Apocalipsis 1

1 Bee ninguieê neca nú ulubeê Diose lu Jesucristo para nú leêca scua lubeênue lubee beneênu, para nú riêi beella beyaê lubee nú yamero nzu aca. Nu Jesucristo uxeêlanu tucu ángeleênu para nú lubeênu bee nucuaê lua, liêá Juan enu sibiê lunu, 2 nu liêá rniá ye nú neli neca equie cuendaê Stichiaê Diose, cuna equie cuendaê Jesucristo nu equie cuendaê ye nú ulañilaa. 3 Nza nzeêcae equie cuendaê bene enu rula ichiê quieê nu equie cuendaê bee bene enu rieneê nú xi rnii nu cuna equie cuendaê bee bene enu rriêi casoe, nu rixiuleêe nú xi nzu aca, xne nzeêta riñala tiembu nú aca bee nucuaê. 4 Liêá Juan rquieêa carta quieê luhua liêihua bee enu neca bee beneê Jesucristo, liêihua bee enu nucuaêa lu achi eyeche nú nchiucuê lu iliu Asia. Paêahua Diose, liêinu enu neca Diose hasta chenu uquixie iliulabe, nu nee nu diqui tiembu. Nu lu achi espíritu enu nucuaêa elu rnibiyaênu nu Jesucristo cuna bee espíritu cuaê riêi beenu nú cha nzeêcae lu cuendaêhua nu riêinu nú nzuxe arquiêhua. 5 Nu Jesucristo enu neli uni nú neli neca, liêinu enu rluti uhuañi lu eluti nu liêinu rnibiyaênu lubee bene enu rnibiyaê lu iliulabequieê. Liêinu secanu liaêahua nu cuna reneênu uchilanu stulaêahua, 6 nu uriêinu nú unga tucu necatseêahua cuna poder nú rluêcunu, nu leêca uriêinu nú necaêahua uleêya enu sibiê lu Paênu Diose. ¡Nu lunu riala luêcu bee bene ulaêna, liêinu enu rluêcu elurnibiyaê diqui tiembu! Amén. 7 ¡Ubiêyacuruhua nú nzeêtanu leta xcabe! Ye bee bene lañiê liêinu hasta bee bene enu utseêe lanza cueêtsenu nú ungutinu lañiê zecaê beei liêinu, nu ye bee bene iliulabe chiquiê unaê chenu lañiê beella liêinu, neli nucuaê scua acane. 8 Paêahua Diose enu rluêcu ye elurnibiyaê, liêinu enu neca Diose hasta chenu uquixie iliulabe nu nee, nu nzeêtanu, liêinu uninu equie cuendaênu: “Liêá neca xi neca letra A nu Z”, nú rquixie nu rlaxu, xne tucutsia liêá rnibiyaêa. 9 Liêá Juan neca tucu bene enu nzeli arquiê Jesucristo tucu nú nzeli arquiêhua. Nu tucutse rnibiyaê Jesucristo luaêahua, nu tucutse nehuana seêcaêahua nu rriquiaêahua equie cuendaênu. Liêá unga preso equie nú rixiuleêa stichiaê Jesucristo cuna ye lunú nediyaa equie cuendaênu, lu tucu yuu nú lee Patmos netse lu inzatuê. 10 Chenu necaa preso lu yuu inzatuê zeêe, tucu domingo diquila nú rnacua lu Diose ulleêca xi neca nú rni xcalaêa equie cuendaê poderê Espíritu Santo, nu enza diêchia ubenea tucu chii nú neca xi neca chii tucu trompeta nú chiquiê fuerte urixia, 11 nú uni: âLiêá neca xi neca letra A nu Z nú rquixie nú rlaxu uquieêe ye beenú rlañiêlu lu tucu ichiê nu uxeêla ichiê quieê lu achi xcuaêa bee benea enu nucuaêa lu iliu Asia, lu eyeche Efeso, Esmirna, Pérgamo, Tiatira, Sardis, Filadelfia, nu Laodicea. 12 Nu chenu ubelletaa nú riêya nú ti rni lua, che ulañia achi candelero de oro, 13 nu labe bee candelero zeêe ulañia tucu bene enu rna xi rna bene enu uxeêla Diose lu iliulabe, nu nutunu tucu laquie nú stuñi nú rriña hasta eêyanu, nu nuê tucu sinchiu latsanu. 14 Niquichiu ichia equienu tucu nú niquichiu ichia tetsuê sanchi nu xi niquichiu iqui, nu rulu siquiê iêculunu xi rulu quii. 15 Nu cuchiuênu rulusiquiê xi rulu icuê nú lee bronce chenu netse lu quii, nu fuerte chinu xi fuerte nú rula inza nú huaxi rlaca ruêu quiee. 16 Yanu chube nzenenu achi belaa, nu ruêunu xiuêu tucu espada nú chiquiê nelatsa rucu ruêu, nu lunu rulusiquiê tucu nú rnaa bichia chenu juerte rulusiquiê bichia. 17 Chenu ulañianu uyecata eêyanu xi uyecata tucu bene enu unguti. Pero uricuênu yanu chube equia nu uninu: âLa lliquilu, liêá neca enu rnibiyaê hasta chenu uquixie iliulabe nu lalaxu nú rnibiyaêa. 18 Liêá ungutia, pero nee nehuañia, nu nehuañia diqui tiembu, nu liêá rnibiyaêa lu eluti cuna lu ebila. 19 Nee uquieêe, lunú ulañiêlaêlu nu lunú rlañiêlu nee nu lunú nzeêta lañiêlu. 20 Rluti ixiuleêa lunú neca equie cuendaê achi bee belaa enu ulañiêlu yaa chube nu xi rni lu cuendaê achi candelero nú necacheê oro: Equie cuendaê achi bee bela cuaê rni equie cuendaê achi bene enu rnibiyaê lu achi xcuaêa bee benea lu iliu Asia, nu lu achi candelero rni equie cuendaê achi xcuaêa bee benea.