3 JUAN 1

1 Laa zha gol rii, pquiaa tib guits rii ziaad lo luu i goá¹ Gay, ne nac luu tib zha ne nziuu lo naa. 2 Bets, rnab naa lo Dios zigne squi wen mban luu nëz lo me, scaque zaacse grieequia grëtaa ncuaaá¹e guá¹ luu, ni gneedz me guieḻndaan lo luu. 3 Ne nlipaa bley naa, zeeá¹e biaad bla zha bets ne nu, bzodiidz zho lo naa squitaa ndzinli mban luu, tibaque noxco luu zienaḻ luu miá¹e nac diidzli. 4 Ne nligaa, nodraa pe stib conley zdoo naa zigne rleytaa naa zeeá¹e ron naa iá¹e niowse mban grë zha ne biane naa xtiidz Dios lo, zienaḻ zho miá¹e nac diidzli. 5 Bets, ziyon naa squitaa tibaque noxco luu ruá¹ luu xyudar grë zha ne nacgrë ne, ni mazdraa zeeá¹e nac zho zha ne ziaad stib guiedz. ¡Wen ga! 6 Squi ndxie grëraa zha ne rliladz Jesús, rzodiidz zho squitaa nquialadz luu zho. Bzhiguieḻ sca, bioxco tibaque squi beeá¹ xyudar zho zeeá¹a grieelo gdziá¹ zho zaatne no tsie zho. Sca rdziladz Dios. 7 Sac goá¹, niapse porne rleynie zho Dios, laa zho briee zieguá¹ zho xtsiiá¹ Jesús, ni ib rziguieḻd zho ycaania zho ncuaaá¹e rdeed grë miech ne rliladzd Xtiidz Dios. 8 Miá¹ co nagoá¹, ib none ne yquiambiaazlo zho, ne none gdeed ncuaaá¹e yquiin zho, zeeá¹a dziuuá¹ ne xyudar zho ygaaz Xtiidz Dios. 9 Pxeḻle naa tib guits lo grëse zha ne no xnëz Dios i, per zig nac Diótrefes goá¹, meá¹ ne racladz so gnabey lo to i, rond me miá¹e rnee no. 10 Gacxe na, teḻne laa naa guiaḻ i, dzigo laa naa glisqui lo me dieá¹ pe nacne quianeenë me no. Ni tebaa miá¹cose, na haxta ruá¹ me ib rbëzlod me grë zha bets, zha bzian ne rlanso i; niicle rdeetegaa me diidz cho gdeed zaatne cuëz zho. Zha ne ruá¹d miá¹e racladz me, rbee me zho lad grë zha ne nacgrë zho. 11 Bets, saá¹gue luu goá¹ ib tsienaḻd luu miá¹e ruá¹ grë zha ne sca ruá¹ guieḻntseeb, sinque bioxco güeynaḻ ncuaaá¹e ndzinli. Sac goá¹, zha ne ruá¹ niapse ncuaaá¹e ndzinli, xnëz Dios no zho; laa grë zha ne ruá¹ ncuaaá¹e ntseeb, gard sëëb zho xnëz Dios. 12 Zig nac Demetr, grëse miech rnee gaá¹le zaacse mban Demetr. Ni rlugaa nliw, sac goá¹ tibaque zienaḻ me miá¹e nac diidzli. Niicle nogaaw, miá¹coque rnee no, ni naá¹ luu gaá¹le led yed no rquidie. 13 Ndalraa ncuaaá¹e no gne naa lo luu, per racladzd naa gzodiidz naaw lo luu lo guits rii; 14 sac laa guic naa no guiaḻgaá¹ niob naa luu i, dzigo hor co ziodiidz ne grop ne. 15 Guiaaá¹nie Dios luu sca; peet tsienied guic luu. Grëse xamigw luu zha ne ruá¹bey luu nu, laa zho rxeeḻ bdiuzh lo luu. Scagaa bzhiguieḻ bdeed tib zhibdiuzh naa lo tib tib zha ne nac xamigw ne nëz qui. Juan