San Mateo 10
TBL1 Chequie ubixia Jesuse chiêchiucu bee beneênu, nu udeteênu poder lubeella para nú hua beella bee benechiquiê arquiê bee bene nu riyeca beella bee bene enu rcuu catse cuerpoê, cuna ye clasiaê elichia nú seca beei. 2 Bee benequieê neca lu chiêchiucu apóstolê Jesuse: Rluti, Simón enu leêca lee Pedro, nu bichilla Andrés; nu Jacobo cuna Juan, rucu benequieê neca llianaê Zebedeo. 3 Nu leêca ucañinu Felipe, Bartolomé, Tomás cuna Mateo enu uriêi cubre bee impuesto; Jacobo llianaê bene enu lee Alfeo; nu Lebeo enu leêca lee Tadeo. 4 Nu cuna Simón enu ullutse leta tucu partido nú lee cananista; nu Judas Iscariote enu udeteê cuenda Jesuse lubee bene nú ungutinu. 5 Ante nú xeêla Jesuse chiêchiucu bee apóstolênu lubee bene uninu lubeella: âLa chuehua elu nucuaêa bee bene enu la neca bee bene Israel niê lubee eyeche lu iliu Samaria; 6 sino que uquiahua lubee bene Israel enu la chenala inziuê Diose. 7 Uquiatixiuleêehua lubeella nú nzeêta riñala bichia nú nibiyaê Diose. 8 Riyecahua bee bene enu riti, nu riêihua nú huañi zeca bee bene enu unguti, riyecahua bee bene enu seca elichia nú lee lepra, huahua bee benechiquiê arquiê bee bene. Tucu nú lia uliquia poder cuaê luhua, leêca chenu riyecahua bee bene la riêihua cobre. 9 ‘La uyaêhua cobre niê oro niê plata. 10 Uyaêhua biti, nu la uyaêhua xucuhua nú cheêehua, nu la uyaêhua steinza lucuhua, nula uyaêhua xcahua, xne bee bene enu rriêi riñaê riala nú atiêlla nú aculla. 11 ‘Chenu riñahua tucu eyeche llene urre tucu eyeche llaêna, zeêe cuaênahua niêi tucu bene nzeêca yaênahua nu uyaênahua zeêe hasta nú chiuêuhua eyeche zeêe. 12 Nu chenu chuêuhua liñi niêi bene zeêe, uniêhua Diose lubee bene enu nucuaêa zeêe. 13 Tunu bee bene liñi niêi zeêe riala nú nzuxe arquiêbeella, riaêna nú nzuxe cuaê arquiêbeella, pero tunu lacane para liêibeella, benchilaêe cuna liêihua che. 14 Nu tunu la yucu arquiê bee bene liêihua tucu eyeche urre tucu niêi, uchiuêuhua eyeche zeêe urre niêi zeêe, nu riêquihua yuubeêchaê nú nuê cuchiuêhua, xi neca tucu seña nulá zela beella ayeneê beella bedichiaê nú unihua. 15 Xne liêá nia luhua nu chenu hualu Diose lu cuendaê yebee bene, masescaêla zeca bee bene eyeche cuaê castiya luquela bee bene eyeche Sodoma cuna Gomorra. 16 Leêca uni Jesuse lubee beneênu: â¡Biêyacuruhua! Liêá xeêla liêihua lubee bene xi neca chenu nza bee sanchi leta bee bichiuu. Enzeêe aca netsiñahua xi netsiña bee beêla nu aca lleêna arquiêhua xi neca bee paloma. 17 Ubiêyahua liêihua xne deteê cuenda bee bene liêihua lubee usticia nu zeteêcheê beei liêihua liñi bee indu. 18 Nu hasta uyaê beei liêihua lubee gobernador nu lubee arre equie nú nzeli arquiêhua liêá, pero scua nuê modo ixiuleêehua stichiaêa lubeei, nu lubee bene enu la neca bee bene Israel. 19 Nu chenu deteê cuenda bee bene liêihua lubee usticia, la chenu arquiêhua xi nihua urre xa nihua lubeella; xne hora nú nihua Diose liquiê bee bedichiaê nú riala nihua. 20 Xne laca liêihua enu ni. EspÃritu Santoê Diose Pa liñibe neca enu liquiê bedichiaê nú nihua. 21 ‘Enta bichia nú deteê cuenda bee bene bee bichilla nú ati bee nzeêe, nu leêca deteê cuenda bee paa bee enduêlla para nú ati beei. Nu leêca enta bichia nú riêi condra bee enduê bee uzanaê beei nu hasta nú deteê cuenda beei liêibeella nú ati beella. 22 Nu chana arquiê ye bee bene liêihua equie nú necahua bee benea. Pero bee bene enu tsutaê arquiê lunú nzeli arquiê liêá diqui tiembu nú nehuañilla, tsilaêa Diose bee nzeêe. 23 Chenu riêi bee bene nú nehuana zecahua lu tucu eyeche equie nú necahua bee benea, uquiahua stucu eyeche, xne liêá nia luhua nu lascaê laxu chuehua lu yebee eyeche Israel chenu riña liêá Bene enu uxeêla Diose. 24 ‘Niê tucu bene enu seteê la neca equielálla lu bene enu seteê liêilla, nu leêca niê tucu mosoê la neca equielá lu patronêi. 25 Bene enu seteê rquiêña nú aca conformella nú recalla tucu nú reca ulaxcuelaêlla, nu tucu mosoê rquiêña nú aca conformei nú necai tucu nú neca patronêi. Nu liêá enu rnibiyaêa luhua rni bee bene nú necaa bezeêlu, ¿enzaláquieê liêihua nú necahua bee benea ti ni bee bene nú necahua? 26 ‘Enzeêe la lliquihua bee bene. Xne niê tucu beenú aêchiê neca la yaênane scuatsia sin nú acabiyae, riña bichia nu acache bee nucuaê, leêca niê tucu beenú aêchi neca rriêi bee bene la yaênane scuatsia, riña bichia nú acabiya yebee nucuaê. 27 Lunú aêchiêtsia rnia luhua, uniêhuane lu yebee bene nu lunú rnia aêchi diacahua. Juerte uniêhuane. 28 La lliquihua bee bene enu niarquiê uti liêihua. Pero leca modo utilla espÃrituêhua. Mejora ulliquihua Diose, xne liêinu rluêcunu poder nú nitilunu espÃrituêhua cuna cuerpoêhua ebila. 29 ‘¿La huaxi seca bee iñi? Pero niê tucu beeà la zanaê beeà lu yuu tunu la zela Paêahua enu nzucu liñibe nú acane scua. 30 Nu liêihua hasta yebee ichia equiehua nebacuê Diose. 31 Enzeêe la lliquihua. Xne mase secahua luquela nú seca huaxi bee iñi. 32 ‘Titse bee bene enu ni nú neca benea lu beelá bee bene, leêca esquie liêá nia nú neca beella bee benea ante lu Diose Pa liñibe. 33 Pero bee bene enu ni nú laca bee benea lu beelá bee bene, leêca esquie liêá nia nú laca beella bee benea ante lu Diose Pa liñibe. 34 ‘La riêihua elliebacuê nú tia uriña lu iliulabe para nú riêá nú aca tucunecatse bee bene lu saêbeei, sino equie nú chili arquiê bee bene liêá liunu saêbeei. 35 Bee pa liunu cuna bee enduêlla, nu bee naa liunu cuna bee xinchiuêcu nu bee llixi liunu suegraê. 36 Nu bee bene liñi tucu niêi leêcatsia liêibeella chana arquiê saê beella. 37 ‘Bene enu seca paê nu naê masescaêlá luquela liêá, leca modo aca nzeêe benea, leêca esquie enu mase seca enduê urre xinchiuêcu luquela liêá, leêca leca modo aca nzeêe benea. 38 Bee bene enu niarquiê yeêta quie liêá pero la niarquiê nú nehuana zeca equie cuendaê liêá, leca modo aca bee nzeêe bee benea. 39 Bene enu maselá seca elunehuañi nú rluêculla lu iliulabe quieê enta bichia nú laxu nucuaê; pero bene enu ati equie cuendaê liêá, luêculla elunehuañi lu Diose. 40 ‘Bee bene enu riêi caso liêihua, rriêi caso bee nzeêe liêá; nu bee bene enu rriêi caso liêá leêca rriêi caso bee nzeêe Pa liñibe enu uxeêla liêá. 41 Leêca bee bene enu rriêi caso tucu profeta equie nú neca profeta quieê enu uxeêla Diose, leêca atiêlla premio nú atiê profeta lu Diose. Nu bene enu riêi caso tucu bene enu rriêi nzeêca, leêca iguale atiêlla premio nú atiê bene enu rriêi nzeêca lu Diose. 42 Nu titse bee bene enu liquiê masia tucu basu inza luhua lunú necahua bee benea, liêá nia luhua nú deteê Diose premio lubee bene zeêe.