Hebreos 4

1 Enzeêe, tucu nú ucuaqui uênala Diose luaêahua nú liquiênu luaêahua yuu elu tsulachiaêahua, rquiêña nú biêyahua, xne lequie nú mase nú unilanu scua luaêahua canu nuê ta tucuêahua la riêi ana riña zeêe. 2 Xne liêiru ubeneêlaêru bee bedichiaê nzeêcaê Diose tucu nú ubeneêlaê beella, pero liêibeella lia xleêe ubeneê beella bedichiaê nzeêcaê Diose, xne lá chili arquiê beellae. 3 Pero liaêahua enu nzelíla arquiaêahua Stichiaê Diose, rluêculaêahua elu tsulachiaêahua, pero bee bene enu la chili arquiê liêinu, uninu lubeella: Equie nú uriêi beella nú ulea enzeêe uriêilá elliebacuê, nú la zela riña beella luguare elu tsulachi beella. Nu hasta chenu urecheê Diose iliulabe che ulaêxunu uriêinu riñaênu. 4 Tucu nú rni tucu luhuare lu ichiê Stichiaê Diose, equie cuendaê bichia nú sulachi bee bene: Nu chenu ulaxu urecheê Diose iliulabe che bichia achi utsulachinu. 5 Nu leêca uninu: Leca xunga chuêu bichia nú riñahua elu tsulachihua. 6 Bee bene enu rlutilá ubeneê Stichiaê Diose, lá luêcu beella elu tsulachi beella, xne lá zucuê beella Stichiaê Diose, pero nuêscaê bee bene enu rriêi falta nú luêcu elu tsulachi. 7 Enzeêe chenu udete huaxi lana, che uliquiaêla Diose stucu bichia nu bichia zeêe neca nee. Nu scua tucu nú uniêlaêahua. Nú arre David unilla tucu parte lu ichiê Stichiaê Diose: Tunu yeneêhua Stichiaê Diose nee bichia quieê, uriêi casuhua stichiaênu. 8 Xne tunu equie cuendaê Josué uluêcu bee bene Israel elu tsulachi beella, lá aniaê Diose equie cuendaê stucu bichia che. 9 Enzeêe hasta nee bichia quieê nuêscaê luhuare elu tsulachi bee beneê Diose. 10 Xne bee bene enu udeteêla Diose nú tsulachi, tsulachi beella equie cuendaê riñaê nú rriêi beella, tucu nú utsulachi Diose chenu ulaxu urecheênu iliulabe. 11 Enzeêe rquiêña nú duaêahua ana arquiêsaêahua para nú luêcuaêahua elu tsulachiaêahua, para nú lecati riêi tucu nú uriêi bee bene enu lá chili arquiê Stichiaê Diose. 12 Xne Stichiaê Diose nehuañine nu rluêcune poder. Máse ratseêe arquiê bee bene luquela nú ratseê tucu espada nú nechiuêu rucu ruêu, nu ratseêe hasta arquiê bee bene cuna Espírituê bene nu hasta aquié liñi artaê bene, nu equie cuendaê Stichiaê Diose rriêi bene beyaê tanú neca nzeêca nu tanú la neca nzeêca rriêilla. 13 Ye nú urecheê Diose la aêchiê necane ante lunu, xne ye nú riêyanu, nu lu liêinu deteêahua cuenda lu ye lunú uriaêahua. 14 Enzeêe lunú rluêculaêahua tucu uleêya enu máse rnibiyaê, nu liêinu necanu Jesucristo lliêñi Diose enu nzucu liñibe, rquiêña nú nzutaê arquiaêahua lunú nzeli arquiaêahua liêinu. 15 Xne Jesucristo enu neca uleêya enu máse neca equie luaêahua, liêinu recanu rriêinu elietsa luaêahua para nú la riêi dula ana luaêahua. Xne leêca liêinu chiquiê huaxi nú nehuana ulleêcanu iguale tucu nú nehuana seêcaêahua, pero liêinu leca xunga uriêinu dula. 16 Enzeêe, la chenu arquiaêahua nuê modo chebicaêahua nacuaêahua lu Diose enu seca liaêahua, para nú huaêa arquiênu liaêahua. Nu equie nú secanu liaêahua, liêinu riêinu elietsa luaêahua, hora nú niarquiaêahua nú ti riêi elietsa luaêahua.