HECHOS 27

1 Bdziá¹ dzew, laa Fest bnabey tsie Pabl nëz Roma, dzigo laa zho psaá¹ Pabl ladznia ti meá¹ ne rnabey lo meá¹guiib lë Jul, gza Pabl zlalaa zha ne no ladzguiib ga. Lëë Jul co rnabey lo tib dii meá¹guiib ne rnee zho “Augusto César”. 2 Ye no zionaḻ zhits Pabl grop no Aristarco, laa no bziaab ti xbarcw zha Adramit zie grë guiedz ne ndxie ro nis nëz Asia, laa no pcaa nëz laa no zio. 3 Biini liu co laa no bdziá¹ guiedz Sidón. Zeeá¹e bdziá¹ no ga, wen goc Jul lo Pabl bdeed me diidz güey Pabl güeyquiaabdiuzh Pabl grë zha ne ruá¹bey Pabl ga, grëse zho rleynie zho me blëzlo zho me. 4 Ga briee no bdieed no tib ro guidzliu win ne lë Chipr, psaac guidzliu co palal, sac psilo rriee me rtsire me barcw ne zio no ga. 5 Laa no zio, bdieed no gax ro guidzliu ne nac xtan zha Cilis ni xtan zha Panfil, bdziá¹ no ti guiedz ne ndxie xtan Licia lë Mira; 6 ga bdzieet no barcw ne zio no ga. Lëëtaaque noguib Jul sti barcw ne guio no, laa ti xbarcw zha Alejandrí no griee ga tsie nëz Italia, dzigo bziaab no barcw co laa no zio stib. 7 Tsow ga zie barcw co, nzian dze goca, nen dzigoraa bdziá¹ no gax guiedz Gnid; ib rbëzdaque me, nacne bguib zho dieá¹ pa nëz zhi rcaaá¹ me, dzigo güeynie zho barcw co nëz Cret. Tib ro guidzliu win co zio no bdieed no Salmon; 8 nen bdziá¹ no zaatne rnee zho Buenos Puertos, gaxle ga riaaá¹ ti guiedz lë Lasé. 9 Nrooble dze goc no no lo nis, leá¹ dze co laa mëë naḻ psilole ni zëëb diidz gacd së barcw leá¹ mëë co, nacne bnee Pabl lo grë zha ne zienie no ga, 10 rëb me lo zho: âGoḻgona gaá¹le, teḻne laa ne griee nu leá¹ dze rii, rgobey naa ib znitlonie ne barcw rii lo nis. 11 Laa ne niacnie Jul Pabl niac miá¹e rëb Pabl ga, leḻ mazdraa bliladz me xtiidz zha ne rsëë barcw ni meá¹ ne nac bizhuana. 12 Stiba, zaatne nac Buenos Puertos ga rapda zaatne zaacse cuëz miech leá¹ mëë naḻ, nacne nzian zho rëb mazd gdziá¹ guiedz Fenice, ga zac gbiaaz no gdipse leá¹ mëë naḻ. Ro guidzliu win co riaaá¹ Fenice, nligaa zhi rcaaá¹ me ga. 13 Zeeá¹e laa ti me win ne znu ziaadquia psilo briee lo nis co, zootle na nli grieedraa me. Nacne lëëlëd bnabey zho bziaab no barcw, blisglaa zho lar nroob ne rcaaá¹ me rzëw, laa no zio, gax gax ro guidzliu co zienie zhow. 14 Zhisaque goca zeeá¹e laa ti me dox ne rnee zho Nordest psilo briee, laa me co psilo rtsire barcw. 15 Niicle racladz zho tsienie zhow nëz ne no guio no ga, per rsaand me; goá¹se zho led ncuaaá¹e gacda, mazd psaan zho zienie mew nëz ne racladztaa me. 16 Scale zienie me barcw ne no no ga, biotieed no gax ro guidzliu win ne lë Clauda, ga në në brieelo blis zho grë canó win ne naḻ zhits barcw ga bzëëba nëz leá¹ barcw; 17 dzigo blibdoo zho barcw co zeeá¹a gbiḻda, ni blit zho lar nroob ne rcaaá¹ me rzëw, sac rdzieb zho rëb zho teḻne scaquia lar co nend tsieniezhoo mew nëz ro nis, pa tsiesobnagwa lo yuzh. 18 Zeeá¹e biini sti liu co mazdraa rriee me, ni guiexoo ne ziaadnie me, nacne blee zho grë yo ne no leá¹ barcw blaaḻ zhow lo nis. 19 Goc bioá¹ ngbidz scataa zo guie dox co, bnabeyaque zho blee no grëse ncuaaá¹e ruá¹xtsiiá¹ zho leá¹ barcw blaaḻ now lo nis. 20 Goc bla ngbidza rbëzdaque guie dox co, rludraa lo mel per ni lo ngbidz rludraa, dzigotaa rdzieets no nlidraa griequiaa no. 21 Niicle wagw choot rsoladzdraa, dzigo bnee Pabl lo grë zha ne ziogrë no ga, rëb me: âTebaa nion to xtidz naa nagoá¹ nzhiguieḻ to nrieed ne Cret, zeeá¹a ndzieelod ne grë ncuaaá¹e nodziaá¹ ne nu, niicle nlaaḻdgaa ne grë yo co lo nis. 22 Per laa ne znule bzhiaac zha dziuuá¹raa ne. ¡Gdziebde to! ¡Peet gacd ne! Niicle nitlo barcw rii, per choot peet gacd. 23 Led naá¹le to gaá¹le, xnëz Dios no naa ni xtsiiá¹ me noyuá¹ naa, nieewdze pxeeḻ me ti xanjl me 24 në lo naa: “Gdziebd luu goá¹ Pabl, peet gacd luu, sac ib none laa luu gdziá¹ lo rey ne zob Roma. Niicle grë zha ne ziadgrëë luu leá¹ barcw i peet gacd zho, sac bin me miá¹e rnab luu." 25 Gane rne naa lo to peet tsienied guic to, naá¹le naa csaand Dios ne, ible zac miá¹e në anjl co lo naa. 26 Ib tedsod, no pa ti lo guidzliu win ne no lo nis rii tsiezo me rii ne. 27 Zeeá¹e goc tsiida ngbidz sca nëzrii nëzrec zienie me no, laa no no lo Nisdoo Adriático. Wdze co, zig groḻ guieela, bieá¹ grë zha ne rsëë barcw ga gaxle ti ro guidzliu ga nonie barcw no; 28 dzigo ptiix zho dieá¹ palal guiet nis ga, goá¹ zho loxaque gaḻ yas guieta. Bzë zho spalal biire ptiix zhow stib, gale guieta loxaque tsiiptib yas. 29 Gataa laa zho bdzieb rëb zho nend pa tsiecaaá¹ barcw lo quie, dzigo psilëë zho lo doo ne zob gza tap guiib cruz nroob ne quia nëz zhits barcw, broá¹ zho gza guiib co lo nis, zeeá¹a tsowga së barcw; rzac zho tebaa laa liu biinile. 30 Grë zha ne ruá¹ dziin leá¹ barcw, gocladz zho nzhooá¹ zho, psilo zho noxadz zho grë canó win ne ney barcw, rquiaalo zho zig nac zeeá¹e guiib cruz nroob ne ney barcw nëz quiaw quialit zho csëëb zho leá¹ nis. 31 Zeeá¹e goá¹ Pabla, rëbchaa me lo Jul ni lo grë xmeá¹guiib Jul: â¡Laa grë zha rii goá¹ racladz xooá¹! Csaande to, sac teḻne laa zho xooá¹ nlidraa grieequia to lo nis rii. 32 Dzigo pchug grë meá¹guiib co doo ne zob grë canó win co, broá¹ zhow lo nis. 33 Silgaw, bii ncow rnaw laa Pabl bnee lo zho gow zho, rëb Pabl: â¡None gow to! Goḻwi gaá¹le nale gac tsiiá¹ ngbidz ga ni ti lë peet gard gow to, ni squique raguiesde to zaacse. Peet tsienied guic to, ni tib to peet gacd. 35 Blozhse sca bnee Pabl lo zho, bzheá¹ Pabl ti guietxtil, squi ndxie zho grë zho bdeed me xquizh lo Dios, dzigo beeá¹groḻ me guietxtil co laa me psilo wagw. 36 Dzigoraa peet güeyniedraa guic zho, ye zho laa zho psilo dow. 37 Lo grë no zig zio no leá¹ barcw co rgaa no chop gayoo tsoá¹gaḻtsiimtib. 38 Blozhse bdioow no, dzigo laa zho blee grë zhobxtil ne zie leá¹ barcw ga blaaḻ zhow lo nis, zeeá¹a gnitnë barcw spalal. 39 Zeeá¹e laa liu blozh biini, goá¹ grë zha ne rsëë barcw ga laa ti lë ro guidzliu rlu gax ga, per rieá¹d zho dieá¹ paw. Natlaa nac ro guidzliu co, rlu zac gdziá¹ barcwa, nacne rëb zho dieá¹ pe grieelod gdziá¹nie zho barcw ga. 40 Dzigo pchug zho doo ne zob guiib cruz nroob ne no leá¹ nis ga, biaaá¹se guiib co ga. Psilëë zho doo ne naaz yag nlag ne rchug nis rzë barcw, ni blisglaa zho lar nroob ne rcaaá¹ me rzëw; zeeá¹a csëë mew gdziá¹a gax ro guidzliu co. 41 Per ziese zho, lëëtse lo yuzh ne zobli leá¹ nis co güeytsiba, loxaque güeysëëbguica ga laa nëz zhitsa psilo nobiḻaque, sac grëse nis ne rias riecaaá¹ choo co. 42 Dzigotaa laa grë meá¹guiib co gocladz niut grë zha ne zie ga guey ladzguiib, rëb zho nend znuse xoobnis zho xooá¹ zho. 43 Per bdeete meá¹ ne rnabey lo zho diidz, sac racladzd me gut zho Pabl. Mazd bnabey me zha ne rac rzhoobnis, zac ner zho xoobnis zho grieequia zho ro nis co; 44 laa grë zha ne gacd xoobnis, zac maase grë yag biats ne nobiḻ barcw xoobnisnie zho. Sca bdeeda diidz brieequia no ro nis grëse no.