1 JUAN 2

1 Xin yeeá¹a, laa naa rso diidz lo to: Guá¹ctaldraa to xtoḻ to; teḻne naá¹dgaa new cho tib to zha beeá¹ pe tib doḻ, goḻsoladz gaá¹le no tib meá¹ ne quianab lo Dios meá¹ ne nac Pxoz ne yquia zdoo me ne, lëë meá¹ co nac Jesús, lo me goḻbig (teḻ me ni tib doḻ rapd me). 2 Sac me bded grëtaa guieḻnë ne rioguiaḻ ne ndieed ne por grëtaa xtoḻ ne, psaá¹wen me ne lo Dios; me goc zig tib gon ne pcaania Dios gozh grëse xtoḻ ne, ni xtoḻ grëraa miech ne ndxie dibdoose lo guidzliu. 3 Goḻgona gaá¹le: Teḻne ruá¹ ne grëse miá¹e rnabey Dios, gase rieá¹ ne ne nli xnëz me no ne. 4 Laa teḻ zha ne rnee: “Xnëz me no naa”, ni rlozh ga ruá¹d zho grë miá¹e rnabey me, rquidie zho ga. 5 Sac zha ne nli rleynie Dios, rioxco zho rban zho zigne nac xtiidz me; ni teḻ ne, ndioá¹ ne gaá¹le nli xnëz me no ne. 6 Gacxe nagoá¹ waa, zha ne rnee xnëz me no zho, ib none zaacse gban zho, zigne wban Jesús zeeá¹e biaad me lo guidzliu. 7 Bets, bzian, goḻgacnaá¹ gaá¹le, none gleynie to samiech to. Guiabde to togo ncub miá¹e rne naa lo to nu guá¹ to, laa naa rzet miá¹e binle to glo zeeá¹e psilo pquiaadiag to Xtiidz Dios. Niicle ne padzeelale zhobneew, niicle ne pquiaadiagle tow, 8 per rrieequia ncuba niina; sac goá¹ zeeá¹e biaad Jesús, me blu gaá¹le zha none gleynie ne samiech ne. Ni scagaa niina ne laa to zienaḻa, laa to noriee lo guieḻcow ne no to glo, laa to nozëëb nëz lo xbiini Dios. 9 Ga nagoá¹, teḻ zha ne rnee lo biini co mban zho ni rlëënie zho samiech zho, rquidie zho ga; bii lo guieḻcow ga mban zho. 10 Zha ne rleynie samiech, zha cosi nli lo biini co mban zho, noxtseebd lega tsobe zho, sac raá¹paa zho pa lo zie zho; 11 saá¹gue zha ne rlëënie samiech, lo guieḻcow ga no zho. Masaque nac zho zig zha ne roḻd lo, niicle zha rieá¹d dieá¹ pa nëz tsie zho, sac guieḻcow co quiantse lo zho. 12 Xin yeeá¹a, laa naa rne grë miá¹ rii lo to, sac goá¹, teḻ to laa Jesús bdiizhle teḻ pe nactaa grë xtoḻ to. 13 To ne nac to dad, laa naa rxeḻ diidz rii lo to, porne nac to zha ne rliladzle Jesús, naá¹le to gaá¹le notaque me, nole me zeeá¹e bre guidzliu. Togaa ne nac to zha nguieg, laaw rxeḻ naa lo to, sacne nligaa dziits zo to, rrieelodraa meá¹dox yquiil ma to. To ne nac to mëëdlas, xin yeeá¹a laa naa rxeḻ diidz rii lo to, porne nac to zha ne nole xnëz Dios meá¹ ne nac Pxoz ne. 14 Nana sca, zigtaa tow ne nac to dad ne ruá¹beyle Dios; zigtagaa tow ne nac to zha nguieg, ne nataa ndip ndaan to laa to pcaaniale Xtiidz Dios dib zdoo to, ne nac to zha ne lëbdraa meá¹dox yquiil, 15 goḻguieá¹, gleyniede to grë ncuaaá¹e rap to, gleyniede to grë ncuaaá¹ ndzinlid ne rac lo guidzliu rii. Zha ne rleynie grë ncuaaá¹ co, nlid rleynie zho Dios meá¹ ne nac Pxoz ne; 16 sac grëse ncuaaá¹e rac lo guidzliu rii (zig nac zha ne zienaḻ ncuaaá¹e gdeedguxt xcuerp, zha ne rzoobladz yquianie ncuaaá¹e rdziladztaa, zha ne racniats lo samiech), grëse ncuaaá¹ co led Diosd rnabeya, sinque lëë miá¹e rzonaḻ grëraa miech lo guidzliu ga. 17 Ni na teḻ zig nac guidzliu, zig zie dze laaw quialozh grëw grë ncuaaá¹e rleynie miech low; saá¹gue zha ne mban zigne rnabey Dios, laa zho bgaale tib guieḻmban ne gdziá¹d dze lozh. 18 Xin yeeá¹a, zhile gdziá¹ dze ne laa guidzliu nitlo. Led binle to gaá¹le ib zrieequia tib zha ne glëënie zhiwseed Jesús, ni nligaa niina leá¹ dze rii ndal-le zaatne norieequia grë zha ne rsilo quiatsidiḻ Xtiidz me; gane ndioá¹ no ne laa dze co ziaadgaxle. 19 Nli ladaque zha ne nacgrë ne briee grë zha co, per nlid nacniepaa zho ne; sac teḻ niaca miá¹e nlipaa nacnie zho ne, nrieextsod zho. Ga nagoá¹ blu zho ne nlid nacgrë zho ne. 20 Saá¹gue to, nacde to zig nac grë zha co, sac nacnie Espíritu Sant to, bneedz me guieḻbiini lo to ruá¹bey to miá¹e nac diidzli. 21 Guits ne rxeḻ naa lo to nu, nacda par cseed naa to miá¹e nac diidzli, sac ruá¹beyle tow ni haxta rieá¹ to pa miá¹ nac guieḻwquidie; sinque laaw ziaad lo to par gacnaá¹ to gaá¹le zha nac zha ne noquidie i. 22 Grë zha ne rnee i nlid lëë Meá¹ ne zëëble diidz cxeeḻ Dios lo guidzliu ga nac Jesús, noquidie zho miech ga. Ni zha ne sca ruá¹, rlëënie zho me ga; ni ne sca rliladzd zho cho nac me, yele Pxoz me ga rliladzd zho. 23 Sac zha ne rlëënie meá¹ ne nac Xpëëd Dios, ga rlu ne nlid rliladz zho cho nac Dios; saá¹gue zha ne rxobneá¹ cho nac Xpëëd me, zha cosi nli rliladz zho cho nac me. 24 Laa naa rso diidz lo to sca: Goḻtsienaḻ grë miá¹e pseed to zeeá¹e glopaa psilo bliladz to Xtiidz Dios, zeeá¹a zigtaa Dios, zigtagaa Xpëëd mew, tibaque gbannie to me. 25 Goḻsoladz gaá¹le, laa Jesús psaá¹le diidz ne ib zgaa ne tib guieḻmban ne gdziá¹d dze lozh; lëë guieḻmban co ygaa grëse zha ne nacnie me. 26 Laa naa rzet miá¹ rii lo to, sac ne squi no grë zha ne ziaad racladz yquidie to. 27 Saá¹gue to laa Jesús pxeeḻle Espíritu Sant nacnie to, rquiind ne gooá¹ choraa cseed to; sac Espíritu Santzhal rneedz guieḻbiini lo to rieá¹ to zha nac grëraa ncuaaá¹e no gacnaá¹ to, ni mesi goá¹ miá¹e nac diidzli miá¹ co rseed me to, led yed me rquidie. Goḻguieá¹ sca, Jesús goḻbannie, goḻbannie me zigne noseed Espíritu Sant to. 28 Xin yeeá¹a, naá¹le to sca sozite to lo Jesús, sinque tibaque goḻgacnie me; zeeá¹a iá¹e tibliladz gac to gaḻ dze ne laa me guiaad. Sac zha ne sozit lo me gban zho zigne gacladztaa zho, zeeá¹e laa me guiaad mban gac zho; sac guieḻto ne guiaaá¹ zho lo me. 29 Naá¹le to gaá¹le, mesi zigne rieguiaḻ gac guieḻwxtis sca ruá¹ mew; gacxe waa, grëse zha ne nac xpëëd me ible zdeed me miá¹e rieguiaḻ zho.