Los Hechos 3

1 Tucu bichia uya Pedro cuna Juan ruêu Indu llene Jerusalén tucu rquiechuna uchee, neca hora zeêe chenu rnacuê bee bene lu Diose. 2 Ruêu puerta indu quieê, sucu tucu niyu enu lacalitse hasta nú ungulalla. Ye bichia ruyaê bee bene liêilla nu sucuê beella bene quieê ruêu puerta nú lee ñia rnaa para nú rnacuêlla caridá lubee bene enu riuêu liñi indu zeêe. 3 Chenu ulañiêlla nú nzechuêu Pedro cuna Juan liñi indu zeêe, unacuêlla caridá lubeella. 4 Chequie ubiêya beella lulla, nu uni Pedro lulla: âUbiêya luru. 5 Nu ubiêyalílla lubeella nu uriêilla elliebacuê nú deteê beella dimi yalla. 6 Pero uni Pedro lulla: âLa luêcua plata niê oro biquia lulu, pero lunú aca riêá enzeêe riêá lulu: lunú rnibiyaê Jesucristo bene eyeche Nazaret, nia lulu nú utsuli nu utseê. 7 Chequie unaêtse Pedro ya niyu zeêe chúbe nu utsuli Pedro liêilla, nu hora zeêe uyuêu Juerzaê bee cuchiuêlla nu utsutaêe. 8 Nu utetsalla utsulílla, nu uquixiella nú utsella, uyuêunulla liêibeella liñi indu zeêe. Sella nu rtetsalla unilla bee bedichiaê nzeêca lu Diose. 9 Ye bee bene enu ulañiê nú sella cuna nú rnilla bee bedichiaê nzeêca lu Diose, 10 chiquiê nzenu arquiêbeei nu ulliqui beei lunú ulleêca niyu zeêe, xne nuêlubeei liêilla nú necalla enu sucu rnacuê caridá ruêu indu zeêe, ruêu puerta nú lee Ãia rnaa. 11 La tsanaê niyu enu uyecaê zeêe Pedro cuna Juan, ye bee bene nzenu arquiê nu uyaxuêu beei elu nzu Pedro cuna Juan ruêu cordure elu lee Salomón. 12 Chenu ulañiê Pedro nucuaê, unilla lubee bene zeêe: âBee bene Israel, ¿xinu nzenu arquiêhua nú uyecaê niyuquieê?, nu ¿xinu riêyahua luru, xi neca nú liêiru necaru enu uriêi nú utse niyu quieê, lunú recaru, urre lunú nehuañi nzeêcaru lu Diose? Xne equie nú rnibiyaê Jesucristo uyecaê niyu quieê. 13 Dioseê bee beneêahua enu udetela Abraham, Isaac cuna Jacob, Diose quieê neca enu udeteê poder lu Lliêñinu Jesucristo, pero liêihua udeteê cuendahua Jesucristo lubee usticiaêhua. Nu chenu niarquiê Pilato nú laêalla liêinu liêihua né zelahua. 14 Pero luhuare nú anacuêhua nú laêa Lliêñi Diose enu la luêcu dula nu rriêi tucu nú neli neca, unacuêhua nú laêa tucu bene enu uriêi eluti. 15 Scua uriêihua nú unguti liêinu enu rliquiê nú nehuañi bee bene. Pero uriêi Diose nú uhuañi zecanu lu eluti, nu liêiru ulañiêru nú ungae scua. 16 Liêi niyu enu uyecaê quieê yehua nuêluhualla, nu equie nú rnibiyaê Jesuse uyecaêlla xne nzeli arquiêru liêinu. Nu equie nú nzeli arquiêru liêinu scua, enzeêe uyecaêliêlla tucu nú rlañiê yehua nee. 17 ‘Bee saêa, nediyaa nú liêihua cuna bee usticiaêhua chenu ungutihua Jesuse né riêihua beyaê xi uriêihua. 18 Pero uriêi Diose scua para nú yalu stichiaênu tucu nú uni ye bee profetaênu hasta huaêtu. Nú Cristo Lliêñi Diose nehuana zecanu. 19 Enzeêe nia luhua nú utsanaê arquiêhua stulahua nu ubenchilaê zeca arquiêhua lu Diose para nú chila Diose stulahua. Che liquiênu nú ñia tsu arquiêhua. 20 Nu xeêla zeca Diose Jesucristo enu ucañinu hasta huaêtu luhua. 21 Pero rquiêña nú nzucuscaê Jesucristo liñibe hasta nú tsucheê Diose yeene tucu nú uni bee profetaênu hasta huaêtu. Liêibeella enu ucañinu. 22 Nu uni Moisés lubee beneêahua enu udetela: “Tucu nú uxeêla Diose Pa liñibe liêá luhua leêca scua xeêlanu stucu bene enu ni bee stichiaênu luhua, nu chiuêu bene quieê letahua. Uzuêcuêhua ye nú ni bene quieê luhua, 23 xne tatse bee bene enu la zucuê nú ni bene quieê la nebacuaêlla leta bee beneê Diose, nu nitilulla che." 24 ‘Ye bee profeta enu udixiuleêe Stichiaê Diose desde tuxie Samuel cuna beelá bee profeta enu ubeêta enza luquiela, udixiuleêe beella lunú reca bee bichia quieê. 25 Nu liêihua necahua lliêñi bee profeta quieê. Luhua zibiê Stichiaê Diose nú unibeella, nu leêca yucuhua nú ucuaqui uêna Diose lubee beneêahua enu udetela chenu uni Diose lu Abraham: “Equie cuendaê bee beneêlu aca leêya ye bee bene lu iliulabe." 26 Nu chenu uriêi Diose nú uhuañi zeca Lliêñinu Jesucristo lu eluti, rlutilá luhua uxeêlanu Lliêñinu para nú riêileêyanu liêihua para nú cada tucuahua tsanaê arquiêhua stulahua.