Colosenses 4
TBL1 Leêca esquie liêihua bee patrón, uriêihua tucu nú rialane lubee bene enu rriêi riñaê luhua nu uriêi nzeêcahua lubeei xne liêihua nediyaêhua nú liñibe nzucu liêinu enu rnibiyaê luhua. 2 Utsutsiñahua naêcuêhua lu Diose sin nú llacaêhua, nu udeêteêhua cheêtsa lunu. 3 Leêca unaêcuhua lu Diose equie cuendaêru para nú xaêlanu inziu nú nzetixiuleêeru stichiaê Jesucristo nú lascaê chulu bee bene hasta huaêtu. Nu equie cuendaê bedichiaê cuaê nchiñia niêcuê. 4 Leêca unaêcuhua lu Diose para nú ixiuleêe nzeêcaa bee bedichiaê cuaê lubee bene tucu nú riala nú ixiuleêene. 5 Uhuañihua tucu nú riala nú huañihua lubee bene enu lascaê chili arquiê Jesucristo, nu uniêhua lubeei stichiaênu chenu nuê modoe. 6 Chenu rdichiaêhua, uniêhua lubee bene bee bedichiaê nú nuyaê resuna para nú yuê arquiêbeei lunú rnihua para nú chenu nedichiaê bee bene luhua acahua cuaquihua lubeei. 7 TÃquico, enu neca tucu bee saêahua enu chiquiê seêcaêahua, liêilla enu neli rriêi elietsa lua lunú sibiêru lu Jesucristo, liêilla ixiuleêella luhua lu ye nú xa nzucuêa caêa. 8 Xne para enzeêe xeêlaalla luhua para nú ixiuleêella luhua nú xa nelluaêaru caêa, nu para nú duêlla ana arquiêhua. 9 Nu cuna liêilla xeêla Onésimo, tucu saêhua enu seêcaêahua nu nehuañilla tucu nú rialane nu necalla bene lachihua. Liêibeella ixiuleêebeella luhua lu ye beenú reca caêa. 10 Aristarco, enu nchiñinua niêcuê xeêla saludo luhua. Leêca esquie Marco bichi eêne Bernabé xeêla saludo luhua, nu udixiuleêelá luhua nú ti neca Marco tunu nzeêtabiêyalla liêihua, uyucuhua liêilla tucu nú rialane. 11 Nu leêca esquie Jesús enu leêca lee Justo, xeêla saludo luhua. Leta ye bee bene Israel enu nzeli arquiê Jesucristo, liêitsia beella neca beella enu rriêi elietsa lua para nú rixiuleêeru xa neca nú rnibiyaê Diose, nu liêibeella neca beella enu rduê ana arquia. 12 Leêca Epafras bene lachihua xeêla saludo luhua. Liêilla sibiêlla lu Jesucristo, yee bichia rnacuêlla lu Diose equie cuendaêhua para nú tsutaê arquiêhua lunú nzequiehua inziuê Diose nu riêihua beyaê yeene tucu nú niarquiê Diose. 13 Liêá nediya nzeêca nú chiquiê nzenu arquiê Epafras lu cuendaêhua, cuna lu cuendaê bee bene Laodicea, cuna lu cuendaê bee bene Hierápolis. 14 Lucas enu neca doctor enu chiquiê seêcaêahua cuna Demas, xeêla beella saludo luhua. 15 Uriêihua saludar bee saêahua enu nzeli arquiê Jesucristo enu nucuaêa eyeche Laodicea, nu leêca uriêihua saludar Ninfas cuna ye bee beneê Jesucristo enu rieteê saê niêlla. 16 Chenu laxu nú ulahua carta quieê, che xeêlahuane lubee bene eyeche Laodicea enu nzeli arquiê Jesucristo para nú leêca ula beella lue. Nu leêca carta nú uxeêla lubeella rquiêña nú xeêla beellae luhua para nú leêca ulahuane. 17 Nu uniêhua lu Arquipo nú tsalulla lunú ucañi Jesucristo liêilla nú riêilla. 18 Liêá Pablo, nu leêca liêá rquieêa letra quieê para nú xeêla saludo luhua. Ulluêcuê arquiêhua nú nchiñia niêcuê. Diose riêi nú cha nzeêca lu cuendaê yeehua. Amén.