San Lucas 5
TBL1 Tucu bese chenu nzu Jesuse ruêu inzatuê Genesaret, uriña huaxi bee bene lunu xne niarquiê beei nú yeneê beei Stichiaê Diose nu hasta nú utaêcu beei Jesuse. 2 Nu ulañiê Jesuse chiucu barco ruêu inzatuê zeêe. Nu nelata liñii xne bee bene enu rucu bela ulacala beei equiee xne rquie beei ixiu nú rucu beei bela. 3 Che uyuêu Jesuse liñi tucu bee barco zeêe, neca tucu barco zeêe barcoê Simón, nu unacuênu lu Simón nú laca quieella barco zeêe lleêna enza lu inzatuê zeêe. Nu uzucunu liñi barco zeêe nu uquiexienu seteênu bee bene. 4 Chenu ulaxu nú uninu lubee bene zeêe, uninu lu Simón: âUyaê barco quieê elu mase aquié lu inzatuê quieê, nu duêhua ixiu lu inza para nú ucuhua bee bela. 5 Nu ucuaqui Simón lu Jesuse: âMaestro, diquillu rulaê quieê rucuêru bela nu niê tucuà lá riêiru ana alluna, pero tunu rnilu nú duêuru ixiu nú rucuêru bela lu inza scua riêá che. 6 Chenu uduê beella ixiu nú rucu beella bela lu inza, uducu beella huaxi bee bela hasta nú uquixie nú saa ixiu zeêe. 7 Chequie uriêi beella seña lu saê beella enu nucuaêa liñi stucu barco, para nú riêi bee nzeêe elietsa lubeella. Che uya beella nu urichee beella rucu barco zeêe bee bela hasta nú lleênatsia achatseê bee barco zeêe lu inza. 8 Chenu ulañiê Simón Pedro nú unga scua utsu lliquilla lu Jesuse nu unilla lunu: â¡La yala nú tsua lulu Jesuse, xne necaa bene enu rluêcu dula! 9 Unilla scua xne chiquiê uyanu arquiêlla cuna beelá bee saêlla nú huaxi bee bela uducu beella. 10 Leêca uyanu arquiê Jacobo cuna Juan, enu neca bee llianaê Zebedeo, nu neca beella mbañeruê Simón. Pero uni Jesuse lu Simón: âLa lliquilu xne hasta nee quixiélu nú nilu lubee bene para nú aca beei bee benea luhuare nú ruculu bela. 11 Che uhua beella barcoê beella ruêu inzatuê zeêe, nu utsaêna beella ye bee nucuaê zeêe nu chu nzenu beella Jesuse. 12 Tucu bichia nzu Jesuse tucu eyeche, nu uriña tucu bene enu seca elichia nú lee lepra lunu, chenu ulañiêlla liêinu, utsu lliquilla lunu hasta nú utiêlla tequieella lu yuu, nu uziquieella lunu nú unilla: âDetá, Jesuse tunu laca arquiêlu nuê beyaê nú riêiyecalu liêá. 13 Che uricuê Jesuse yanu equie niyu zeêe, nu uninu: âNiarquia nú yecaêlu. ¡Uyecaê nee! Hora zeêe uyecaê niyu zeêe. 14 Nu uni Jesuse lulla: âLa ixiuleêelu lu niêtucu bee bene nú xa uyecaêlu, lu uleêyatsia uquia tixiuleêe nú uyecaêlaêlu. Che deteêlu tucu uêna lu Diose tucu nú rnibiyaê leyê Moisés, para nú riêi ye bee bene beyaê nú uyecaêlaêlu. 15 Pero cada bichia masela uriêchia bee bedichiaê lunú rriêi Jesuse, nu rieteê saê huaxi bee bene para nú rieneê beei lunú rninu cuna nú rriêiyecanu liêibeei lubee elichia nú seca beei. 16 Nu nza Jesuse bee luhuare elu lecalà ti nuê para nú rnacuênu lu Diose. 17 Tucu bichia chenu seteê Jesuse bee bene, zeêe nucuaêa chiucu chuna bee fariseo cuna bee ulaxcuela enu reca leyê Moisés nzeêta beella diqui lu iliu Galilea, cuna lu iliu Judea cuna lu eyeche Jerusalén. Ulubeê Jesuse lubeella nú rlucuênu poderê Diose, nu rriyecanu bee bene enu riti. 18 Che uriñayuu chiucu chuna bee bene tucu niyu enu neati beêlaê nchiucuê lu camilla, niarquiê beei nú chuêunuu beei niyu quieê liñi niêi hasta lu Jesuse. 19 Pero leca modo chuênuu beei niyu quieê liñi niêi zeêe xne nucuaêa huaxi bee bene zeêe. Che uquie beei equie niêi zeêe nu uxaêla beei equiee, nu ulaca beei niyu enu riti zeêe labe bee bene elu nzu Jesuse. 20 Chenu ulañiê Jesuse nú nzeli arquiêbeei liêinu, uninu lu bene enu riti zeêe: âLlianaêa uriêá perdona stulalu nee. 21 Che bee ulaxcuela enu reca leyê Moisés cuna bee fariseo uquixie beella uriêi beella elliebacuê nú uni beella: “¿Ti neca nucuaê nú rni nucuaê nú neca nucuaê Diose? Xne tucutsia Diose reca rriêi perdona stula bee bene." 22 Pero uriêi Jesuse beyaê lunú xa rriêi beella elliebacuê nu uninu lubeella: â¿Xinu rriêihua elliebacuê scua? 23 ¿Ta nú mase neriñaê nú aca: “Nú nia lu niyu quieê uriêá perdona stulalu”, urre nia lulla: “Uzetee nu utseê”? 24 Pero nee lubea luhua nú liêá Bene enu uxeêla Diose rluêcua nú rnibiyaêa lu iliulabe para nú riêá perdona stula bee bene. Che uni Jesuse lu niyu enu riti zeêe: âNia lulu nú uzetee unaêtse camiyaêlu nu uquiaêa niêlu. 25 Hora zeêe utsuli niyu zeêe lu ye bee bene nu chu unaêtsella camilla nú uriculla lu, nu chu nzialla enza niêlla nu chiquiê udeteêlla cheêtsa lu Diose. 26 Ye bee bene enu nucuaêa zeêe chiquiê uyanu arquiêbeei nú unibeei bedichiaê nzeêca lu Diose, nu chiquiê ulliqui beei nú unibeei: âBichia quieê ulañiaêahua tucu milagro nú lascaê lañiaêahua. 27 Lulá bee nucuaê uchiuêu Jesuse eyeche zeêe, nu ulañiênu tucu bene enu rriêi cubre bee impuesto leella LevÃ. Nzuculla elu rixiu bee bene bee impuesto. Nu uninu lulla: âUtequie liêá. 28 Nu chu utsuli LevÃ, nu utsaênalla ye bee steneêlla nu nzequieella Jesuse. 29 Chequie uriêi Levà tucu eliñi llene niêlla para Jesuse, nu nucuaêa huaxi bee bene enu rriêi cubre bee impuesto cuna huaxilá bee bene, enu nucuaêanu beella lu mexa. 30 Pero bee fariseo cuna bee ulaxcuela enu reca leyê Moisés, uquixie beella nú seêta beella bee beneê Jesuse, nu uni beella: â¿Xinu racunuhua nu rueênuhua bee bene enu rriêi cubre bee impuesto cuna bee bene enu rluêcu dula? 31 Nu ucuaqui Jesuse lubeella: âBee bene enu la aca riti la quiêña bee nzeêe doctor, pero bee bene enu riti rquiêña bee nzeêe doctor. 32 Lá yela lubee bene nzeêca, pero uriña lubee bene enu rluêcu dula, para nú cheêe arquiêbeei lu cuendaê stula beei. 33 Che uni beella lu Jesuse: âBee beneê Juan Bautista cuna bee fariseo huaxi bese lá acu beella, equie nú rluêcu beella ulaêna lu Diose nu leêca chiquiê rnacuê beella lu Diose. ¿Xiquie nú racutsia bee beneêlu nu rueêtsia beella? 34 Nu ucuaqui Jesuse lubeella: â¿Xieê nuê modo nú nihua lubee bene enu nezeneê lu tucu tsaêa chia, nu la acu beei chenu nucuaêa beei cuna niyu enu xia la? 35 Pero riña bichia chenu la nzuaê bene enu xia zeêe cuna bee bene, che si deteê beella bichia nú la acu beella, equie nú rluêcu beella ulaêna lu Diose. 36 Leêca uninu lubeella: âLecati chiecuê te pedazo laquie cuqui para nú quielaêlla lu tucu laquie uxu. Xne tunu riêi bee bene scua, riêi laquie cuqui nú mase tsaa laquie uxu, leêca la yaêna nzeêca laquie cuqui lu laquie uxu. 37 Leêca la chuêu biñu cuqui liñi iti uxu, xne riêi biñu cuqui nú tsaa iti uxu, che nitilu biñu cuaê cuna iti. 38 Enzeêe rquiêña nú chuêu biñu cuqui liñi iti cuqui para nú la nitilu rucune. 39 Nu niê tucu bene enu rueê biñu uxu la yuê arquiê biñu cuqui, xne rnibeei: “Máse neca nzeêca biñu uxu."