JUAN 10
TBL1 Ni rëb Jesús: âGoḻquiaadiaga gaá¹le: grëse zha rded stib nëz zeeá¹e rzëëb zho leá¹ lidz mëcwxiil, laa ne ted zho nëz ro puert, gase rlu ngbaan ga nac zho; 2 sac teḻ meá¹ ne noyaá¹ maw, nëz ro puert nëz co rzëëb me. 3 Zha ne rquianap ro lidz ma, ga rxal zho rded me; niicle magaaw, zeeá¹e ron ma tsi me, grëse ma rdziá¹ lo me; dzigo rbedz me ma, rneelë me ma tib tib ma, laa me rbee ma ga. 4 Rlozhse rbee me grë ma ne nac xma me, laa me rner lo ma; grëse ma laa ma rnaḻ zhits me sacne ruá¹bey ma tsi me. 5 Rienaḻd ma zhits stib miech, zeeá¹e raá¹ ma zho znuse rzhooá¹ ma; sac ruá¹beyd ma tsi zho. 6 Grë zha ne ndxie lo me ga, ib bieá¹d zho zha nac godiidz co; 7 dzigo wbiire me bnee me lo zho, rëb me: âGoḻquiaadiaga gaá¹le: Naa goá¹ nac zig ro Puert, zaatne rded mëcwxiil ga. 8 Grëse zha ne biaad glo rnee zho zha nac Meá¹ ne nacle diidz cxeeḻ Dios ga, grëse zha co ngbaan ga nac zho, loxaque psacsi zho par grieelo cuan zho; ni grëse mëcwxiil ne nacpaa xpëcwxiil naa, güeynaḻd ma zhits zho. 9 Saá¹gue naa, laa naa nile lo to gaá¹le: Naa nac zig ro Puert, zaatne rded mëcwxiil ga. Grëse zha ne gbig lo naa, zlaa zho, peet lo tsoxtseebdraa zho; pale grë mëcwxiil ne zozëëb zoriee ro lidz, ni rdziel ma guizh nguia, guizh ndzon row ma. 10 Zha ne nac ngbaan, zeeá¹e riaad zho loxaque rban zho ni rut zho; saá¹gue naa, laa naa ziaḻ zeeá¹a ygaa to tib guieḻmban ne mazdraa ndzon, tib guieḻmban ne gdziá¹d dze lozh. 11 ‘Naa nac Baxtor ne nquialadzpaa xpëcwxiil. Sac zha ne nquialadzpaa xpëcwxiil, rquiad zdoo zho xquieḻmban zho, rsilaa zho ma lo guieḻxtseeb ne notaa ma. 12 Per teḻ noyac-wree zha ne noyaá¹ ma, rquiad zdoo zho ma, zigne raá¹ zho palo ziaad tib coyot ntseeb, ndxieque mëcwxiil ga laa zho rzhooá¹; sac led cheá¹d zho ma, led zhad nac xbaxtor ma. Zeeá¹e rdziá¹ coyot, nëzrii nëzrec rtsieets coyot ma, nogaa ma rgaa lo coyot. 13 Rzhooá¹ zho, sac dimise nonie guic zho, peet liaadz nod zho ma. 14 Naa nac Baxtor ne nquialadz xpëcwxiil. Zigne ruá¹bey Pxoz naa naa ni ruá¹bey naa me, sca ruá¹bey naa grëse xpëcwxiil naa, niicle magaaw ruá¹bey ma naa. Grëse ma, rleynie naa ma, laa naa rbeeladz xquieḻmban naa totsaque cuee naa ma lo guieḻxtseeb ne no ma. 16 ‘No spalal xpëcwxiil naa, ma ne ngabd leá¹ corral rii; grëse ma co, ible zon ma tsi naa sac laa naa no gaxi ma, zeeá¹a tipse gac ma grë ma yquianaap naa ma. 17 ‘Meá¹ ne nac Pxoz naa, rleynie me naa sac laa naa rbeeladz xquieḻmban naa; per ible zriebaan naa. 18 Naazhal rbeeladz xquieḻmban naa, choot grieelod lega ctiche xquieḻmban naa. Rap naa poder gded naa xquieḻmban naa, ni rap naa poder gbire gban naa stib. Dios bneedz diidzbey co lo naa. 19 Grë zha Israel ne ndxie ga, zeeá¹e bin zho sca rnee me, laa zho goc chop dii stib. 20 No zho rnee: âYase meá¹dox noguitnie guic meá¹ qui, o rzhiá¹legaa guic me. ¿Pe nacne rquiaadiag to xtiidz me? 21 Rquiab stib zho rnee: âNiini rzë xtiidz meá¹ qui, led squid rac zha ne noguitnie meá¹dox. Stiba, ¿niacxe zrieelo meá¹dox guá¹guiac ma tib lo zha ne roḻd lo? 22 Leá¹ mëë ne rac naḻa, leá¹ dze co noyac tib lni Jerusalén, lni ne ruá¹ zho rsoladz zho dze ne glopaa psilo quiaquiin yadoo. Ye Jesús bdziá¹ Jerusalén leá¹ dze co. 23 Laa me zieded tib leá¹ nsaap ne quia cho yadoo co, nsaap ne rnee zho zhiNsaap rey Salomón; 24 zeeá¹e wbig bla zha ne rnabey Israel, bnabdiidz zho lo me rëb zho: â¿Poc dzigo gdziá¹ dze ne gnë luu diidzli lo no? Teḻne nli luu nac Meá¹ ne zëëble diidz ga cxeeḻ Dios guiaad lo guidzliu, niinagazh bnëw lo no. 25 Pquiab Jesús rëb me: âBlactaale zine naaw lo to, per rliladzde tow. Stiba, pe zhidaa milagr ne ziyaá¹ to ruá¹ naa, gase rlu gaá¹le cho nac naa; sac Dios meá¹ ne nac Pxoz naa, meá¹ co racnieá¹ naa ruá¹ naaw. 26 Ib rliladzde tow, sacne led yede to ngab lo naa. 27 Teḻ zha ne ngab lo naaw, ruá¹bey zho naa; niicle naagaaw ruá¹bey naa zho, ni zhits naa rzënaḻ zho. 28 Grëse zho, rded naa tib guieḻmban ne gdziá¹d dze lozh lo zho, ni gdziá¹d dze nitlo zho. Choot grieelod ctiche zho lo naa, 29 sac meá¹ nroob nac Pxoz naa meá¹ ne pxeeḻ zho lo naa; choot grieelod cuee zho ladznia me. 30 Ni tibaque nac no grop no me. 31 Zeeá¹e bin grë zha rnabey co sca rëb me, psilo zho ptop zho quie naá¹ zho ngoquie zho me. 32 Dzigo rëbchaa me lo zho: âLo grëtaa milagr ne quiayacnieá¹ Pxoz naa naa quiayuá¹ naa lo to. Goḻnë dieá¹, ¿pa miá¹ rlisqui to ne laa to racladz gneedzquie to naa? 33 Pquiab zho rëb zho: â¡Coquiedaxe no luu waa por grë milagr ne ruá¹ luu, sinque laa no coquie luu por grë diidz ne rnee luu i, quiaguitnie luu Dios! ¡Tib miech beá¹se name nac luu, ni rnee luu laa luu nac Dios! 34 Dzigo rëbchaa me lo zho: â¡Lo xlibr ley to name zhobnee zha rzac Dios zha ne pcaania xtiidz me, rëb me dios nac zho! 35 Ni ndioá¹ ne gaá¹le, grëse miá¹e rnee lo Xtiidz Dios, diidzliw; gacxe waa teḻ sca rëb me lo zha ne pcaania xtiidz me ga, 36 ¿niacxe rguitnie naa me ga, zeeá¹e rne naa Xpëëd me nac naa, ni mezhal bzooblo naa pxeeḻ me naa lo guidzliu rii? 37 Teḻne ruá¹d naa milagr ne rlu Dios pxeeḻ naa, ib gliladzde to naa. 38 Per teḻne raá¹ to rlu ne me nacnie naa, maase gliladzde to naa totsaque goḻliladz ne me nacnie naa; tsow guieá¹ to gaá¹le ne tibaque nac no grop no me, zigtaa nacnie me naa, scaque nacnie naa me. 39 Horco gocladz zho stib naaz zho me, per znuse briee me nia zho. 40 Dzigo briee me ga güey me ro guiubee Jordán, zaatne bio Juan pchoobnis Juan miech; ga blëz me palal dze. 41 Nzian miech ne güey lo me ga, rnee zho: âNli beeá¹d Juan ni tib milagr nroob, per grëse miá¹e bnee me zeeá¹e bzeet me meá¹ rii, zigne bneese me laaw norieequia niina. 42 Nzian grë miech ne güeyquiaadiag zhiwseed me ga, dib zdoo zho bliladz zho ne me nac Meá¹ ne zëëble diidz ga cxeeḻ Dios.