San Mateo 25

1 ‘Leêca uni Jesuse stucu ejemplu lubee beneênu: Para nú chuêu bene liñibe elurnibiyaê Diose, huaxi bee bene zeca tucu nú ulleêca chiêi bee unaêa eêneê enu nuyaê quinqué nzetsuquiee novio. 2 Ayuê beenchu lá riêi elliebacuê xi rquiêña nu sayuê beenchu uriêi elliebacuê xi quiêñia. 3 Bee enu lá riêi elliebacuê xi quiêña, unguyaêtsia beenchu quinquéê beenchu pero né uyaêlá beenchu aceite para nú chuêulá liñi quinquéê beenchu, 4 pero sayuê bee enu uriêi elliebacuê nú xi quiêña, unguyaê beenchu quinquéê beenchu nu leêca unguyaêlá beenchu aceite para nú chuêulá liñi quinquéê beenchu. 5 Nu lunú rleêe nú riña novio, unaêtse calaê ye beenchu, nu udaêtse beenchu. 6 Nu che tucu ulelaê rulaê, ubene tucu chi nú juerte uni: “¡Nzeêtala novio; uquia chaêcaluhualla!" 7 Che uzetee ye bee unaêa zeêe, nu uquixie beenchu nú utsucheê beenchu quinquéê beenchu. 8 Nu sayuê beenchu enu lá auyaê aceite uni beenchu lu sayuê saêbeenchu enu nuyaê tsiña aceiteê: “Alaê chiuêu arquiêhua uliêquihua lleêna aceiteêhua chuêu liñi quinquéêru, xne enta yalala quinquéêru." 9 Pero bee enu nuyaê tsiña aceite ucuaqui: “La chiuêu arquiêru liquiêrune, xne tunu liquiêrune la riquiêi niê para liêiru nu niê para liêihua. Nzala nú uquiahua elu riquii nu zeêe tsihuane tsiêhua aceiteêhua elu riquii." 10 Pero diquila nú nze tsi beenchu aceiteê beenchu, uriña novio. Che uyuêutsia ayuê beenchu enu nucuaêa tsiña lu eluchia, cuna novio, nu chu uyacuê ruêu puerta. 11 Luzeêelá uriña sayuê bee unaêa zeêe, nu uni beenchu: “¡Detá, detá, alaê uxaêla ruêu puerta chuêuru!" 12 Pero ucuaquilla lubeenchu: “Nia luhua nú la xaêlane xne la chuluahua." 13 Chequie uni Jesuse lubee bene zeêe: âUcuaêa tsiñahua, xne la riêihua beyaê xi bichia nu xi hora riña zeca Liêá Bene enu uxeêla Diose. 14 ‘Leêca uni Jesuse stucu ejemplu lubee beneênu: Elurnibiyaê Diose neca xi neca nú uriêi tucu bene enu nza istu, pero ante nú challa ubixiaxulla bee mosoêlla para nú tsaênalla dimiêlla lubeei. 15 ‘Lu tucu mosoê zeêe udeteêlla ayuê mili, nulu stucui udeteêlla chiucu mili, nulu stucui udeteêlla tucu mili. Scua udeteêlla yabeei tucu nú aca cada tucua beei riêinu beei berexe. Cheelá nzalla istu. 16 Mosoê enu uyucu ayuê mili bexu, uriêinui dimi cuaê berexe nu uriêi ana se sayuê mili bexu mase. 17 Leêca scua uriêi mosoê enu uyucu chiucu mili, uriêi berexe cuna dimi cuaê, nu uriêi ana se xiucu mili mase. 18 Pero mosoê enu uyucu tucu mili, uducheê aêchiêi dimiê patron zeêe liñi tucu iêchiu nú udaêñii lu yuu. 19 ‘Chequie xee tiembu uya patrónê bee mosoê cuaê, che ubenchilaê zecalla nu uquixiella unacuêlla cuentaê dimiêlla. 20 Nu rlutila uya mosoê enu uyucu ayuê mili lulla, nu udeteê cuendai ayuê mili bexuêlla nu cuna se sayuê mili bexu lliêñine, che uni mosoê zeêe lu patronêi: “Detá, liêilu uliquiêlu ayuê mili bexu ya nu nguie se sayuê mili bexu lliêñine nú uriêá ana dete cuenda yaalu." 21 Che uni patronêi lui: “Neca nzeêca nú uriêilu, necalu tucu bene nzeêca. Nu uriêilu tucu nú necane, nu lunú uriêilu tucu nú necane lu lleêna nú uliquia lulu, nee tsaênalá huaxilá nú tsaêna lulu. Uyuêu nu ñia utsu arquiê cuna liêá." 22 Chela uriña mosoê enu uyucu chiucu mili bexu, nu uni lulla: “Detá, uliquiêlu chiucu mili bexu ya, nu nguie se xiucu mili bexu lliêñine nú uriêá ana dete cuenda yalu." 23 Che uni patronêi lui: “Neca nzeêca nú uriêilu, necalu tucu bene nzeêca. Nu uriêilu tucu nú necane nu lunú uriêilu tucu nú necane lu lleêna nú uliquia lulu, nee tsaênalá huaxilá nú tsaêna lulu. Uyuêu nu ñia utsu arquiê cuna liêá." 24 Pero chenu uriña mosoê enu uyucu tucu mili bexu, uni lu patronêi: “Detá, liêá nediyaa nú la luêcu arquiêlu bee bene, nu riuculu ulaêcu elu lá riêilu riñaê nu rriêilu ulaêcu elu lá duêlu nii. 25 Enzeêe ulliquia, nu uyaêa uducheê aêchiaêa dimiêlu luyuu. Pero nguie dimiêlu dete cuenda nee." 26 Che uni patronêi lui: “Necalu tucu mosoê enu necha rriêi nu nebichiu. Tunu nediyaêlu nú riucuaêa ulaêcu nú lá riêá riñaêlu nu rriêá ulaêcu elu lá duêa nii, 27 ¿xiquie nú né duêlu dimia banco? Nu chenu benchilaêa ayucuaêa dimia cuna lliêñine." 28 Che uni patron zeêe lubee bene enu nucuaêa zeêe: “Uxihua tucu mili bexu cuaê ya benecuaê, nu udeêteêhuane ya bene enu nzenela chiêi mili bexu. 29 Xne bene enu rluêculane atiêlaê nzeêe huaxiláe, nu hasta nú luêcu sobrallae, pero bene enu lleênatsia nú rluêcu, hasta lu lleêna nú rluêculla yetsu yalla. 30 Nu mosoê enu la zibiê quieê, uluahuai eliêyaê elu necabe nzu, nu zeêe unaêi nu acuxaê layai." 31 ‘Chenu nzeêta zeca Bene enu uxeêla Diose nzeêtanu cuna poder nú rluêcunu, nu cuna ye bee ángeleênu para nú zucunu lu xleta elu nibiyaênu. 32 Nu ye bee bene iliulabe yeteêsaê lunu, nu huachunu beella letasaê beella, xi rriêi bene enu rriucu bee sanchi nú rluachulla sanchi leta bee chipa. 33 Nu bee bene enu neca bee beneênu cuaêanu bee nzeêe chubeênu nu bee bene enu laca bee beneênu cuaêanu bee nzeêe chubecaênu. 34 Che liêinu enu neca arre ninu lubee bene enu nucuaêa chubeênu: “Utehua yehua bee enu uriêi leêyala Pa liñibe. Nu uyuêuhua liñibe elu rnibiyaênu elu utsucheêlanu para liêihua desde chenu uquixie iliulabe. 35 Xne chenu uliaênaa uliquiêhua nú udacua, nu chenu ubichia uliquiêhua nú ungüaêa, nu chenu unzea xi enze bene rene, uliquiêhua elu uyaênaa. 36 Nu chenu lecaê xucua uliquiêhua xucua, nu chenu unga ritia ubeêta biêyahua liêá, nu chenu ullutsea niêcuê ubeêta biêyahua liêá." 37 Che ni bee bene enu uriêi nzeêca zeêe: “Detá, ¿xunga ulañiêru nú uliaênaêlu nu uliquiêru nú udaculu? Nu ¿xunga ulañiêru nú ubichiêlu nu uliquiru nú ungüeêlu? 38 Nu ¿xunga ulañiêru nú unzelu xi unzee bene rene, nu uliquiêru elu uyaênalu? nu ¿xunga ulañiêru nú lecaê xuculu, nu uliquiêru xuculu? 39 ¿Nu xunga ulañiêru nú ritilu nu ubela biêyaru liêilu?, nu ¿xunga ulañiêru nú netselu niêcuê nu ubela biêyaru liêilu?" 40 Nu liêinu enu neca arre, cuaquinu nú ninu: “Liêá nia luhua nú ye nú uriêihua elietsa lu tucu bee benea mase nú lecati neca nzeêe, neca xi neca nú lua uriêihua elietsa." 41 ‘Che ninu lubee bene enu nucuaêa chubeca: “Ullunaêhua lua, liêihua enu necha uriêi, uquiahua lu quii nú leca xunga yala elu neca para bezeêlu cuna bee ángeleêi. 42 Xne chenu uliaênaa, né liquiêhua nú acua, nu chenu ubichia, né liquiêhua xi ahuaêa; 43 nu chenu unzea xi enzee tucu bene rene né liquiêhua elu ayaênaa, nu chenu lecaê xucua né liquiêhua xucua nu chenu ungaritia, nu leêca ullutsea niêcuê né yeêta biêyahua liêá." 44 Chequie ni bee bene zeêe lunu: “Detá, ¿xunga ulañiêru nú uliaênaêlu nu ubichiêlu, nu uya nzeelu xi enzee tucu bene rene, urre xunga ulañiêru nú uzecalaêchaêlu xuculu, urre ungaritilu, urre xunga ulañiêru nú ullutselu niêcuê, nu ne riêiru elietsa lulu?" 45 Che cuaquinu lubee bene zeêe: “Liêá nia luhua, luye nú né riêihua para nú ariêihua elietsa lubee benea mase nú lecati neca nzeêe, leêca neca xi neca nú lua né riêihua elietsa." 46 Nu bee bene quieê chaa lu castiya nú leca xunga laxu, nu bee bene enu uriêi nzeêca luêcu elu nehuañi nú leca xunga laxu liñibe.