Los Hechos 20

1 Chenu utsuxe lunú sureche bee bene eyeche Efeso zeêe, ubixia Pablo bee bene enu nzeli arquiê Jesucristo nu uduêlla ana arquiêbeella. Che unilla lubeella nú nzalla, nu nzalla enza lu iliu Macedonia. 2 Uyalla diqui bee enza zeêe nu chiquiê uduêlla ana arquiê bee bene enu nzeli arquiê Jesucristo cuna stichiaêlla, che uriñalla enza lu iliu Grecia, 3 elu uzuculla chuna guu. Necala nú chuêulla liñi barco para nú nzalla enza lu iliu Siria, chenu uriêilla beyaê nú nuê nú niarquiê bee bene Israel riêinu liêilla, che uriêilla elliebacuê nú ubenchilaê zecalla enza lu iliu Macedonia. 4 Nu unguyaêlla tucu bene Berea enu lee Sópater llianaê Pirro, cuna bene enu lee Segundo, nu cuna Aristarco enu neca bee bene eyeche Tesalónica, leêca unguyaêlla Gayo bene Derbe, cuna Tiquico cuna Trófimo bene Asia cuna Timoteo. 5 Yebeella uriculu beella nu utsuquie beella Pablo cuna liêá Lucas eyeche Troas. 6 Nu liêiru, chenu udete eliñi nú racu bee bene pá nú la ucha levadura, che uchiuêuru eyeche Filipos nu uyuêuru liñi barco nu lu ayuê bichia uriñaru eyeche Troas elu nucuaêa beella, nu zeêe ulluaêaru achi bichia. 7 Chenu uriña bichia rlu liñi tucu xmana uyetesaêru para nú daêcu junturu pá tucu nú utsaêna Jesucristo, nu lunú uriêi Pablo elliebacuê nú chiuêulla bichia rrucu, chenu uriña ulelaê rulaê laÌ laxuscaê nú seteêlla bee bene. 8 Nu equie niêi elu ayaa nelluaêaru, nu rulu huaxi bee quii liñi niêi zeêe; 9 che tucu niyu eêneê enu lee Eutico nzucui ruêu ventana. Nu lunú chiquiê xee uzeteê Pablo beella, che chiquiê uyuêu calaê lu niyu eêneê zeêe, nu uriêi calaê ana lui nu uzanaêi desde piso rriuna hasta luyuu nu ungutilai chenu uletsa beella liêi. 10 Chequie ulaca Pablo elu nuxui, nu utsulliquilla uchiêchilla liêi, nu unilla lubee bene zeêe: âLa lliquihua, nehuañii. 11 Che chu uquie zeca Pablo equie niêi zeêe, nu uleêella pá udacu beella, nu unilálla lubeella hasta nú uyeêe lu yuu, chenu uyeêe luyuu chu nzalla. 12 Nu niyu eêneê enu uzanaê zeêe, nehuañii nzeyu beella liêi niêi, nu chiquiê ñia nzu arquiêbeella. 13 Che uyuêuru liñi barco nu uricuêluru nú nzaêaru eyeche Asón elu utsaênaru bedichiaê lu Pablo nú llaêcaru liêilla, xne uriêilla elliebacuê nú tsee eêyalla nzalla zeêe. 14 Chenu ullaêcaru Pablo eyeche Asón, che uyuêulla liñi barco cuna liêiru, nu nzaêaru lu eyeche nú lee Mitilene. 15 Che uchiuêuru eyeche Mitilene, nu bichia rrucu udeteêru enza lee Quío, nu stucu bichia uriñaru elu lee Samos. Nu stucu bichia uriñaru Mileto, pero ante nú riñaru zeêe, utsuxeru elu lee Trogilio. 16 Uriêi Pablo elliebacuê nú la challa eyeche Efeso, nu leêca niarquiêlla nú la leêlla enza Asia, xne lunú niarquiêlla nú chu riñalla Jerusalén tunu nuê beyaê nú riñalla zeêe bichia liñi pentecostés. 17 Chenu nelluaêaru eyeche Mileto, unibiyaê Pablo nú yeêta bee bene enu rnibiyaê lubee bene enu nzeli arquiê Jesucristo eyeche Efeso, 18 chenu uriña beella zeêe uni Pablo lubeella: âDesde bichia rluu nú uriñaa caêa Asia nu hasta nee liêihua nediyaê nzeêcaêhua lunú rriêá. 19 Ye bee bichia nú nzua cuna liêihua sibiêa lu Jesucristo cuna nú nzuquie arquia, nu hasta runa nú huaxi beenú nehuana seêca lunú niarquiê bee bene Israel riêinu liêá. 20 Pero añinzuca nú scua necane, ne tsana arquia unia luhua lunú neca nzeêca para liêihua ante lu ye bee bene urre niêhua uzetea liêihua. 21 Nu sia lubee bene Israel cuna lubee bene enu la neca bee bene Israel, unila lubeella nú cheêe arquiêbeella lu stula beella nu benchilaê arquiêbeella lu Diose, nu chili arquiêbeella Jesucristo enu rnibiyaê. 22 Nee nú nzaêa Jerusalén elu uxeêla Espíritu Santo liêá, la riêá beyaê xi nzu nú zeca zeêe. 23 Lunú nediyatsia nú lu ye bee eyeche elu nzaêa rni Espíritu Santo lua nú huaxi beenú nehuana zeca cuna nú chaêa niêcuê. 24 Pero la chenuarquia nucuaê mase atia, pero ñia nzu arquia rriêá lunú riala riêá hasta elu zelae, nu riêá lunú uliquiê Jesucristo enu rnibiyaê, nu ixiuleêa bedichiaê nzeêcanu cuna nú xa neca elusecaê Diose. 25 ‘Nu nee nediyaa nú niê tucuhua enu udixiuleêa xa neca lunú rnibiyaê Diose lu, la lañiaêhua liêá. 26 Enzeêe nia luhua nee, nú la necaê nucuaê cuendaê liêá tunu la huañihua tucu nú neli neca, 27 xne liêá udixiuleêa luhua ye lunú xa neca Stichiaê Diose, nu lecaxi utsacu arquia luhua. 28 Ubiêyahua liêihua, nu ubiêyahua bee bene enu nzeli arquiê Jesucristo, liêibeella enu uliquiê Espíritu Santo luhua para nú biêyahua liêibeella xi neca bene enu rriucu bee sanchi, xne Jesucristo udixiulanu cuna reneênu equie cuendaêahua chenu ungutinu lu cruse. 29 Liêá nediyaa nú chenu nziaêa, nzeêta stucu bene tiêchialetse bee nzeêe bee bene enu nzeli arquiê Jesucristo, tucu nú rtiêchialetse bee bichiuu bee sanchi. 30 Nu leêca letahua chiuêu bee bene enu zeteê puro bee eluquichiaê para nú riêibeei ana bee beneê Jesucristo, nu riêibeella caso stichiaê beei luhuare nú riêibeella caso Stichiaê Diose. 31 Enzeêe ucuaêatsiñahua ubiêyahua liêihua. Ulluêcuê arquiêhua nú diqui chuna lana, bichia si rulaê né tsana arquia unia luhua hasta unguna unia bezeteê luhua. 32 ‘Nee bee saêa enu nzeli arquiaêahua Jesucristo, ya Diose tsaêna liêihua cuna bedichiaê nzeêcaênu, nú rluêcu poder para nú riêi elietsa luhua nú nze chululáhua nú xa riala nú huañihua, nu liquiênu luhua ye nú uninu nú deteênu lubee bene enu neca bee beneênu. 33 Lecaxi unacua luhua niê dimi nu niê laquie. 34 Liêihua nediyaê nzeêcaêhua nú cuna yaa uriêá riñaê para nú udacunua bee bene enu uya nzenu liêá. 35 Ulubelá luhua nú scua rquiêña riêi bee bene riñaê para nú riêibeella elietsa lubee bene enu seca elitsi, ulluêcuê arquiêhua stichiaê Jesucristo enu rnibiyaê chenu uninu: “Máse ñia nzu arquiê bene enu lia rdeteê nú rdeteê luquela bene enu riucue." 36 Chenu ulaxu nú uni Pablo scua, chequie utsulliquilla nu unacuêlla lu Diose cuna liêibeella. 37 Che yebeella ungunaêbeella nu uchiêchi beella Pablo nu udacu beella bichiuê xecalla. 38 Nu chiquiê nehuana utsu arquiêbeella lunú uni Pablo lubeella nú la lañiaê beella liêilla. Nu chu uyayu beella liêilla hasta elu nzu barco.