu nzeli arquiaêahua Jesucristo, unaêcuhua lu Diose equie cuendaêru para nú la leêe riêchia letse stichiaê Jesucristo diqui bee luhuare nu zucuê aya bee bene stichiaênu, tucu nú ungae letahua, 2 leêca naêcuhua lu Diose para nú tsilaêanu liêiru lu bee bene enu necha rriêi, nu lu bee bene enu necuchi nehuañi xne laca ye bee bene nzeli arquiê stichiaê Jesucristo. 3 Pero Paêahua Diose siempre saêalunu stichiaênu, liêinu riêinu elietsa luhua nú tsutaê arquiêhua, nu acanuênu liêihua lu ye nú nechá neca. 4 Nu liêiru nediyaê nzeêcaêru nú Paêahua Diose rriêinu elietsa luhua nú rriêihua nu nzeriêiláhua lunú unilaru luhua. 5 Jesucristo riêi elietsa luhua para nú chenalahua elu secaê Diose, nu riêinu elietsa luhua nú riquiêhua lu ye beenú xi nzeêta zecahua tucu nú uriquiê Jesucristo. 6 Nee bee saêa enu nzeli arquiaêahua Jesucristo, enu rnibiyaê luaêahua equie cuendaê liêinu rnibiyaêru luhua nú chiuêuchuhua lu titse bee saêahua enu nebichiu la niarquiê riêi riñaê nu la nehuañi tucu nú uzeteêru liêihua. 7 Xne liêihua nediyaêlaêhua xa riala nú huañihua para nú huañihua tucu nú nehuañiru. Liêiru né alluaêaru letahua sin nú riêiru riñaê. 8 Nu leêca lecati etaê nú lia udaêcuru sino que bichia si rulaê utiêqui arquiêru nu uriêiru riñaê para nú la duêuru riñaê luhua nú ariêihua elietsa luru para nú huañiru, 9 la necane nú la yala nacuêru nú riêihua elietsa luru sino que necane para nú ulubeêru luhua nú huañihua tucu nú nehuañiru. 10 Chenu ulluaêaru cuna liêihua uniru luhua: bene enu la niarquiê riêi riñaê, leêca la acu nzeêe. 11 Pero nee ubeneêru nu nuê bee saêhua enu nebichiu letahua nu la niarquiê riêi riñaê nu rdeteê ruêu beella elu la yala deteê ruêu beella. 12 Equie cuendaê Jesucristo enu rnibiyaê luaêahua rniru nu rnibiyaêru lu bee bene cuaê nú cuaêaxe beella nu zucuêlu beella nú riêi beella riñaê para nú huañi beella. 13 Bee saêa enu nzeli arquiaêahua Jesucristo, la llacaêhua nú rriêihua nú neca nzeêca. 14 Tunu nuê tá tucuhua enu la zucuê lunú rniru lu carta quieê, ubiêyahua ta nucuaê nu la quieteêhualla para nú che tuêlla. 15 Pero la riêihua lulla xi rriêihua lu bene enu rlehua lu sino que xi neca tucu bichihua uniêhua lulla nú riêi nzeêcalla. 16 Nu Paêahua Diose enu rliquiê nú nzuxe arquiaêahua, liêinu riêinu nú nzuxe arquiêhua ye bichia nu lu yeene. Nu Jesucristo nzu cuna yeehua. 17 Liêá Pablo leêca liêi eêcua rquieêa letra quieê para nú riêá saludar liêihua, scua rriêá lu ye bee cartaa, scua rquieêa. 18 Nu Jesucristo enu rnibiyaê riêinu nú cha nzeêca lu cuendaê yehua. Amén