Los Hechos 18

1 Lu zeêela uchiuêu Pablo eyeche Atenas nu nzalla eyeche Corinto. 2 Zeêe ullaêcalla tucu bene Israel enu lee Aquila, lachi bene quieê lee Ponto. Aquila quieê cuna unaêlla Priscila apenatsia uriña beella nú nzeêta beella enza Italia, xne unibiyaê arre Claudio nú uchiuêu ye bee bene Israel Roma. Che uyabiêya Pablo liêibeella, 3 nu lunú leêca riñaê nú rriêibeella rriêi Pablo, nú rrecheêe beella carpa iti, che uyaênalla cuna liêibeella para nú riêi junto beella riñaê cuaê. 4 Cada bichia nú sulachi bee bene Israel nza Pablo rixiuleêella Stichiaê Diose liñi induê bee bene Israel, sia lubee bene Israel urre lubee bene enu la neca bee bene Israel, rcuaêna Pablo xa riêilla ana nú chili arquiêbeei lunú rnilla. 5 Chenu uriña Silas cuna Timoteo eyeche Corinto nú nzeêta beella enza lu iliu Macedonia lá riaê Pablo stucu riñaê rene udixiuleêetsialla Stichiaê Diose lubee bene, nu udixiuleêella lubee bene Israel nú neca Jesuse Cristo. 6 Pero uquixiebeei nú uleebeei lu Pablo nu unibeei bedichiaê nú necha neca lulla, nu chequie uriêquilla xuculla xi neca seña nú la zucuêbeei nú rnilla, nu unilla lubeei: âLiêi eêcuhua rriêihua nú nitiluhua lu Diose la neca nucuaê cuenda. Desde nee nzaêa lubee bene enu la neca bee bene Israel nzetixiuleêa Stichiaê Diose lubeei. 7 Che uchiuêulla liñi indu zeêe nu nzalla niê tucu bene enu lee Ticio Justo, benequieê rluêculla ulaêna lu Diose nu axu nzucu niêlla ruêu indu zeêe. 8 Nu Crispo lee tucu bene enu rnibiyaê liñi induê bee bene Israel, liêilla cuna ye bee beneêlla uchili arquiêbeella Jesucristo. Leêca huaxi bee bene eyeche Corinto uchili arquiêbeella Jesucristo chenu ubeneêbeella stichiaênu nu urinza beella. 9 Tucu rulaê neca xi neca nú uni xcalaê Pablo nu uni Diose lulla: âLa lliquilu uquia tixiuleêelá stichiaêa lubee bene nu la tsuxeelu, 10 liêá nzua cuna liêilu para nú lecati xi riêinu liêilu, xne eyeche quieê nucuaêa huaxi bee bene enu aca bee benea. 11 Enzeêe uyaêna Pablo eyeche Corinto tucu lana arulaê, uzeteêlla bee bene zeêe Stichiaê Diose. 12 Pero chenu unga Galión gobernador lu iliu Acaya, unga tucu necatse bee bene Israel nu unaêtse beei Pablo, nu unguyaêbeei liêilla lu gobernador zeêe. 13 Nu unibeei lulla: âBenequieê rcuaênalla xa riêilla ana bee bene para nú luêcu beella ulaêna lu Diose stucu forma lunú la nibiyaê leyêahua. 14 Nze nila Pablo, chenu ucuaqui Galión lubee bene Israel zeêe, nu unilla: âTunu necane nú uriêilla tucu equiya, urre uriêilla tucu nú necha neca enzeêe nzeêta yuhualla lua, che riêi casoa lunú rnihua. 15 Pero necatsia nucuaê equie cuendaê bee bedichiaê cuna equie cuendaê nú lee bee bene, nu cuna equie cuendaê leyêhua, liêitsiahua biêyahua xa aca nucuaê, xne la niarquia aca enu hualu nucuaê. 16 Nu chu uhualla bee bene zeêe elu rlualullae lu cuendaê bee bene. 17 Chequie chu unaêtse bee bene griego zeêe tucu bene enu lee Sóstenes, enu rnibiyaê liñi induê bee bene Israel nu uzeteêcheê beei liêilla. Pero niêtemeê la riêi caso gobernador zeêe liêibeei. 18 Uyaênascaêlá Pablo eyeche Corinto huaxi bichia. Cheela unilla lubee saêlla enu nzeli arquiê Jesucristo nú nzialla nu nzalla cuna Aquila cuna Priscila, nu uyuêu beella liñi barco nu nzuebeella enza Siria, pero ante nú chiuêu beella eyeche Cencrea urecuê ichia equie Pablo para nú utsaêalulla tucu nú ucuaqui uênalla lu Diose nú uriêilla. 19 Chenu uriña beella eyeche Efeso, zeêe utsaêna Pablo Aquila cuna Priscila, pero uyalla liñi induê bee bene Israel enu nucuaêa zeêe, uyaniêlla lubee bene Israel enu rieteêsaê liñi indu zeêe. 20 Chequie uziquiee beella lu Pablo nú yaênalálla cuna liêibeella zeêe xiucu xuna bichia, pero lá zelalla, 21 nu unilla lubeella: âNziaêla nee, xne eyeche Jerusalén rquiêña nú detea eliñi nú nzeêta. Tunu zela Diose nzelabiêya zeca liêihua stucu bese. Che uyuêulla liñi barco nu uchiuêulla eyeche Efeso. 22 Chenu uriña Pablo eyeche Cesarea, che uyalla Jerusalén uyabiêyalla bee beneê Jesucristo, nu chu nzalla enza eyeche Antioquía. 23 Chenu ungala xee nú nzuculla eyeche Antioquía, uyalla cada tucua bee eyeche nú nchiucuê lu iliu Galacia cuna lu iliu Frigia, rduêlla ana arquiê ye bee beneê Jesucristo. 24 Tiembu zeêe uriña tucu bene Israel eyeche Efeso nu liêilla leella Apolos, nu lachilla neca Alejandría. Benequieê chiquiê recalla rnilla, nu leêca chiquiê recalla Stichiaê Diose. 25 Unga nzeêcalla Stichiaê Diose, chequie chiquiê nuê ana arquiêlla uzeteêlla stichiaê Jesuse lubee bene, nu neli unilla stichiaênu lubeella, añinzuca nú nediyaêtsialla elu rrinza nú uzeteê Juan Bautista bee bene. 26 Apolos quieê sin nú lliquilla uquixiella nú udixiuleêella Stichiaê Diose lubee bene Israel liñi induêbeei, nu chenu ubeneê Priscila cuna Aquila lunú rnilla, che unguyaêbeella liêilla niêbeella, nu zeêe uzeteêlá bee benequieê liêilla para nú ungalallá Stichiaê Diose. 27 Chenu uriêi Apolos elliebacuê nú chálla lu iliu Acaya, ye bee beneê Jesucristo enu nucuaêa zeêe uduê beella ana arquiêlla para nú challa zeêe, nu uquieêe beella tucu carta lubee beneê Jesucristo enu nucuaêa lu iliu acaya para nú yucu nzeêca beella liêilla chenu riñalla lu iliu zeêe. Nu chenu uriña Apolos lu iliu Acaya chiquiê uriêilla elietsa lubee bene enu nzeli arquiê Jesucristo enu nucuaêa zeêe, liêibeella enu uyalí arquiê Jesucristo cuna elietsaê Diose. 28 Xne lu ye bee bene unilla nú la cha nzeêca bee bene Israel, nu lecati unga ucuaqui lulla, xne ye nú rnilla neli necane, liêilla rlubeêlla tucu nú nequie lu ichiê Stichiaê Diose lubee bene, ye bee luhuare elu rni: “Nú Jesuse neca Cristo."