San Marcos 1

1 Singuie uquixie bedichiaê nzeêcaê Jesucristo, Lliêñi Diose. 2 Huaêtu uhuañi tucu profeta enu lee Isaías enu uquieêe lunú uni Diose, nu uni Diose: Xeêlaa tucu benea cha rluti lulu, para nú tsu tsiñialla bee bene nú zucuê bee bene stichiaêlu. 3 Lu tucu dañi achi elu la nucuaêa bee bene yeneê bee bene chi benequieê nú nilla: “Utsu tsiñahua arquiêhua xne nzeêta liêinu enu neca Dioseêahua. Utsanaê arquiêhua stulahua para nú yucu arquiêhua stichiaênu." 4 Uzaê bee bedichiaê quieê chenu ubeêta Juan urinzalla bee bene unga nucuaê lu tucu dañi achi elu la nucuaêa bee bene, nu unilla: âUcheêehua arquiêhua lu stulahua nu uzuêcuêhua nú rni Diose, para nú riêi Diose perdona liêihua che rinzahua. 5 Chequie uchiuêu huaxi bee bene lubee iliu Judea cuna bee bene eyeche llene Jerusalén uriñabeei lu Juan para nú yeneêbeei nú rnilla. Che uxucuêdulabeei stulabeei nu urinza Juan liêibeei reêcu Jordán. 6 Xucu Juan necacheê ichiatsuê camello nu sinchiu nú riuêu xlaêculla necacheê iti, nu elubacu nú udaculla neca xeêchiu cuna lliña dañi. 7 Udixiuleêella lubee bene zeêe nú unilla: âLa leêe nú nzeêta tucu bene enu chiquiê nibiyaê luquela liêá, niê nú hua lucunu la yala xne neca equielánu lua. 8 Liêá rrinza liêihua cuna inza, pero liêinu rinzanu liêihua cuna Espíritu Santo. 9 Bee bichia zeêe uchiuêu Jesuse eyeche Nazaret nú nchiucuê lu iliu Galilea. Che uriñanu lu Juan nu urinza Juan liêinu reêcu Jordán. 10 Chenu uchiuêu Jesuse lu inza, ulañiênu nú uyaêla liñibe nu nzeêta laca Espíritu Santo equienu. Xi neca tucu paloma. 11 Nu uyene tucu chii enza liñibe nu uni chii zeêe: âLiêilu necalu lliêñia nu chiquiê seêca liêilu nu ñia nzu arquia lulu. 12 Cheelá uriêi Espíritu Santo nú nza Jesuse lu tucu dañi achi elu la nucuaêa bee bene. 13 Zeêe uyaênanu chiuêa bichia si rulaê elu nucuaêa bee nañi dañi, che uriêi bezeêlu preu liêinu para nú la zucuênu nú rni Diose. Pero né riêi bezeêlu ana lunu cheelá uriña bee ángeleê Diose lunu nu uzibiê bee ángele zeêe lunu. 14 Chenu netse Juan niêcuê uya Jesuse lubee eyeche lu iliu Galilea, nu udixiuleêenu bedichiaê nzeêca lubee bene nú xa neca lunú rnibiyaê Diose. 15 Singuie uninu lubee bene zeêe: âUriñala bichia nú ucuaqui uêna Diose huaêtu. La acaxeaê nú enta nú nibiyaê Diose lu iliulabe quieê. Enzeêe utsanaê arquiêhua stulahua nu uchili arquiêhua bedichiaê nzeêcaê Diose. 16 Chenu udete Jesuse ruêu inzatuê Galilea ulañiênu Simón cuna bichii Andrés nú siêqui beei ixiu nú rucu bela lu inzatuê zeêe xne neca beei enu rucu bela. 17 Chequie uninu lubeei: âUtequiehua liêá para nú zeteahua nú nihua lubee bene para nú aca beei benea luhuare nú rucuhua bee bela. 18 Hora zeêe utsaêna beei ixiu nú rucu bela nu chu nzequie beei liêinu che. 19 Lleênatsia enza lu zeêe ulañiê Jesuse Jacobo cuna Juan neca beei llianaê tucu bene enu lee Zebedeo. Nucuaêa beei liñi barcoê beei rquielaê beei ixiu nú rucu bela. 20 Nu ubixia Jesuse liêibeei, che utsaêna beei paê beei cuna bee mozoê beei liñi barco nu chu nzuebeei cuna liêinu. 21 Chenu uriña beella cuna Jesuse eyeche Capernaum. Bichia nú sulachi bee bene Israel, uyuêunu liñi induê beella nu uquixienu uzeteênu bee bene zeêe. 22 Chiquiê nzenu arquiê bee bene zeêe lunú seteênu xne seteênu bee bene xi neca tucu bene enu chiquiê rnibiyaê nu bee ulaxcuela enu reca leyê Moisés la zeteê beei scua. 23 Liñi indu zeêe nzucu tucu niyu enu nchiñi benechiquiê arquiê, nu rixiali niyu zeêe nú rni: 24 â¿Xinu rriêchialu liêiru Jesuse bene eyeche Nazaret? ¿Uriñalu para nú nitilulu liêiru la? Nuêlua liêilu nú necalu beneê Diose nu la luêculu dula. 25 Chequie uriêinu nú uquiêyaê benechiquiê nu uninu: â¡Uzaca nu uchiuêu arquiê niyu quieê! 26 Che utsiêqui benechiquiê niyu zeêe lu yuu, nu uriêi ichia ziñia lu niyu zeêe. Nu chiquiê juerte rixialii nu chu uchiuêi arquiê niyu zeêe. 27 Che ye bee bene enu nucuaêa zeêe uyanu arquiêbeei nú unibeei lu saêbeei: â¿Xi nucuaê? Nú, ¡necheêe seteê nucuaê liaêahua chiquiê rnibiyaê nucuaê hasta bee benechiquiê sucuê nú rni nucuaê! 28 Scua yexetsia uriêchia bedichiaê diqui lu iliu Galilea lunú uriêi Jesuse. 29 Chequie chenu uchiuêu beella liñi indu zeêe. Nzenu Jesuse, Jacobo cuna Juan niê Simón cuna Andrés. 30 Zeêe nuxu suegraê Simón nu secalla xlee. Chequie chenu uriña Jesuse zeêe, udixiuleêe beei lunu nú ritilla. 31 Chequie uyabicanu elu nuxulla nu unaêtsenu yalla nu uletsanu liêilla. Hora zeêe uchiuêu xlee nú secalla. Che udeteêlla nú udacu beella. 32 Chenu uhuatseê bichia nu enta chuêu rulaê. Uquixie bee bene nú uriñayu beei ye bee bene enu riti cuna bee bene enu nchiñi benechiquiê arquiê lu Jesuse. 33 Uyetesaê ye bee bene eyeche zeêe ruêu niêi elu nzucunu. 34 Uriêiyeca Jesuse bee bene enu riti ye luu bee elichia nú seca beei, cuna nú uhuanu bee benechiquiê arquiê bee bene. Pero né zelanu nú ani bee benechiquiê, xne nuêlu beei liêinu. 35 Chenu lá yeêe lu yuu nu necabescaê nzu uzetee Jesuse nu uchiuêunu eyeche zeêe nu nzanu tucu luhuare elu lecalí ti nuê para nú nacuênu lu Diose zeêe. 36 Chequie uya Simón cuna beelá bee bene enu neyeteêi nu uyacuaêna beei Jesuse. 37 Chenu ullelaê beei liêinu, unibeei lunu: âHuaxi bee bene rcuaêna liêilu. 38 Che uninu lubeei: âChaêahua lubee eyeche axu caêa para nú leêca ixiuleêa Stichiaê Diose lubee bene cuaê xne enzeêe uriña. 39 Che udixiuleêenu Stichiaê Diose lubee bene liñi bee induê bee bene Israel diqui lu iliu Galilea. Nu uhuanu benechiquiê arquiê bee bene. 40 Tucu bichia uriña tucu niyu enu seca elichia nú lee lepra lu Jesuse nu utsu lliquii lunu nu uni: âTunu laca arquiêlu nuê beyaê nú riêiyecalu liêá. 41 Chequie chiquiê uhuaêa arquiê Jesuse niyu zeêe nu uricuênu yanu equiei nu uninu: âNiarquia nú yecaêlu, uyecaê nee. 42 Chenu uninu scua, hora zeêe uyecaêi elichia nú secai nu lecaê xi nai. 43 Che uduê nziunu liêi nu uninu lui: 44 âNia lulu nú la ixiuleêelu nucuaê lu niê tucu bee bene nú xa uyecaêlu. Lu uleêyatsia uquiatixiuleêe nú uyecaêlaêlu. Che deteêlu tucu uêna lu Diose tucu nú unibiyaê Moisés, para nú riêi bee bene beyaê nú uyecaêlaêlu. 45 Pero chenu nzia niyu zeêe, né tsacuê arquiêi. Aêla mase udixiuleêi lu titse bee bene nú xa uriêiyeca Jesuse liêi. Enzeêe leca modo nú achuêu Jesuse lu niê tucu bee eyeche zeêe. Enzeêe enzetsianu dañi elu lecaê niêi bee bene. Pero uyascaê huaxi bee bene bee eyeche diqui abenchilaê zeêe elu nzucunu.