HECHOS 9

1 Laa mgui ne lë Saul ga, per nli ntseeb rac me, tibaque ne laa guic me zienie gut me grëse zha ne rliladz Jesús. Güey me lo meá¹ ne nac pxoz nroob, 2 bdeed pxoz co ti xtiidz me guey lo grë zha ne zo lo xyadoo zho nëz Damasc, parne gacnie zho Saul gnaaz zho grëse zha ne rliladz Jesús; zha ne ygaataa niicle mguiw niicle wnaaw, gzobdoo zho zho tsiesaá¹ zho ladzguiib Jerusalén. 3 Laa Saul bio nëz, laa Saul zie. Zhile gdziá¹ me guiedz Damasc, tibaque zeeá¹e brieequia ti biinidoo zhan gbaa biab zaatne zie me ga. Groḻtaa lo biinidoo co biaaá¹ me, biabgazh me liu. 4 Liu nix me, bin me zëëb ti tsi meá¹ co rnee lo me: âSaul, Saul, ¿pe nacne quianaḻ luu naa? 5 âBeeá¹ guieḻnzaac ârëb meâ, bnë dieá¹ cho luu. Dzigo pquiab meá¹ co, rëb me: âNaa nac Jesús meá¹ ne squi quiatsidiḻ luu. [Lëëque luu goá¹ nosacsi luu i, rzac luu zigne rzac ngon ne rcaaá¹ni, ni lëëque lo guiib lots ne rtseb zho ma riecaaá¹ni ma. 6 Rdzieb Saul, rzhidz me lo dzeb co rëb me: âBzhiguieḻ bnë dieá¹, ¿pe racladz luu guá¹ naa niina?] Rëbchaa Jesús lo me: âGuche i, güey Damasc, ga gnë zho gaá¹le pe nac miá¹e no guá¹ luu. 7 Zha ne ziegza Saul ga per nli bdzieb zho, haxta ni gacdraa gnee zho; loxaque tsi meá¹ co ron zho zëëb, per choot raá¹d zho. 8 Laa Saul guche ga. Zeeá¹e laa me pxal lo me gwi me raá¹draa me, ¡laa lo me pcowle! Zha ne ziegzale me ga bzheá¹ nia me bdziá¹ me Damasc. 9 Tsoá¹ dze sca brieelod niaá¹ me, gzase dze co dowd me, niicle peet god me. 10 Guiedz Damasc ga, ga no ti mgui ne rliladz Jesús lë Ananí; dzigo goá¹ me Jesús, bredz Jesús me. Pquiab me, 11 dzigo rëbchaa Jesús lo me: âGüey nëz ne lë Derech, zaatne nac lidz ti mgui lë Judas; ga bnabdiidz meá¹ Tars ne lë Saul. Zeeá¹e quiazodiidznie me naa, 12 blu naa lo me laa tib zha lë Ananí bdziá¹ rxobnia guic me, zeeá¹a gbiire gaá¹ me stib. 13 Pquiab Ananí rëb Ananí: â¿Saul ye? Ziyon naa name zha nac grëtaa ncuaaá¹e noyuá¹ me Jerusalén, notsidiḻ me grë zha ne rliladz luu. 14 Haxta pxoz nroob ne rnabey bdeed diidzbey gnaaz me grëse zha ne no nëz rii. 15 âGüey ârëb Jesús lo Ananíâ, sac laa naa bzooblole me, ib me tsie grë guiedz zit tsieseed me miech xtidz naa, me gneew lo grë zha rnabey, ni lo grëgaa zha Israel. 16 Na naa glu lo me gaá¹le zha nac grë guieḻnë ne gaá¹ me, zeeá¹e laa me quiayuá¹le xtsiá¹ naa. 17 Dzigoraa güey Ananí zaatne no Saul ga. Bdziá¹ me, pxobnia me guic Saul, rëb me lo Saul: âSaul, bina gaá¹le bets, laa Jesús goá¹, meá¹ ne rnabey, meá¹ ne brieequia lo luu zeeá¹e ziaad luu nëz ga, laa me pxeeḻ naa ziaḻ naa nu; zeeá¹a gnab naa lo me guá¹guiac me bziaalo luu, ni ycaania luu guieḻbiini ne rneedz Espíritu Sant. 18 Zigne sca bnee Ananí, laa lo Saul biacgazh; lega zigne nac xmed meḻ nac grë ncuaaá¹ co briee lo me. Horcogazh laa me brobnis. 19 Blozh ga laa me dow stib, zhiga zhiga laa me wbire pcaa fuerz. Goc bla dze no Saul lo grë zha ne rliladz Jesús Damasc ga, dzigo briee me 20 güey me grë yadoo win ne no ga, rnee me lo grë miech co cho nac Jesús, rnee me lo zho ne nli Xpëëd Dios nac Jesús. 21 Rzee zdoo grëse miech co raá¹ zho sca rnee me, rneechaa zho: â¿Led lëë meá¹ qui ga name scataa ntseeb rac Jerusalén, notsidiḻ me grë zha ne rliladz Jesús? Conque nac diidz miá¹ co ziaad me nu, ziadnaaz me zho tsiesaá¹ me zho lo grë pxoz ne rnabey. 22 Per zigse zie dze, mazdraa rac Saul tibaque ne rnee me lo grë miech co, lëë meá¹ ne zëëble diidz cxeeḻ Dios lo guidzliu ga, nac Jesús. Grë zha Israel ne no ga, rieá¹draa zho dieá¹ pe gliladz zho. 23 Goc bla dze no me ga, laa grë zha Israel ne no ga blëë lo me; bnediidz zho rëb zho laa zho gut me. 24 Dze guieel riesobnap zho gzaase zaatne rap biedz nroob ne ndze igo guiedz co nëz, riequiambëz zho ted me, gut zho me. Per gocnaá¹ mew, 25 nacne goḻ ti pcow liu pcaalsa grë zha ne bliladz miá¹e bnee me, bloo zho me ti leá¹ chicuid nroob, bzoob zho doow dzigo blit zho me cho biedz nroob ne sca ndze igo guiedz co. Sca bdeeda diidz briee me ga. 26 Zeeá¹e bdziá¹ Saul Jerusalén gocladz me ndziá¹ me lo grë zha ne rliladz Jesús ga, per leḻ bdzieb zho zeeá¹e goá¹ zho me, sac rliladzd zho ne nli yele me bzëëb xnëz Jesús. 27 Dzigo güeynie Bernabé me lo grë zha ne nac poxtl, bzodiidz Bernabé lo zho zha goá¹ me Jesús zeeá¹e no me nëz zie me Damasc, zha rëb Jesús lo me; ni zha bdziebd me bnee me lo grë miech cho nac Jesús, leá¹ dze ne blëz me Damasc. 28 Dzigoraa pcaania zho me. Laa zho gocgza me, zaatne zietaa zho zieseed zho miech, ib rdziebd me rnee me cho nac Jesús. 29 Brieequia bla zha Israel ne rnee xtiidz zha Gres bdiḻdiidznie zho me. Zhisaque goca, laa zho gocladz niut zho me. 30 Zeeá¹e gocnaá¹ grë zha ne rliladz Jesús gaw, dzigo güeysaá¹ zho me guiedz Cesarea; ga briee me laa me zie nëz Tars, zaatne nac ladz me. 31 Leá¹ dze co, grëse miech ne no xnëz Jesús, zigtaa zha ne no Judé, zha ne no Galilé, zha ne nogaa Samar, nguieeḻ rac zho peet lo guieḻxtseeb nodraa zho; zigse zie dze rioguicraa zho zha nac Xtiidz Dios. Grëse zho rioxco zho mban zho zigne rnabey me, tibaque nacnie Espíritu Sant zho. Ni scagaa, zigse zie dze ndal grë miech ne rzëëbraa rcaania Xtiidz Dios. 32 Leá¹ ngbidz coque, zie ziaad Pedr rieted me lo grëse zha ne rliladz Jesús. Nacne güeyted me lo grë zha ne no Lida. 33 Guiedz co, beeá¹bey me ti mgui lë Ené, gocle xon iz nix mgui co, ib gacd së me sac dipse me gutoo. 34 Dzigo rëbchaa Pedr lo me: â¡Ené, niinagazh goá¹ laa Jesús guá¹guiac luu! Na zeeá¹ guche i blis xta luu. Zigne sca bnee Pedr laa meá¹ co biac, laa me guche ga. 35 Grëse meá¹ Lida, grëse meá¹ Sarón zeeá¹e goá¹ zho sca biac meá¹ co, grëse zho bliladz Jesús. 36 Gaxaque Lida riaaá¹ ti guiedz lë Jop. Jop ga no ti wnaa ne rliladz Jesús, lë Tabit (laa xtiidz zha Gres rnee zho me Dorc). Nquialadz me miech, grë zha ne guieá¹d pe yquiin, ruá¹ me xyudar zho. 37 Lega nacle blanguidz me, laa me gut. Zha ne rliladz Jesús ga, laa zho noxco dieá¹ zha ygueets me. Bgaz zho me, blozhse ga güeyxob zho me sti leá¹ yu ne riaaá¹ nëz glaa. Xco co no zho, 38 zeeá¹e bin zho laa Pedr no Lida. Pxeeḻaque zho chop zha bgui zienie diidz lo Pedr tsieniob Pedr Jop. 39 Zigne bdziá¹nie zha co diidz, zienaḻgazh Pedr zhits zho. Bdziá¹ zho lidz meá¹ co, zolinëz güeynie zho Pedr zaatne zhoob me. Nzian grë wnaa viud ndxie ga, wbigbe zho lo Pedr, roon zho rlu zho grë lar ne bdib me. 40 Dzigo bnabey Pedr briee zho ley grëse zho, laa me biaaá¹ ga, pquiitsgzhib me bnab me lo Dios. Blozhse ga wbig me lo ngutoo co, bnee me lo me rëb me: âGuche i, Tabit. Zigne sca rëb Pedr laa lo ngutoo co bzhial, zeeá¹e goá¹ me laa Pedr zo ga, laa me bzobli. 41 Bzheá¹ Pedr nia me, bliso Pedr me, dzigo bredz Pedr grë zha ne rliladz Jesús ga, ni grë wnaa viud co; goá¹ zho laa me brieebanle. 42 Dipse lad guiedz co bzhoob diidz sca brieeban wnaa co; grë zha ne bina, ndal zho bliladz Jesús dib zdoo zho. 43 Nzianlaa dze biaaá¹ Pedr ga, blëz me lidz Simón ti meá¹ ne rcuudz grë guid ma.