Tito 1

1 Liêá Pablo enu sibiêa lu Diose, necaa tucu apóstolê Jesucristo para nú riêá elietsa lubee bene enu ucañi Diose enu aca bee beneênu, nu para nú riêi beella beyaê xa chili arquiêbeella liêinu, cuna nú riêi nzeêca beella beyaê xa riala nú huañi beella lu Diose. 2 Xne nzuculuêahua nú scua luêcuaêahua nú huañi liaêahua lu Diose. Hasta chenu lascaê quixie iliulabe ucuaqui uêna Diose nú liquiênu elu nehuañi cuaê luaêahua, nu nediyaê nzeêcaêahua nú la ni Diose nú lia ninu. 3 Nu chenu uriña bichia nú ulubeê Diose stichiaênu lubee bene, liêinu ulubeênue, nu ucañinu liêá para nú ixiuleêa bee bedichiaê nzeêcaênu, nucuaê neca nú unibiyaênu nú riêá, liêinu enu utsilaêa liaêahua. 4 Rquieêa carta quieê lulu Tito, liêilu enu neca xi neca tucu endua, xne tucutse nzeli arquiaêa Jesucristo. Diose cuna Jesucristo enu utsilaêa liaêahua, riêi beenu nú cha nzeêca lu cuendaêlu cuna nú lia liquiê beenu nú nzuxe arquiêlu. 5 Liêá utsaêna liêilu lu iliu Creta para nú riêilu lunú rriêilá riêá zeêe. Nu cada eyeche rquiêña nú cañilu bee bene enu nibiyaê lubee beneê Jesucristo, tucu nú unilá lulu nú riêilu. 6 Chenu cañilu bee bene cuaê, rquiêña nú necalla tucu bene enu nehuañi tucu nú rialane para nú lecati zeêta liêilla, cuna nú nechialla tucutsia unaêalla, cuna nú nzeli arquiê bee enduêlla Jesucristo, cuna nú nuêlu bee bene bee enduêlla nú la nehuañi beei tucu nú niarquiêtsia beei, nu la nziti beei. 7 Xne bee bene enu rluêcu elurnibiyaê lubee beneê Jesucristo, liêilla nuyaê cuendalla lunú neca cuendaê Diose, enzeêe rquiêña nú huañilla tucu nú rialane, nu la yala nú acalla bene enu la yuê resuna, nu la acalla enu rlee, nu la acalla uniqui, nu la acalla bene xuu, nu la acalla enu rlaêna nú riêitsia ana dimiê bee bene. 8 Rquiêña nú acalla enu siempre nuê arquiê nú deteê elu yaêna bee bene niêlla, nu acalla enu riuêtsia arquiê riêi nú neca nzeêca, nu acalla enu rriêitsia puro elliebacuê nú sibiê, nu acalla tucu bene nzeêca, nu huañilla sin dula lu Diose nu ante bee bene, nu la nehuañilla tucu nú niarquiêtsialla. 9 Rquiêña nú la tsanaê arquiêlla bedichiaê nú neli neca nú ungalla para nú acalla zeteêlla bee bene bedichiaê nzeêca quieê, nu para nú lubeêlla lubee bene enu rriêi cundra Stichiaê Diose nú neli neca. 10 Xne nuê huaxi bee bene enu nziti, puro eluquichiaê rnibeei nu sequienu beei bee bene, nu leta bee bene Israel nuê bee bene enu rriêi juerza bee bene nú quie seña nú nequie bee bene Israel bee bene máse nuê saê bee benecuaê. 11 Bee benecuaê rquiêña nú riêi beei beyaê nú la riêibeei tucu nú necane, xne huaxi bee niêi ullitiê beei elliebacuê diqui tucu familiaê bee bene, seteêbeei lunú la yala zeteêbeei para nú riêitsia beei ana dimi. 12 Leêca tucu bene lachibeei, enu rnibeei nú neca profeta unilla nú bee bene eyeche Creta puro eluquichiaê rnibeei, nu chiquiê nelachi beei, xi nelachi nañi cuna nú racu xetaêbeei, nu nebichiu beei. 13 Neli nucuaê. Enzeêe rquiêña nú juerte quiêyaê beei riêilu para nú chenala nzeêca beei stichiaê Jesucristo tucu nú rialane. 14 Nu la riêibeei caso lunú xela arquiê bee bene Israel, nu leêca la riêi beei caso lunú rnibiyaê bee bene enu utsanaê arquiêla lunú neli neca. 15 Bee bene enu la nchiñi nú necha neca elliebacuê nchiñitsia nú neca nzeêca elliebacuêlla. Pero bee bene enu rriêitsia elliebacuê nú la zibiê cuna bee bene enu lachili arquiê Jesucristo, niê lleêna elliebacuê nzeêca la riêi beei, xne leca nú neca nzeêca lluca equie beei, puro elliebacuê nú necha neca nchiñi lluca equie beei. 16 Liêibeei rnibeei nú nuêlu beei Diose, pero scua tucu nú nehuañi beei rlubeê nú lia rnibeei nucuaê. Nu chiquiê necha rriêibeei, nu nziti beei, nu la riêibeei niêtucu beenú neca nzeêca.