1 CORINTIOS 11

1 Goḻwi sca, zigne raá¹ to noxco naa mban naa zigne blu Jesús, scaquegaa to goḻtsoxco gban to zigne raá¹ to mban naa. 2 Bets, bzian, rleynie naa to goá¹ sac tibaque rsoladz to naa, ni rioxco to zienaḻ to grë miá¹e pseed naa to. 3 Per goḻsoladz gaá¹le: grëse meá¹ wnaa, none zha bgui gnabey lo zho, teḻ zha bgui Jesús rnabey lo zho, zigne rnabey Dios lo me. 4 Gacxe waa, teḻ tib zha bgui yase nozodiidznie zho Dios, quiateedgaa zho xtiidz me, ni zob xombrel zho; xquieḻto Jesús ga rbee zho. 5 Scagaa meá¹ wnaa, teḻ zhoobd bay guic zho ni zo zho nozodiidznie zho Dios, quiateedgaa zho xtiidz me, xquieḻto mgui ga rbee zho; sac ga rlu zho rond zho miá¹e rnabey mgui. 6 Teḻne racladzdgaa zho gdze lad guic zho, mazd gnabey zho chug guitsguic zho. Laa teḻne rtoladz zho chuga, rtoladz zho gacruxa, dzigo mazd cxobguic zho xpay zho. 7 Grë zha bgui, nod pe nacne gdze lad guic zho, sac choot samiech guidzliu zho rnabeyd lo zho. Zeeá¹e bzaa Dios mgui, bzaa me zho zigne nac me, zeeá¹a glu zho gaá¹le pa lotaa meá¹ non nac me; scagaa wnaa, laa wnaa biaaá¹ par glu zho gaá¹le non mgui. 8 Gotsaa gwi ne gaá¹le, letxe xcuxtid wnaa waa biaa mgui, sinque xcuxti mgui briee biaa wnaa. 9 Stiba, zeeá¹e psaá¹ Dios wnaa, ib laa me psaá¹ zho par gacnie zho mgui. 10 Gacxe nagoá¹ waa ib none gdze lad guic wnaa, zeeá¹a glu gaá¹le nguzobdiidz zho lo zha ne rnabey zho; haxta grë anjl ne no gbaa zley zho gaá¹ zho miá¹ co. 11 Per guiabde to togo peet nond wnaa, goḻsoladz gaá¹le psaá¹le Dios diidz zigtaa mguiw, zigtaa wnaaw rquiinlsa zho; sac teḻne guieá¹d wnaa guieá¹d mgui, teḻne guieá¹dgaa mgui guieá¹d wnaa. 12 Gotsaa gwi ne gaá¹le, zeeá¹e biaa wnaa cho mgui briee dzit ne biaa wnaa, per zeeá¹e laa wnaa biaaá¹, haxta lo nadze wnaale rzo mgui; zigtaa mguiw, zigtaa wnaaw Dios psaá¹ zho grop zho. 13 ¿To nadieá¹ zha rzac to? ¿Pe nli nonguieḻa gdze lad guic wnaa zeeá¹e nonab zho lo Dios, te nonguieḻda ye? 14 Goḻwi gaá¹le ib no gdze guic wnaa, biaaá¹le zho rroob guits guic zho parne ctsew lad guic zho; 15 teḻ zha, haxta rleynie zhow zeeá¹e scataa noola, saá¹gue ne nac ne zha bgui, guieḻtow ga guiool guitsguic ne. 16 Teḻ nogaa zha ne rzac led scada, maase gnee zho. Per ible znu goá¹ noseed no miech, ni grëragaa zha ne rliladzle Xtiidz Dios, rieá¹ zho ne nli scaw. 17 Bets, bzian, ne nligaa rley naa tibaque rsoladz to naa, per bin naa zeeá¹e rcaalsa to row to xtsee ne psaá¹ Jesús diidz, laa ne gley to ycaalsa to, leḻ quiayuá¹ctal to xtoḻ to. Miá¹cosi nagoá¹ ni lalnu riod zdoo naaw. 18 Ziyon naa gzobtaa zeeá¹e rcaalsa to, pe na tsiegald tiḻdiidz to, laa ne tipse gac to leḻ rlëëlsa to. Ni rgobey naa nli scaw. 19 Rieá¹ naa masaque rzac to ible sca none gac to, parne glupaa cho nac zha ne non xtiidz, zeeá¹a guiaá¹nziuu zho lo miech. 20 Led zhixtseedraa Jesús i goá¹ ruá¹ to. 21 Sac ron naa zeeá¹e laa to row, masaque lëëlëd rac to row to ncuaaá¹e zienie to, ib rwide to no zha ne rdziá¹ ga quianied zho nroob ncuaaá¹e gow zho. Squi rzob to rowcho to, haxta rzudz to; laa zha mbanse rac zho grieelod gow zho ncuaaá¹e row to. 22 ¿Mod guieá¹d lidz to, ga sob to gow to, guie to haxta zaatne guieltaa to, led node to ruá¹ctoladz to zha ne squi guieá¹d pe yquiin? I goá¹ rlu to rleyniede to grë zha ne no xnëz Dios. ¡Ni palal goá¹ rdziguiend naa ncuaaá¹e noyuá¹ to i! 23 Goḻsoladz gaá¹le zha nac ne laa xtsee rii biaaá¹, Jesús psaá¹ diidz gaca, sca gocnaá¹ naaw ni scagaa biaḻlu naaw lo to. Wdze ne bnaaz zho Jesús ga, zeeá¹e blozh dowxtseenie me xpëëdscuel me, bzheá¹ me tib guietxtil, bdeed me xquizh lo Dios; 24 blozhse bdeed me xquizh, nzian lë beeá¹ me guietxtil co, bdeed mew lo zho rëb me: “Goḻquiina, rrieequia lëë xcuerp naa nu, sac goá¹ znu guá¹ zho xcuerp naa parne csilaa naa to grë to. Goḻguá¹ xtsee rii, parne glu to gaá¹le tibaque rsoladz to naa." 25 Blozh ga, scaque bzheá¹ me tib cop no vin, rëb me lo zho: “Lëë stib trat cub nu goá¹ riaaá¹ Dios grë me miech, rrieequia xchen naa nu nac vin rii, ren ne tso sell trat co par glu nona. Gzataa zeeá¹e znu guie to vin, goḻsoladz gaá¹le zha naca." 26 Goḻguieá¹ sca, zeeá¹e guá¹taa to xtsee co zaacse goḻguá¹a, sac goá¹, ga quiaxobneá¹ to lo miech Jesús nac meá¹ ne gut xcuent to, psilaa me to. Tibaque none guá¹ to xtsee co, haxta gdziá¹ dze ne laa me guiaad stib. 27 Gacxe waa, zha ne rieniewguit guic rquiind zho xtsee co zigne no yquiin zhow, doḻ nroob ga ruá¹ zho, xcuerp Jesús ga, xchen me ga noguitnie zho. 28 Zeeá¹e guá¹ to xtsee co, none wen wen sob to gaá¹le zha naca, pe nacne laaw rac, dzigo lozh ga zac yquiin tow. 29 Sac goá¹ zha ne lega gow guietxtil co, lega guie zho vin co, sac zhow zig beeḻze pe xtsee; rrieequia guieḻnë ne ygaa zho ga gow zho, guieḻnë co ga guie zho. 30 Miá¹cocxe waa, blactaa zha ne nacgrë to i quiayaaá¹ nsis, nogaa zho rzacnële, haxta nzian zho gutle. 31 Teḻne niaca miá¹e wen wen gwi ne gaá¹le zha nac xtsee co, tsod pe nacne pe guieḻnë ne cxeeḻ Dios dziaá¹ ne. 32 Ni zeeá¹e scagaa rteed me ne tib caxtigw, laaw ruá¹ me parne tsaa ne biini gbiire gbig ne lo me, zeeá¹a led yed ne nitlo gaḻ dze ne nitlo grëraa miech ne zienaḻ ncuaaá¹e lo guidzliu rii. 33 Bets, bzian, goḻguieá¹ sca zeeá¹e ycaalsa to guá¹ to xtsee co, goḻcuëz grëraa zha ne nacgrë to dzigo tipse goḻsilo goḻquiina. 34 Teḻ zha ne rieá¹gaa lëbd zho lozh gdziá¹ grëraa zha ne nacgrë zho, mazd gowgazh zho lidz zho, zeeá¹a yguibd zho ygaa zho guieḻnë co. No spalal miá¹e racladz naa gacnaá¹ to, per naa zeeá¹e guiaḻ naa nëz qui dzigo gne naaw lo to.