1 CORINTIOS 13

1 Miá¹e mazdraa rquiin goá¹ nac ne gleynie ne samiech ne. Teḻ niaca miá¹e bgaa naa guieḻbiini rne naa grë lose diidz ne rnee miech, haxta grë diidz ne rnee xanjl Dios rne naa, ni teḻ rleynied naa samiech naa, ¿pa dieá¹ rquiin rac naa grëtaa diidz co? Rrieequia nac naa ga zig tib lë guiib ne loxaque rzedz. 2 Teḻ niaca miá¹e rteed naa xtiidz Dios lo miech, rieá¹ naa pe nac miá¹e naraa cxobneá¹ me, grëse wseed ne no rieá¹ naa, ni rleynied naa samiech naa, ¡paat rquiinda! Teḻ dib zdoogaa naa rnalo naa Dios, haxta ncuaaá¹e mazdraa ngaá¹ rnab naa ruá¹ mew, ni rleynied naa samiech naa, ¡peet nonda! 3 Teḻ quiizgaa naa grë ncuaaá¹e quianie naa lo grë zha ne guieá¹d pe yquiin, haxta gded naa naa tsec naa, per teḻ rleynied naa samiech naa, ¡zhlëse ga guá¹ naa miá¹ co! 4 Sac goá¹ zha ne nli mban zigne nac guieḻwleynie co: rieednied zho samiech zho, wen rac zho lo samiech zho, racnëd zdoo zho, niicle raá¹ zho wenraa noded stib miech lo zho, ruá¹d zho ne lëëque zha guá¹non zho, racniatsd zho lo samiech zho, 5 ruá¹d zho ncuaaá¹e coguieḻnë zho, guá¹glëëgaa zho samiech zho, zienaḻd zho ne tebaa lose zho yquiin grë pe cos, nacd zho zha ne lega zolëë, rapguieḻnëd zho samiech zho, 6 ni lalnu riod zdoo zho miá¹e ruá¹ zha ne rsacsi samiech, miá¹e rleynie zho nac diidzli. 7 Zha ne nli rleynie samiech, ni lalnu peet grieelod yca gleynie zho zho; rquiaadiag zho miá¹e rnee zha co, rzhidznied zho zho; tibaque rquiabladz zho wen grieequia zho, rsaand zho zho, tibaque racnie zho zho. 8 Zdziá¹ dze yquiindraa cho cteed xtiidz Dios lo miech, yquiindraa gnee zho stib diidz, yquiindraa grë guieḻrac, saá¹gue guieḻwleynie gdziá¹d dze ne nitlow. 9 Niicle ne nogaa ne guieḻbiini ne rneedz Espíritu Sant, niicle no zha ne rieá¹ zha gnee zho Xtiidz Dios lo miech, per palalse nac ncuaaá¹e rieá¹ ne niina. 10 Saá¹gue gaḻ dze ne laa Dios lozh gzhixcuaa ne zigne no gac ne, grëse guieḻbiini ne rdziaap ne niina, paat yquiindraaw. 11 Masaque nac ne niina zig tib mëëdlas. Teḻ naa, zeeá¹e goc naa mëëdlas grëse ncuaaá¹e bne naa, grëse ncuaaá¹e bieá¹ naa, grëse ncuaaá¹e pseed naa, grëse ncuaaá¹ co beá¹ naaw zigne ruá¹ grëraa mëëdlas. Per zeeá¹e laa naa broob, laa naa biaa biini, grëse ncuaaá¹ co laa naa bieá¹paa zha naca; laa guieḻmëëdlas co bded. 12 Scadaa nagoá¹ rziaac ne niina, palalse rieá¹ ne zha nac Dios, rrieequia rdziaá¹se ne me niina zigne raá¹ ne zhimlë ne lo beeḻze pe tib lë vidr; per zdziá¹ dze laa ne dziaá¹lo me zigne nacpaa me. Palalse ndioá¹ ne niina zha nac me, palalse rsilo rdziaá¹ ne me, per gaḻ dze co laa ne dziuuá¹beypaa me zigne ruá¹bey me ne niina, naá¹paa me zha nac zdoo ne tib tib ne. 13 Goḻgacnaá¹ sca gaá¹le, grë guieḻbiini co zdziá¹ dze ne yquiindraaw, saá¹gue ne znu: dib zdoo ne rnalo ne Dios, noniepaa guic ne zac miá¹e rnee me, ni rleynie ne samiech ne, lozhda. Per lo gza tsoá¹a nagoá¹, guieḻwleynie co nac miá¹e gdziá¹d dze ne gdzëë.