2 TESALONICENSES 2

1 Bets, bzian, ib laa Jesús meá¹ ndzon ne rnabey ne no guiaad, ni laa ne gbannie me. 2 Zeeá¹e gon to laa miech gnë laa dze co bdziá¹le, niicle gnë zho Espíritu Sant bneew lo zho, gaá¹gaa to palo nonee zhow zaatne ndxie nzian miech, o cxeeḻgaa zho pe tib guits lo to zig nac zeeá¹e no pxeeḻa; gliladzde tow. Laa no rso diidz lo to, peet tsienied guic to, gdziebde to. 3 Ib gdeete to diidz yquidie zho to. Sac goá¹ ansraa ne gdziá¹ dze co, ib none grieequia grë miech ne gacntseeb lo Dios; lozh ga, laa tib mgui ne nacnie meá¹dox grieequiaque, zacntseeb me lo Dios, per gabiḻ ga nitlo me. 4 Lëë zha co ctsidiḻ grëse zhiwseed Dios, grëse ncuaaá¹e naclay lo miech; ni haxta zie zho ziesob zho zaatne nac leá¹ xyadoo Dios, guiab zho zha nac Dios. 5 Per no tib meá¹ ne notse lo zho niina, laga gdziá¹ dze ne laa zho guiaad. Goḻsoladz gaá¹le, blactaa bzeet naa miá¹ rii lo to leá¹ dze ne blëz naa i. 7 Grëse ncuaaá¹e no guic zha ntseeb co guá¹ zho, laaw rsilole; loxaque ruá¹falt gdeed meá¹ ne notse lo zho ga diidz guiaad zho. 8 Zeeá¹e laa zho guiaad, hor co laa Jesús guiaadaque con grë xquieḻndzon me, dzigo me ne grieese ro me gloozh me zho, gnitlo me zho. 9 Masaque meá¹dox gnabey zha ntseeb co, niapse xpoder ma gap zho, nzian ncuaaá¹e glu zho; zuá¹ zho grë ncuaaá¹e gzee zdoo miech, per led ncuaaá¹e nlida. 10 Zuá¹ zho grë ncuaaá¹e lozh yquidie zho grë zha ne nole nëz ne nitlo, zha ne ib bzhiguieḻd nliladz miá¹e nac diidzli. Teḻ niaca miá¹e nliladz zhow, nleynie zhow, nsilaa Dios zho. 11 Saan Dios tsienaḻ zho grë ncuaaá¹ co, ni zliladz zhow zig nac zeeá¹e diidzliw; 12 per ib siaabzi Dios zho, sac laa ne gliladz zho miá¹e nac diidzli, leḻ mazdraa gleynie zho grë guieḻntseeb. 13 Bets, bzian, goḻguieá¹ sca tibaque goḻgotsaa gdeed ne xquizh lo Dios; sac goá¹ teḻ to padzeelale bzooblo me to csilaa me to lo doḻ. Nacle diidz zeeá¹e laa to gliladz Xtiidz me, miá¹e nac diidzli, laa Espíritu Sant csaá¹mbe to lo me. 14 Miá¹ co nagoá¹ nacne pxeeḻ me no biadseed no to xtiidz me, guieá¹ to zha laa to lo doḻ; zeeá¹a gdziá¹ to zaatne nac lo xquieḻndzon Jesús, meá¹ ndzon ne rnabey ne. Gacxe waa, zha nziuu nac to lo me. 15 Goḻguieá¹ sca, dziits goḻso, ib csaande to grë miá¹e pseed no to leá¹ dze ne biaad no i, niicle miá¹e rneegaa no lo to lo guits ne rxeeḻ no. 16 Ni Jesúsaque, meá¹ ndzon ne rnabey ne, ni Dios meá¹ ne nac Pxoz ne, me gneedz xfuers to dziits so to; zeeá¹a grëse miá¹e gnee tow, miá¹e guá¹ tow, wen grieequiaw. Me blu gaá¹le pa lotaa rleynie me ne, laa me bneedz tib guieḻbley ne gdziá¹d dze lozh lo ne, ni psaá¹ me diidz pe nac miá¹e naraa no ygaa ne. Ga rlu gaá¹le pa lotaa noxco me ne, niicle ne rioguiaḻd new.