San Marcos 4
TBL1 Stucu bese uquixie Jesuse seteênu bee bene ruêu inzatuê Galilea. Lunú uyetesaê huaxi bee bene lunu, enzeêe uyuêunu liñi tucu barco nú nzu lu inzatuê zeêe, nu chu uzucunu liñii, diqui nú nucuaêa ye bee bene ruêu inzatuê zeêe. 2 Che uzeteênu huaxi bee ejemplu lubee bene zeêe. Chenu uzeteênu bee bene uninu lubeei: 3 âUquieêe diacahua ninguieê. Tucu bichia uchiuêu tucu niyu nzetuê nii lu yuêlla. 4 Chenu rduê niyu quieê nii uzanaê lleêna ebichi lu inziu nu chu ulaca bee iñi udacue. 5 Lleêna ebichi uzanaê leta quiee, elu leca huaxi yuu. Enzeêe yexetsia uliñi ebichi quieê xne leca huaxi yuu zeêe. 6 Pero chenu unga nelee uriêi beê bichia nú unguêlune. Lunú la aca aquié nzene lue enzeêe ubichii. 7 Lleêna ebichi uzanaê leta aca eche, chenu uruêcu aca eche. Nézela aca eche cuaê nú aruêcue enzeêe né ayue. 8 Pero ebichi nú uzanaê lu yuu nzeêca, uruêcu nzeêcae nu chiquiê ñia unguyuêe. Texcuaêa bee ebichi cuaê unguyuê ala llichiêi ebichi nu texcuaêe unguyuê sesenta ebichi nu texcuaêe unguyuê tucu ayuêu ebichi. 9 Leêca uni Jesuse lubee bene zeêe: âTatse bene enu niarquiê nú yeneê nú rnia quieêe diaca nzeêe che. 10 Chequie chenu uyaênasca lleêna bee bene cuna Jesuse cuna chiêchiucu bee beneênu, unidichiaê beei lunu: âXa rni bee ejemplu nú uninu. 11 Che ucuaquinu nu uninu lubeei: âLiêihua uliquiê Diose nú riêihua beyaê xa neca nu rnibiyaênu lunú lascaê riêihua beyaê. Pero bee bene enu la chili arquiê Diose, setea liêibeei puro tsia ejemplu. 12 Xne mase riêya beei, nu mase rieneê beei. Pero leca xunga riêi beei beyaê. Scua la benchilaê arquiêbeei lu Diose, nu la riêinu perdona stula beei che. 13 Leêca uni Jesuse lubeei: â¿Xieê la riêihua beyaê xa neca lunú rnia scua la? ¿Xa riêihua beyaê beela bedichiaê nú niilá luhua che? 14 Bene enu uduêu nii neca xi neca tucu bene enu rixiuleêe Stichiaê Diose lubee bene, 15 nu nuê bee bene enu rieneê Stichiaê Diose, pero la zela bezeêlu nú chenala beei Stichiaê Diose. Neca bee bene quieê xi neca ebichi nú uzanaê ruêu inziu. 16 Texcuaêa bee bene neca xi neca ebichi nú uzanaê leta quiee. Rieneê beei Stichiaê Diose nu ñia uyucu arquiêbeei. 17 Pero liêibeei neca beei xi neca ebichi nú leca huaxi luu. Chequie chenu siêi beei lunú seca beei, urre chenu seêta bee bene liêibeei sanaê arquiêbeei Stichiaê Diose. 18 Texcuaêa bee bene neca xi neca ebichi nú uzanaê leta aca eche, rieneê beei Stichiaê Diose. 19 Pero máse nzenu arquiêbeei lunú nuê lu iliulabe. Sequienu beei leêcatsia liêibeei, xne niarquiê beei nú luêcu beei yeene. Chequie chenu nchiñi ye bee nucuaê elliebacuê beei, sanaê arquiê beei nú rieneê beei Stichiaê Diose. Lecaxi zibiê nú ubeneê beei Stichiaê Diose che. 20 Pero nuê bee bene enu rieneê Stichiaê Diose, cuna nú sucuê beei nú rnii, liêibeei neca beei xi neca ebichi nú uzanaê lu yuu nzeêca. Texcuaêa beei chenu rixiuleêe beei Stichiaê Diose lubee bene rriêi beei ana huaxi bee bene. Neca beei xi neca ebichi nú unguyuê ala llichiêi ebichi urre xi neca ebichi nú unguyuê sesenta ebichi urre xi neca ebichi nú unguyuê tucu ayuêu ebichi. 21 Leêca uni Jesuse lubeei: â¿Leca modo nú duê llieêe tucu quinqué, tunu tsacuê bene tucu caja equiee, urre tsu benene liñi luna? Rquiêña, nú zucu quinqué cuaê elu ayaa, para nú duê llieêe diqui luhuare. 22 Leêca scua, niê tucu beenú aêchi neca la yaêna nucuaê scuatsia riña nú aca che ye bee nucuaê, nu niê tucu beenú aêchiê neca la yaêna nucuaê scuatsia riña nú acabiyaê ye bee nucuaê. 23 Tatse bee bene enu niarquiê nú yeneê nú rnia quieêe diaca nzeêe che. 24 Leêca uni Jesuse lubeei: âUriêihua elliebacuê equie bee bedichiaê nú rieneêhua. Xne tunu rriêihua caso Stichiaê Diose. Leêca liquiênu nú maselá riêihua beyaê stichiaênu. 25 Xne bee bene enu rriêi beyaê Stichiaê Diose riña nú maselá riêi nzeêe beyaê stichiaênu pero bee bene enu lleênatsia rriêi beyaê Stichiaê Diose, cuna nu la riêi caso beei stichiaênu. Hasta lunú uriêi beei beyaê lleêna niti nucuaê arquiêbeei. 26 Leêca uni Jesuse lubeei: âElurnibiyaê Diose, neca xi neca nú secaa tucu bene chenu nze tuêlla nii lu yuêulla. 27 Xne mase raêtse bene quieê rulaê nu bichia rriêilla riñaê. Bichia si rulaê rliñi ebichi cuna nú enta ruêcue, pero la riêilla beyaê xa enta ruêcue. 28 Xne liêi yuu zeêe rriêi nu enta ruêcu ebichi, rluti rliñii nu recae huañi, cheelá enta tuu lue nu cheelá rayue. 29 Nu chenu necane ulaêcu, che xiecuê bee benene xne necala tiembu nú yeteê saêe. 30 Leêca uni Jesuse lubeei: â¿Xa nia luhua para nú riêihua beyaê xa neca lunú rnibiyaê Diose? ¿Nu xi lubea luhua para nú riêi nzeêcahua beyaê xa necane? 31 Ixiuleêa luhua xa neca nú rnibiyaê Diose. Necane xi neca ebichiê mestaza. Ebichi quieê chenu riuêe lu yuu, meêelae lu ye bee ebichi nú nuê lu iliulabe. 32 Pero chenu uyuêu niila ebichi cuaê, chequie enta ruêcue nu máse rruêcue lu ye bee huañi hasta bee iñi nuê modo nú rrecheêe beeà exliaêtseê beeà lu ellutsa lue cuna nú sulachi beeà lu xcaêlaêe. 33 Scua uzeteê Jesuse Stichiaê Diose lubee bene. Uninu huaxi bee ejemplu, hasta lunú uriêitsia beei beyaê. 34 Siempre uninu bee ejemplu chenu uzeteênu bee bene. Pero chenu nzu liêitsianu cuna bee beneênu udixiuleêenu lubeella xa neca lunú uninu lubee bene scua. 35 Leêca bichia zeêe chenu uyuêu rulaê uni Jesuse lubee beneênu nu uninu: âChaêahua stucu chu inzatuêquieê. 36 Che utsaêna bee beneênu bee bene zeêe nu uyuêu beella liñi barco cuna Jesuse. Leêca nza texcuaêa bee barco cuna liêibeella. 37 Chequie unga tucu bii juerte lu inzatuê nu utsuli lu inza zeêe nu uquixie uyuêe hasta liñi barcoê beella. 38 Pero raêtse Jesuse nuxunu enza rquiê barco zeêe nu necuêcunu tucu almohada. Che ucuaêñi beella liêinu nu uni beella lunu: â¡Maestro! ¿Xinu la riêi casolo lunú seêcaêahua nzee chatseêahua lu inza? 39 Chequie uzetee Jesuse nu utsuxenu bii, nu uninu lu inzatuê zeêe: â¡Aca xee! Nu chu unga xee bii cuna inzatuê zeêe. 40 Cheelá uninu lubee beneênu: â¿Xinu chiquiê xiquihua? ¿Xieêlascaê chili arquiêhua liêá la? 41 Pero chiquiê ulliqui beella nu unidichiaê beella lusaê beella: â¿Ti neca niyu quieê nú hasta bii cuna inzatuê sucuê nú rni nucuaê?