Apocalipsis 18

1 Chenu ulaxu nú ulañia bee nucuaê, cheela ulañia stucu ángele enu nzeêta laca enza liñibe nu chiquiê rluêcu ángele quieê poder, nu ellieênu uduêllieêe diqui lu iliulabe, 2 nu chiquiê fuerte uninu: âUnitilula, unitilula eyeche llene Babilonia nu nee necatsiae xi neca niê bee bezeêlu, nu leêca necatsiae xi neca niê ye clasiaê bee benechiquiê, nu xi neca niê ye bee iñi enu rcuecuê bee enu necha rna xiñia arquiê bee bene. 3 Xne xi neca chenu rduêniqui saê bee bene, scua uriêinu eyeche llene zeêe ye bee bene iliulabe para nú riêi beei ye clasiaê eluhuexe, nu bee arre enu nucuaêa lu yu iliulabe uriêi eluhuexe cuna eyeche zeêe, nu bee bene enu rriêi berexe lu yu iliulabe unga beella xene equie cuendaê ye clasiaê eluhuexe nú reca eyeche zeêe. 4 Luzeêelá ubenea stucu chi nú uni enza liñibe: âUchiuêuhua eyeche cuaê, liêihua enu neca bee benea para nú la riêihua saê bee dula nú rriêi bee benecuaê, nu para nú la nehuana zecahua tucu nú nehuana zeca eyeche llenecuaê. 5 Xne huaxi añi stula beei nu hasta liñibe riñae, nu la zañiê Diose stulabeei. 6 Uriêinuhua bee benecuaê tucu nú uriêinubeei beelá bee bene, nu uriêihua nú ixiubeei chiucu bese másela lunú uriêinu beei beelá bee bene, nu uriêihua nú chiucu bese másela nehuana zeca beei tucu nú uriêinubeei bee bene. 7 Uriêihua nú nehuana zeca bee bene eyeche llenecuaê nu ucunaêhua beei, scua tucu nú ñia nzu arquiêbeei uriêi beei nú necha neca, nu tucu nú uriêi bee eyeche cuaê elliebacuê chenu unii: “Liêá nzucuaêa caêa xi nzucu tucu reyna, laca unaêa zaqui, nu leêca lecaê bichia nú nehuana zecaa." 8 Nu tucutsia bichia tucutse riña nú nehuana zeca bee bene eyeche cuaê, atibeei, unaêbeei, zeca beei biñia, nu bichiê beei, chiquibeei xne chiquiê llene neca poderê Diose nú deteê castiya lubee bene eyeche llene cuaê. 9 Nu bee arre lu iliulabe bee enu uriêi lunú niarquiêtsia, bee enu uriêi eluhuexe, cuna eyeche llenecuaê, liêibeei nehuana zeca beei, nu unaêbeei, chenu lañiêbeei llene nú riqui eyeche cuaê. 10 Nu istu cuaêa bee arre cuaê equie nú xiquibeei castiya nú reca eyeche cuaê, nu rnibeei: â¡Cueêcurulu, cueêcurulu Babilonia, eyeche llene nú chiquiê unga neca equie! Xne terratuinza uriña castiyaêlu. 11 Nu bee bene enu rriêi berexe nehuana zeca beei nu unaêbeei equie cuendaê eyeche llenecuaê xne lecaê bee bene enu tsi ye nú rutibeei: 12 xi neca bee oro, plata, quiee nú ñia rnaa, perla, laquie fiñio, nu laquie seda nú neluu morado, nu ye clasiaê bee aca nú ñia rlia nu ye beenú ungacheê cuna bee aca fiñio, nu beenú ungache bronce, icuê, nu mármol nu marfil. 13 Leêca esquie lacaê utibeei canela cuna ye clasiaê bee cuanaê nú ñia rlia, lecaê modo utibeei quiendixi, mirra, perfume, aceite de oliva, harina nú fiñio, trigo, uênaê, sanchi, huayu, acareta, nu leêca la acaê utibeei bee bene. 14 Nu leêca nibeei lu eyeche zeêe: â¡La luêcuaêlu ye bee elulleêca nú chiquiê uyuêu arquiêlu, nu ulaxulí ye eluxeneêlu cuna ye beenú chiquiê ñia rnaa uluêculu! 15 Bee berexecuaê uriêi nú unga xene beei equie cuendaê eyeche llene Babilonia cuaê, istu cuaêa beei equie nú xiquibeei castiya nú zeca eyeche cuaê, unaêbeei nu nehuana tsu arquiêbeei. 16 Nu nibeei: â¡Cueê eyeche llene cuaê, cueê eyeche llene cuaê! Elu utsucheêe bee bene cuna laquie fiñio, nú neluu nu morado, liêibeei enu utsucheê cuna oro, cuna perla cuna quiee nú ñia rnaa. 17 ¡Xne terratuinza ulaxu ye bee eluxenecuaê! Ye bee bene enu nza liñi barco, cuna ye bee capitánê barco, cuna yebee marinero nu bee bene enu rriêi riñaê lu inzatuê, istu ucuaêa beei. 18 Chenu ulañiêbeei llene nú riqui eyeche llene cuaê, che ubixiali beei nú unibeei: â¿Leca xunga ulañiaêahua tucu eyeche llene tucu nú neca eyeche quieê? 19 Nu che uduêbeei yubeêchaê equie beei nu runaêbeei, nú nehuana seca beei, nu unibeei: â¡Cueêe! ¡Cueê eyeche llene! Xne equie cuendaê eluxeneêe unga xene ye bee bene enu rluêcu barco, ¡nu terratuinza ulaxu eyeche cuaê! 20 Che uyene tucu chii liñibe nú uni: âPero liêihua enu nucuaêa liñibe, nu liêihua bee beneê Diose, nu liêihua bee apóstol nu bee profeta, ñia utsu arquiêhua lunú seca eyeche cuaê xne scua rriêi Diose elu usticiaênu equie nú uriêinu bee bene eyeche cuaê cuna liêihua. 21 Nu tucu ángele enu chiquiê naaqui uletsa tucu quiee llene, nú rnaa xi rnaa quiee molino nu utsiêquinue lu inzatuê, nu uninu: âScua tucu nú chiquiê fuerte utsiêquia quiee quieê, scua chiquiê fuerte nehuana zeca eyeche llene Babilonia, nu lecaêti lañiê liêi stucu bese. 22 La yeneaê nú rula bee arpas, niê bee musica, niê flauta, niê bee trompeta bee calle eyeche Babilonia cuaê. Nu niê stucu bee bene lecaê ti rriêi riñaê eyeche zeêe, nu niê nú xichi bee molino rriêi riñaê la yeneaê eyeche zeêe. 23 Nu lecaê bee bichia nú aca achee nú nuê quii eyeche zeêe, nu la chiaê bee bene eyeche llene zeêe, niê tsaêa chia la riaêa beei, niê berexe la riaêbeei, añinzuca nú chiquiê neca equie bee berexe eyeche cuaê lu iliulabe huaêtu, nu uzequienu eyeche llene cuaê ye bee bene iliulabe cuna elu uliñi. 24 Nu leêca eyeche cuaê udiñi bee bene bee profetaê Diose, cuna bee bene enu nzeli arquiê Diose, no por equie cuendaê eyeche cuaê udiñi bee bene beelá bee bene enu unguti lu iliulabe.