Apocalipsis 14

1 Leêca ulañia nú nzu Corderoê Diose equie dañi nú lee Sión. Liêinu nzununu ciento cuarenta y cuatro mil bee bene, nu yebeella nequie nombreê Cordero cuaê nu cuna nombreê Paênu tequie beella. 2 Nu ubenea nú rula enza liñibe xi neca chenu rula rlaca huaxi inza o xi rula chenu rlaca beziuê o xi neca chenu rula huaxi bene huaxi bee arpas. 3 Nu ungula beella tucu canto cuqui lu bene enu rnibiyaê nzucu lu xleta ante lu dacu bee enu nehuañi nucuaêa zeêe nu ante lu ala chetaêcu bee bene uxu. Nu lecati unga canto zeêe, yetsia lu cuarenta y cuatro mil bee bene enu utsilaêa lubee bene iliulabe ungula canto zeêe. 4 Nu bee niyu cuaê neca bee enu lá riêilí eluhuexe, nu uhuañi beella sin nú riêibeella dula, nu liêibeella neca beella enu nzenala Corderoê Diose catse elu nzanu. Leêca liêibeella neca beella enu utsilaêa lubee bene iliulabe, nu neca beella xi neca primero uêna rlu para Diose nu para lu Corderoênu. 5 Nu leca xunga uni beella eluquichiaê nu la luêcu beella dula lu Diose. 6 Che ulañia stucu ángele enu rcuecuê enza liñibe nuyaê bedichiaê nzeêca nú leca xunga laxu, para nú ixiuleêenue lu ye bee bene enu nucuaêa luyuu iliulabe, nu lecaxi riêi tunu xi dialu rni beella, nu xi familia neca beella, nu xi eyeche enta beella nu xi nación enta beella. 7 Nu che chiquiê fuerte uni ángele zeêe: âUlliquihua Diose, nu uniêhua bedichiaê nzeêca lunu, xne uriñala hora nú hualunue lu cuendaê bee bene. Uluêcuhua ulaêna lu enu urecheê iliulabe, liñibe, inzatuê nu elu rliñi bee inza. 8 Nu che uni stucu ángele zeêe: âUnitilula, unitilula eyeche llene Babilonia xne xi neca chenu rduê niqui bee bene saê bene, scua uzequienu eyeche llenecuaê ye bee bene iliulabe para nú riêibeei ye clasiaê eluhuexe. 9 Che chu nzenala stucu ángele rriuna enu fuerte uni: âTunu nuê tá tucu bene cha luêcu ulaêna lu monstruo cuaê nu lu imagenêí nu zela nú quie señaêí tequiee urre ya, 10 bene zeêe deteê Diose castiya nú chiquiê fuerte, nu chiquiê nehuana zecalla luquii, nu lu azufre ante lubee ángeleê Diose nu ante lu Corderoê Diose. 11 Nu leca xunga yala quii elu nehuana zeca bee bene. Nu niê bichia nu niê rulaê la tsulachi bee bene enu luêcu ulaêna lu monstruo nu lu imagenêí enu quiee señaêí tequiee. 12 Enzeêe bee enu neca bee beneê Diose bee enu sucuê stichiaênu nu nzeli arquiê Jesucristo. Rquiêña nú riquiê beella lunú xi seca beella. 13 Che ubenea tucu chi enu uni lua enza liñibe, nu uni: âUquieêe nú nia lulu: “Desde nee nza nzeêcae lu cuendaê bee bene enu unguti nu uyali arquiê Jesucristo.” Che uni Espíritu Santo, neli nucuaê, xne nze tsulachila beella equie nú nehuana ulleêca beella, xne ye lunú neca nzeêca uriêibeella rluêcu cuenda Diose. 14 Che ulañia tucu xcabe nequichi nu equie xcabe zeêe nzucu tucu bene enu rnaa xi rnaa bene enu uxeêla Diose lu iliulabe. Nu equiella nzucu tucu corona nú neca oro, nu nzenella tucu sierra nú nelatsa. 15 Nu che uchiuêu stucu ángele liñi indu nu fuerte uninu lu enu nzucu equie xcabe zeêe, nu uninu lulla: âUduê sierra cuaê leta bee ulaêcu nú nuê lu iliulabe, nu uchieêcuêe, xne necala tiembu para nú yeteê saêe. 16 Nu enu nzucu equie xcabe zeêe udeteêlla sierraêlla luyuu iliulabe, nu che uquieteê saêlla ye ulaêcu nú nuê lu iliulabe. 17 Che uchiuêu stucu ángele liñi indu nú nzucu liñibe, nu leêca nzene ángele zeêe tucu sierra nú chiquiê nelatsa. 18 Nu che uchiuêu stucu ángele ruêu ecuêcu liñi indu zeêe enu rluêcu poder lu quii, nu fuerte uni ángele quieê lu ángele enu nzene sierra nú nelatsa zeêe: âUchieêcuê bee uva nú nuê lu yuu iliulabe xne unguyeêelane. 19 Che uchiecuê ángele zeêe uva lu iliulabe cuna sierra zeêe. Nu uduê ángele zeêe bee uva liñi tucu tanque llene elu tsiêi bee uva. Leêca scua neca castiya llene nú xeêla Diose nú zeca bee bene. 20 Nu ruêu eyeche zeêe utsiêi bee uva zeêe nu chenu utsiêi bee uva zeêe uchiuêu rene. Nu rene cuaê uriêchia luyuu zeêe tucu trecientos kilómetros, nu uliquine aya hasta elu nziêqui artaruêu tucu huayu.