Los Hechos 15
TBL1 Bee bichia zeêe uriña chiucu chuna bee bene Judea eyeche AntioquÃa. Nu uquixiebeei unibeei lubee bene enu nzeli arquiê Jesucristo nú tunu la quie seña liêibeella tucu nú rnibiyaê leyê Moisés leca modo tsilaêa beella lu cuendaê stula beella. 2 Chequie Pablo cuna Bernabé chiquiê unixuu beella cuna bee benecuaê, luzeêelá ucañi bee bene enu nzeli arquiê Jesucristo Pablo cuna Bernabé cuna xiucu xuna bee bene para nú uya beella Jerusalén, uya niêi beella lubee apóstol cuna lubee bene enu rnibiyaê lubee bene enu nzeli arquiê Jesucristo para nú biêya beella xa aca equie cuendaê nucuaê. 3 Nu uduênziu bee bene eyeche AntioquÃa enu nzeli arquiê Jesucristo liêibeella para nú chue beella. Chenu nzuebeella udete beella lu iliu Fenicia cuna lu iliu Samaria, nu udixiuleêe beella lubee bene enu nzeli arquiê Jesucristo enu nucuaêa enza zeêe. Nu bee bene enu la neca bee bene Israel nzelila arquiêbeella Stichiaê Diose. Nu ye bee bene enu nzeli arquiê Jesucristo enu nucuaêa enza zeêe, chiquiê ñia utsu arquiêbeella chenu ubeneêbeella nucuaê. 4 Chenu uriña Pablo cuna bernabé Jerusalén, uyucu nzeêca bee bene enu nzeli arquiê Jesucristo liêibeella cuna bee apóstol cuna bee bene enu rnibiyaê lubee bene enu nzeli arquiê Jesucristo, che ubedichiaênu Pablo cuna Bernabé liêibeella lunú uriêi Diose lubeella. 5 Pero chiucu chuna bee fariseo enu nzelÃla arquiê Jesucristo, utsulÃbeei nú unibeei: âBee bene enu la neca bee bene Israel enu nzelÃla arquiê Jesucristo rquiêña nú quiee seña nú rquie bee bene Israel liêibeella, nu rquiêña nú riêibeella beyaê nú zucuê beella leyê Moisés. 6 Chequie uyetesaê bee apóstol cuna bee bene enu rnibiyaê lubee bene enu nzeli arquiê Jesucristo para nú biêya beella xa riêibeella lu cuendaê nucuaê. 7 Lunú chiquiê ubedichiaê beella equie cuendaê nucuaê, utsuli Pedro nu unilla: âBee saêa enu nzeli arquiaêahua Jesucristo, liêihua nediyaêhua nú hasta huaêtu ucañi Diose liêá letahua para nú nzetixiuleêa bedichiaê nzeêcaê Jesucristo lubee bene enu la neca bee bene Israel para nú chili arquiêbeella liêinu. 8 Nu Diose enu nuêlu arquiê ye bee bene, ulubeênu nú neca beella bee beneênu equie nú udeteênu EspÃritu Santo lubeella tucu nú uliquiênue luru, 9 tucutse rriêi Diose luru cuna lubeella, xne tucu nú uriêinu perdona stularu leêca esquie uriêinu perdona stula beella equie nú nzeli arquiêbeella Jesucristo. 10 Nee, ¿xiquie nú la zucuêhua lunú rni Diose nu rnibiyaêhua nú zucuê bee bene enu nzeli arquiê Jesucristo nú rni leyê Moisés, nu niê liêiru nu niêbee beneaêahua enu udetela, né aca beella azucuêbeella ley cuaê? 11 Liêiru nediyaêru nú utsilaêalaru lu dula tucu nú utsilaêa Diose liêibeella, equie nú neca nzeêca nú uriêi Jesucristo enu rnibiyaê luaêahua. 12 Chequie uzaca ye beella nu uzucuê diaca beella lunú rni Pablo cuna Bernabé lu ye bee milagro nú uriêibeella lubee bene enu la neca bee bene Israel, equie poder nú rluêcu Diose. 13 Chenu ulaxu nú unibeella, chequie leêca uni Jacobo: âBee saêa enu nzeli arquiaêahua Jesucristo, uzucuê diacahua lunú nialuhua. 14 Simón Pedro unilalla luaêahua nú xa uquixie Diose nú ucañinu bee bene enu la neca bee bene Israel para nú aca beella bee beneênu. 15 Ye bee nucuaê ungala tucu nú uquieêe bee profeta lu ichiê Stichiaê Diose elu rni: 16 Lulá nú aca bee nucuaê, riêá nú aca tucu necatse bee benea stucu bese tucu nú ungae chenu uhuañi David. Nu aca tucu necatse beella cuna beelá bee bene enu nehuañiscaê nee, tucu nú uhuañi bee bene tiembu nú uhuañi David, nu equie cuendaê beella aca huaxi bee benea, 17 para nú cuaêna ye bee bene nú zeca beella liêá, nu ye bee bene lu iliulabe cuaêna beella nú zeca beella liêá, liêibeella enu ucañia. 18 Scua rni Diose enu rixiuleêe ye bee nucuaê lu ye bee bene hasta huaêtu. 19 ‘Enzeêe liêá Jacobo rriêá elliebacuê nú la quiêña nú riaêahua juerza bee bene enu la neca bee bene Israel nú chequie beella lunú rni leyê Moisés, liêibeella enu utsanaê arquiê bee custumbre para nú nzequie beella inziuê Diose. 20 Nee neca nzeêca nú xeêlahua tucu ichiê lubeella nú la acu beella nú necaleêya lubee nú nzeli arquiê bee bene nú neca diose, nu la riêibeella eluhuexe nu la acu beella beêlaê bee nañi enu la tiêchia rene chenu rati, nu la acu beella rene. 21 Scua niaêahua lubeella, xne hasta huaêtu cada eyeche siempre nuê tucu bene enu seteê liêibeella lunú xi rni leyê Moisés nú rula beella liñi induê bee bene Israel bichia nú sulachi bee bene. 22 Chequie bee apóstol cuna bee bene enu rnibiyaê lubee bene enu nzeli arquiê Jesucristo, cuna ye beelá bee bene enu nzeli arquiê Jesucristo unga tucunecatse beella nú ucañi beella bee bene leta beella para nú xeêla beella bee benequieê cuna Pablo cuna Bernabé eyeche AntioquÃa. Che ucañi beella Judas enu leêca lee Barsabás, cuna Silas, liêibeella enu neca equie leta bee bene enu nzeli arquiê Jesucristo. 23 Nu uxeêla beella tucu carta cuna liêibeella nú rni: “Liêiru bee apóstol, cuna bee bene enu rnibiyaê lubee bene enu nzeli arquiê Jesucristo, cuna beela bee bene enu nzeli arquiê Jesucristo, riêiru saludar liêihua enu la neca bee bene Israel, pero neca saêahua lunú nzeli arquiaêahua Jesucristo, liêihua enu nucuaêa eyeche AntioquÃa, nu diqui lu iliu Siria, cuna Cilicia. 24 Liêiru ungabiyaêlaêru nú uchiuêu chiucu chuna bee bene lachiaêahua nu rriêibeei nú saê arquiêhua cuna stichiaê beei, che la riêihua beyaê ta nú riêihua xne rnibeei nú rquiêña nú quiehua seña nú rquie bee bene Israel, cuna nú riêihua tucu nú rnibiyaê leyê Moisés pero lá deteêru permiso nú riêibeei scua. 25 Enzeêe uyetesaêru nu uniru nú máse neca nzeêca nú cañiru chiucu chuna bee saêahua para nú yeêta biêya beella liêihua, cuna saêahua Pablo cuna Bernabé enu chiquiê seêcaêahua, 26 liêibeella enu la lliqui mase nú ati equie cuendaê nú sibiê beella lu Jesucristo enu rnibiyaê luaêahua. 27 Nu cuna liêibeella xeêlaru Judas cuna Silas, nu leêca liêibeella ixiuleêe beella ye bee nucuaê luhua. 28 Nu equie nú nzu EspÃritu Santo cuna liêiru, uriêiru beyaê nú la quiêña nú nibiyaêru luhua nú xi riêihua, lunú rquiêña nú riêihua neca, 29 nú la acuhua beêlaê bee nañi enu rricuê bee bene lubee nú nzeli arquiê bee bene nú neca bee diose, nu la acuhua bee nañi enu la tiêchia rene chenu rati nu leêca la acuhua rene nu la riêihua eluhuexe. Tunu riêyahua liêihua nú la riêihua ye bee nucuaê che sà nehuañi nzeêcahua lu Diose. Diose biêya liêihua." 30 Scua ungae, uxeêla beella carta cuaê cuna tacu bene zeêe eyeche AntioquÃa. Zeêe uquieteêsaêbeella bee bene enu nzeli arquiê Jesucristo nu udeteê beella carta cuaê ya beella. 31 Chenu ungula beella carta zeêe, chiquiê ñia utsu arquiêbeella equie bee bedichiaê nzeêca nú rni lu carta zeêe. 32 Chequie Judas cuna Silas lunú leêca rluêcu beella nú reca beella para nú udeteê beella Stichiaê Diose lubee bene, xee unibeella lubee beneê Jesucristo cuna nú uduê beella ana arquiêbeella cuna stichiaê beella. 33 Chenu udete huaxi bee bichia nú nzucu Judas cuna Silas zeêe, chequie bee beneê Jesucristo enu nucuaêa eyeche AntioquÃa zeêe uduê inza beella liêibeella para nú benchilaê zeca beella elu nucuaêa bee saêbeella enu uxeêla liêibeella nú unibeella lubeella: “Diose riêi ucu liêihua." 34 Pero uduê arquiê Silas nú uyaênalla zeêe 35 Nu Pablo cuna Bernabé uyaênalá beella eyeche AntioquÃa, liêibeella cuna beelá bee bene uzeteê beella, cuna nú uyatixiuleêe beella bedichia nzeêcaê Jesucristo lubee bene zeêe. 36 Chenu udete chiucu chuna bee bichia, che uni Pablo lu Bernabé: âChaêa chebiêyaê zecaêa bee saêahua enu nzeli arquiê Jesucristo bee eyeche elu uyatixiuleêe lá stichiaênu para nú biêyaêa xa nucuaêa beella. 37 Bernabé niarquiê nú uyaê beella Juan enu leêca lee Marcos; 38 pero nézela Pablo nú a uyaê beella Juan Marcos, xne chenu uya beella lu iliu Panfilia utsanaê arquiêlla liêibeella nu né chequiella liêibeella. 39 Chequie niê tuculla nu niê stuculla né yaêna tucu necatse beella, nu utsanaê arquiêsaêbeella. Che unguyaê Bernabé Marcos nu uyuêu beella liñi barco nu nzuebeella enza Chipre luyuu nú netse lu inzatuê. 40 Nu ucañi Pablo Silas nzenulla, nu utsaêna beelá bee beneê Jesucristo liêibeella ya Diose para nú riêiucunu liêibeella. 41 Nu udete beella lu iliu Siria, cuna lu iliu Cilicia nu uduê beella ana arquiê bee beneê Jesucristo enu nucuaêa enza zeêe.