2 CORINTIOS 4

1 Ne nligaa noxco Dios ne, gane niicle peet nond no laa me bzo no quianee no Xtiidz Ndzon me lo miech; ni choot rsaand dziin rii. 2 Zeeá¹e rseed no miech, choot rquidied zho par gliladz zhow. Choot nolud wseed ne ziaate lo Xtiidz Dios; guieḻtole ga, teḻ dzio no yquidiee no miech, cseed no zho ncuaaá¹e nacdraa Xtiidz me. Me zobwi gaá¹le niapse diidzli rnee no, niicle grëgaa zha ne rdziuuá¹bey no, naá¹ zho rquidieed no. 3 No grë zha ne ib nëd tsoguic zha nac zhiwseed Dios miá¹e nonee no; sac lëëque grë xtoḻ zho notse lo zho, laa zho zie nëz ne nitlo zho. 4 Nëd zho gliladz zhow, sac ible meá¹dox (ma ne nonabey lo guidzliu rii) noyuá¹ ncow xquieḻrien zho; gane rieá¹d zho ycaania zho Xtiidz Ndzon Jesús, meá¹ ndzon ne biaadlu gaá¹le zhapaa nac Dios. 5 Laa no quiaseed miech, per rseete no zho gacnaá¹ zho dieá¹ cho nac no, sinque laa no noseed zho guá¹bey zho cho nac Jesús. Gacnaá¹ zho, ne me nac meá¹ ne rnabey; laa no, tib nguá¹dziin winse nac no lo to, sacne rleynie no me. 6 ¡Ne nligaa tib nguá¹dziin winse nac no! Goḻwi gaá¹le Dioszhal, meá¹ ne bnabey biaaá¹ biini ne rziini guidzliu, me bdixbiini guic no bieá¹ no xquieḻndzon me ga biaadlu Jesús. 7 Ne nlipaa, lega nacse no zig nac tib guies yu ne notsow grëtaa ncuaaá¹e ndzon ne zieneedz Dios lo no. Gase na gaá¹le rlu, Dios naccheá¹a grësew, peet nond no loxaque nose. 8 Me nacnie no, niicle nroob zhgab ne rio no, per racmband no; niicle nroob nac guieḻxtseeb ne rdziaá¹ no, per choot rdziebd. 9 Tibaque notsidiḻ miech no, per rsaand Dios no; niicle rsacsi zho no zootle laa no nitlole, per rbiire riochee no ga stib. 10 Zaatne ziotaa no, quianaḻ miech gut zho no, zigne beeá¹aque zho Jesús; per me rsilaa no ladznia zho. Ga rlu gaá¹le ne meá¹ mban nac me, ni me nacnie no. 11 Gzataa dze noxtseeb no gut miech no, loxaque ne rdziuuá¹ no xtsiiá¹ me; per ga rdeeda diidz rlu no gaá¹le pa lotaa nacnie me no, niicle ne tib lëse beá¹ nac no. 12 Ne nligaa, tibaque noxtseeb no lo guieḻgut ne znu nonee no Xtiidz Jesús; per scagaa, porne biadnee now i laa to bgaa guieḻmban ne gneedz Dios lo to. 13 Niicle nagoá¹ ne znutaa noxtseeb no, per ndioá¹paa no me quianap no, gane rdzieebd no noseed no miech Xtiidz me; zig zhobneeque lo Xtiidz me, zaatne rnee: “Bliladz naa miá¹e rnee me, gane rne naaw." 14 Ni ndioá¹ ne gaá¹le, zigne bleeban me Jesús, scaque zbeeban me ne, lozh ga tipse gac ne gdziá¹nie Jesús ne lo me. 15 Grëse guieḻnë ne nodziaá¹ no, laaw nodziaá¹ no sacne nligaa noxco no to; zeeá¹a grëse to sëëb xnëz me. Sac teḻne ndal grë zha ne sëëb xnëz me, scaquegaa ndal zha ne gdeed xquizh lo me, cxobneá¹ zho pa lotaa meá¹ ndzon nac me. 16 Miá¹cocxe waa, ib choot riablod. Nli zigse zie dze laa no bii noyoxraa, saá¹gue zhiespíritu no, zigse zie dze laaw racncubraa, laaw riaaá¹mberaa nëz lo Dios. 17 Ni stiba, niicle ne znutaa nodziaá¹ no grë guieḻnë rii, per ncuaaá¹e tib rded naca, led ncuaaá¹e rnada; sac goá¹, zeeá¹e laa no lozh dieed grë miá¹ rii, mazdraa nroob nac lo guieḻndzon ne ygaa no, ni miá¹cosi gdziá¹draa dze lozha. 18 Gacxe waa, choot rdziuuá¹casd grë ncuaaá¹e quiadziaá¹ no lo guidzliu rii, sinque laa guic no nonie ygaa no grëtaa guieḻbley ne no gbaa. Sac grë ncuaaá¹e raá¹ ne niina, ncuaaá¹e tib rded naca; saá¹gue grë ncuaaá¹e gard dziaá¹ ne ga, led yedraa miá¹ co nitlo.