Romanos 1

1 Liêá Pablo, enu sibiê lu Jesucristo, Diose ucañi liêá nú aca apóstolênu para nú ixiuleêa bedichiaê nzeêcaênu lubee bene. 2 Hasta huaêtu, bee bedichiaê nzeêca quieê nzeêtae lu ichiê Stichiaê Diose nú uquieêe bee profetaênu. 3 Bee bedichiaê nzeêca quieê rni equie cuendaê Jesucristo enu rnibiyaê luaêahua nu chenu ubeêtanu lu iliulabe ungulanu lubee familiaê tuxie David, 4 pero equie cuendaê Espíritu Santo necanu lliêñi Diose xne uhuañi zecanu lu eluti, nu chiquiê rluêcunu poder. 5 Nu equie cuendaê Jesucristo ucañi Diose liêá nú necaa apóstolênu para nú ixiuleêahua stichiaênu lubee bene, nú chili arquiêbeella stichiaênu nu zucuê beellae xne seca beella liêinu. 6 Nu leêca nuuhua nebacuêla Diose leta bee bene enu ucañilanu, para nú acahua bee beneê Jesucristo. 7 Enzeêe rquieêa carta quieê luyehua enu seca Diose, liêihua bee enu nucuaêa Roma, liêihua enu ucañila Diose nú acahua bee beneênu. Diose Pa liñibe cuna Jesucristo enu rnibiyaê luaêahua riêinu nú cha nzeêca lucuendaêhua nu ñia tsu arquiêhua. 8 Rluti nia cheêtsa lu Diose equie cuendaê Jesucristo lucuendaê yehua xne yebee luhuare rni bee bene nú xa nzeli arquiêhua Jesucristo. 9 Nu diquinuê arquia sibiêa lu Diose nu rixiuleêa bedichiaê nzeêcaê lliêñinu Jesucristo lubee bene, nu liêinu nediyaênu nú siempre rnacua lunu equie cuendaê liêihua chenu rnacua lunu. 10 Siempre rnacua lu Diose para nú nuê modo nzelabiêya liêihua tucu nú rriêá elliebacuê. 11 Xne nuê ana arquia nzelabiêya liêihua para nú riêá elietsa luhua lu cuendaê Stichiaê Diose, che tsutaêlá arquiêhua lu stichiaênu. 12 Nu para nú riêihua elietsa lua nu riêá elietsa luhua equie nú xa nzeli arquiaêahua Diose nu scua duaêahua ana arquiêsaêahua. 13 Bee saêa enu nzeli arquiaêahua Jesucristo niarquia nu riêihua beyaê nú huaxi bese niarquia nzelabiêya liêihua, para nú dalalá bee bene enu chili arquiê Stichiaê Diose letahua tucu nú unga lubeelá bee eyeche elu uyaêla pero hasta nee lá lluêcha yela biêya liêihua. 14 Xne cuendaa neca nú ixiuleêa Stichiaê Diose lu titse bee bene, sia lubee bene griego urre lubee bene enu la neca bee bene griego, lubee bene enu laca urre lubee bene enu reca. 15 Enzeêe chiquiê nuê ana arquia nzelabiêya liêihua para nú ixiuleêa bedichiaê nzeêcaê Diose luhua enu nucuaêa eyeche Roma. 16 Nu la tua rixiuleêa bedichiaê nzeêcaê Jesucristo. Xne bedichiaêcuaê rluêcu poderê Diose. Para nú yebee bene enu chili arquiê liêinu tsilaêa beella, nu rluti bee bene Israel nu chelá bee bene enu la neca bee bene Israel. 17 Xne equie cuendaê bedichiaê nzeêcaê Jesucristo rriêi bene beyaê nu lunú nzeli arquiê bene Jesucristo la luêcu bene dula lu Diose tucu nú nequie lu ichiê Stichiaê Diose: “Nu bee bene enu la luêcuaê dula equie nú nzeli arquiêbeella liêinu huañi beella diqui tiembu." 18 Liaêahua nediyaêahua nú enza liñibe nzeêta castiyaê Diose nu chiquiê juerte zeca bee bene enu la zucuê stichiaênu nu la riêi tucu nú necane nu equie nú nehuañi beei scua rca nucuaê nú chulu bee bene Stichiaê Diose. 19 Nu liêibeei nediyaêlaêbeei nú nuê Diose, xne ulubeênu lubeei nú neli nuê Diose. 20 Añinzuca nú la lañiê bene Diose pero desde chenu ungacheê iliulabe rlañiaêahua ye nú urecheênu, nu equie cuendaê ye nú urecheênu rriaêahua beyaê nú leca xunga laxu poder nú rluêcunu, nu liêinu necanu Diose, enzeêe leca modo nú cachiê bene nú nuê Diose. 21 Añinzuca nú nediyaê bee bene nú nuê Diose pero la luêcu bene ulaêna lu Diose tucu nú rialane nu la deteê bee bene cheêtsa lunu, sino que rriêitsia bee bene puro beenú necha neca, nu che neca xi neca nú nucuaêabeei leta rulaê. 22 Rnibeei nú chiquiê recabeei pero máse netundubeei. 23 Xne luhuare nú luêcu bee bene ulaêna lu Diose liñibe enu leca xunga ati, liêibeei rluêcubeei ulaêna lubee diose enu la nehuañi, enu nuyaê formaê bene, cuna bee nañi xi neca beêla cuna iñi, cuna bee nañi enu rluêcu tacu cuchiuê. 24 Enzeêe utsanaê arquiê Diose liêibeei nú necha rriêibeei, nu netú na nú rriêinubeei saêbeei, 25 luhuare nú chenalabeei Stichiaê Diose nú neli neca, aêla nzenalabei bedichiaê nú la neli neca. Nu rluêcubeei ulaêna lubee nú urecheê Diose, nu la luêcubeei ulaêna lu liêinu enu urecheê bee nucuaê, nu lu liêinu riala nú luêcu bee bene ulaêna diqui tiembu. Amén. 26 Enzeêe utsanaê arquiê Diose liêibeei nú rriêibeei nú necha neca. Nu huaxi bee unaêa la riaê tucu nú neca beenchu unaêa, sino que niarquiê beenchu leêca saê unaêa beenchu. 27 Leêca scua nuê bee niyu enu la naêtseaê bee unaêa, sino que riuêu arquiêbeei leêcatsia saê niyubeei, nu puro nú necha neca rriêibeei elliebacuê lusaêbeei. Niyu cuna niyu rriêi beei nú netú neca. Che leêca liêibeei rlaêna beei castiya nú zecabeei. 28 Nu lunú lá riêi caso beei Diose, enzeêe utsanaê arquiênu beei lu elliebacuê nú necha neca rriêibeei para nú riêibeei lunú la yala riêibeei. 29 Puro nú necha neca rriêibeei, rluêcubeei stucu unaêa nu rluêcubee unaêa stucu niyu, huaxi nú necha neca rriêibeei, rleêbeei luêcuscaêlábeei steneêbeei, riaa arquiêbeei, ruuti beei bee bene, rliunubeei bee bene, nezequiebeei, puro nú necha neca nzucu lubeei rriêibeei, nu puro rnibeei lu cuendaê bee bene. 30 Leêca seêtabeei bee bene, nu rlebeei lu Diose, la luêcubeei ulaêna lubee bene, secabeei nú chiquiê recabeei, nu nelliñabeei, 31 chiquiê nzitibeei nu la tsalubeei stichiaêbeei, nu lecalí ti zecabeei, nu la huaêa arquiêbeei bee bene. 32 Nediyaêlaêbeei nú uni Diose nú bee bene enu rriêi scua rquiêña nú zecabeei, castiyaê Diose, añinzuca nú nediyaêbeei nucuaê nu chu rriêiscaêlábeei scua, nu hasta ñia nzu arquiêbeei chenu rlañiêbeei nú stucu bee bene rriêi scua.