LUCAS 2

1 Lëëtaaque leá¹ dze co, laa August, rey nroob ne zob Roma, bnabey top lë grëse miech ne no dib dan ne rnabey me, par gacnaá¹ me dieá¹ palal zho. 2 Lëë primer vuelt ga ptop zho lë miech, lëë iz co zob meá¹ ne lë Cirein zobnabey me guiedz Siria. 3 Bnabey August grëse miech zha ne no stib ladz beá¹, laa zho no tsie zaatne nacpaa ladz zho tsiedeed zho lë zho, parne ga ygab zho. 4 Miá¹ co nagoá¹ nacne briee José guiedz Nazaret (xtan Galilé) grop me Marí zie me Belén (xtan Judé). Laa me zie ga, sac ga goc ladz xmeá¹gol me rey David. 5 Gard ctsieelniapaa me Marí, per nole xtiidz me grop me. Leá¹ dze co ziaadyobpaa gal xpëëd Marí. 6 Bdziá¹ me Belén, bgaadraa me zaatne nrieelo mbëz me leá¹ yu, lega nac ti leá¹ lidz ma bdeed zho blëz me. Lëëtaaque bdziá¹ me ga, laa mëëd co gol. Racse Marí pcheḻ me win lar, bdiix me win tib leá¹ yag ne row ma guizh; lëë mëëdglo ga lo me. 8 Guieel co, blalaa zha ne nac baxtor, laa zho ndxie quianap zho xpëcwxiil zho dan, 9 tibaque zeeá¹e brieequia tib xanjl Dios lo zho, dipse zaatne ndxie zho ga biab tib biini nroob. Zeeá¹e goá¹ zho anjl co, goá¹ zho biini nroob co, per nli bdzieb zho. 10 Dzigo bnee anjl co, rëb me lo zho: â¡Gdziebde to! ¡Goḻgon diidz cub ne gaá¹le ziaḻnie naa lo to nu! ¡Tib guieḻbley nroob gac diidz rii lo grëse miech! 11 Meá¹ ne goá¹ quiambëz to ga guiaad csilaa to, laa me blansole lo guidzliu. Me nac Meá¹ ne zëëble diidz ga cxeeḻ Dios, me nac meá¹ ndzon ne rnabey. Belén, zaatne goc ladz rey David, ga gol me naguieel. 12 Goḻtsie, zaatne tsiedziel to tib mëëdbgui yeeá¹, nrieḻse win lar zhoob win leá¹ yag ne row ma guizh, lëë me ga. 13 Tibaque zeeá¹e goá¹ zho laa stib dzoon anjl brieequia gocgrë anjl ne quianee lo zho ga, psilo grë anjl co rooḻnie zho Dios, rnee zho: 14 ¡Haxta zaatne glaaraa gbaa, nozhoobneá¹ gaá¹le pa lotaa meá¹ nroob nac Dios! ¡Nasi, grëse miech zrieelo guiaaá¹wen zho lo me; zdoo me rala laa me nobedz zho! 15 Zeeá¹e laa grë anjl co zey gbaa stib, psilo grë baxtor co rnee zho: â¡Niinaga goḻgotsaa guio Belén! ¡Gotsaa guiowi ne dieá¹, zeeá¹a dziaá¹ ne miá¹e biaadnie anjl co diidz lo ne nu! 16 Lëëlëd bio zho nëz laa zho zie. Bdziá¹ zho zaatne blëz José ga grop Marí, nligaa laa mëdyeeá¹ co nix ga, nixse win tib leá¹ yag ne row ma guizh. 17 Dzigo bzodiidz zho grëse zha rëb anjl co lo zho, zeeá¹e güeynie me diidz laa win gol. 18 Grë zha ne bina, per nli rzee zdoo zho; laa Marí nosew zdoo me, tibaque rsoladz mew. 20 Blozh ga, laa zho bio nëz ziequianap zho xma zho stib. Iá¹e rooḻnie zho Dios, rdeed zho xquizh lo me sca pxeeḻ me xanjl me güeynie diidz lo zho, rley zho sac brieelo goá¹ zho mëdyeeá¹ co. 21 Dze ne goc xon ngbidz gol win, dze co bio win bey ne rio xpëëdbgui zha Israel, par glu xnëz Dios ngab zho; dze coquew bleelë zho win JESUS, zigne rëb xanjl Dios zeeá¹e güeynie me diidz ne laa win gac mëëd lo Marí. 22 Nac ley ne psaá¹ Moisés lo zha Israel, wnaa ne sca rap mëëdbgui, zeeá¹e rac zho tap zhmal, none tsienie zho chop ma cogon zho leá¹ yadoo; yase tsienie zho tib nëz coc, tib nëzgaa palom. Ni rnabeya: “Grëse mëëdbgui ne rac mëëdglo, ib none gdeed zho win gac win tib zha ne guá¹ xtsiiá¹ Dios.” Nacne zeeá¹e bza dze co, dzigo briee Marí zie me Jerusalén grop me José, zienie me mëdyeeá¹ co yadoo csaá¹ me win ladznia Dios; lëë nëzle ga zienieque me gon ne no gdeed me ga. 25 Lëëtaaque dze ne bdziá¹nie zho win leá¹ yadoo, laa tib meá¹ lë Simeón no ga. Meá¹ Jerusalén nac meá¹ co, rleynie me Dios, rioxco me mban me zigne rnabey Dios, ni nacnie Espíritu Sant me. Quiambëz me gaá¹ me Meá¹ ne nole diidz ga cxeeḻ Dios csilaa zha Israel, 26 sac rëble Espíritu Sant lo me ible laa me no gaá¹ meá¹ co. 27 Laa dze co, Espíritu Santaque psiaab guic me zie me yadoo. Nacne lëëtaque no me leá¹ yadoo, laa zho bdziá¹nie mëdyeeá¹ co ga, ziesaá¹ zho win ladznia Dios zigne rnabey ley. 28 Dzigo me wbig bdeedz win, rdeed me xquizh lo Dios, rëb me: 29 Xquizh xquieḻnzaac luu Dios, miá¹e në luu lo zhinguá¹dziin win luu nu, laaw goc. ¡Nasi zacle nagoá¹ guiaad-xi luu naa, haxta gley naa gbi naa lo guidzliu rii! 30 ¡Meá¹ ne nacle diidz cxeeḻ luu guiaadsilaa miech lo xtoḻ zho, grop lo naa laa naa raá¹ me niina! 32 ¡Grëse miech ne ndxie lo guidzliu, me nac biini ne gziini lo zho! ¡Me csaá¹nziuu zha Israel, ne nac zho zha ne ngab lo luu! 33 Zeeá¹e goá¹ Marí grop José scataa rzë grë diidz ne rnee Simeón rzeet Simeón mëdyeeá¹ co, bzee zdoo me. 34 Dzigo bnab Simeón lo Dios gacnieá¹ Dios me gza me mëdyeeá¹ co. Blozh ga, rëbchaa Simeón lo xniaa win: âTib guieḻbley nroob ne gac mëëd rii lo zha Israel, por win ndal zho griee lo guieḻcow ne no zho, laa zho gbig lo Dios. Ni scagaa zrieequia zha ne glëënie win, per lëëque zha csacsi zho ga. Mban gac zdoo luu, nroob guieḻnë ne tso luu gaá¹ luu zha sac miech win. 35 Ga glu gaá¹le zha nac zdoo tib tib miech. 36 Ye tib zhuz gol lë An zo ga hor co. Tibaque no me yadoo, dze guieel rooḻnie me Dios, rcuan me ni rzodiidznie me Dios. Tib zhuz gola, leá¹ dze co rac tapgaḻ tap iz biaaá¹ me viud. Nguieg me ptsieelnia me, per loxaque gadz iz wbannie me tsieel me. Lëë pxoz me ga brieelë Fanuel, lëë zhey co ga nac zha xtii Aser. Tib meá¹ ne rteed xtiidz Dios lo miech nac me, 38 dzigo wbigaque me, psilo me rdeed me xquizh lo Dios; ni bzodiidz me lo grë zha ne ndxie ga, rëb me lëë mëdyeeá¹ co ga nac meá¹ ne quiambëz zho ga guiaadsilaa zho. 39 Blozhse beeá¹ José miá¹e rnabey xley Dios grop me Marí, dzigo laa me wbi ga. Bdedraa ga, beynie me mëëd co Nazaret, zaatne nac ladz me. 40 Ga broob win, zigse zieroob win scase scase rac macis win, scase riabiiniraa win. Tibaque nacnie Dios win. 41 Zeeá¹e bloozh Jesús tsiipchop iz, dzigo güey José grop me Marí güeynie me win lni Pascw, lni nroob ne ruá¹ zho Jerusalén. Gzobse iz rie me grop me, per iz cotaa laa me güeynie win, sac nac zhiwseed zha Israel, mëëdbgui ne rap lalga iz, zrieelole tsie zho lo lni co. 43 Zeeá¹e laa lni co bded, laa me bio nëz grop me laa me wbi ga. Ib bieá¹d me biaaá¹ win Jerusalén, 44 tibaque güeynie guic me lad grëraa miech ne wbire lni, lad co zienaḻ win. Laa me no nëz, zeeá¹e bdzetaa dzew, laa me psilo rguib win, bnabdiidz me lo grë zha lidz me, lo grë zha ne ruá¹bey me, 45 per ni tib zho choot rdeete win diidz. Nacne wbireque me nëz Jerusalén stib, zieguib me win. 46 Dze ne racle tsoá¹ ngbidz blozh lniw, dzigoraa güeydziel me win leá¹ yadoo, laa win zob lo grë zha ne nac maistr ley, noquiaadiag win grë zhiwseed zho ni nzian grë ncuaaá¹e rnabdiidz win lo zho. 47 Rzee zdoo zho raá¹ zho scataa nixbiini win, niicle zeeá¹e rnee wina, zeeá¹e rtsiregaa win lo xtiidz zho. 48 Zeeá¹e goá¹ me laa win zob lad grë meá¹ co, bzee zdoo me; dzigo rëbchaa xniaa win lo win: âXin, ¿pe nacne squi beeá¹ luu? Ptseeb luu no goá¹, quia no grop no pxoz luu noguib no luu. 49 Pquiab win rëb win: âNguibde to naa. ¿Pe raá¹de to ib none guá¹ naa xtsiiá¹ Pxoz naa? 50 Ib bieá¹d me pe nacne sca rëb win. 51 Dzigo laa win zienaḻ zhits me, laa me zeynie win Nazaret; nose grë miá¹ co zdoo xniaa win. Tib mëëd nguzobdiidz nac win, ron win xtiidz me. 52 Zigse zie dzew, laa win riabiiniraa, laa win noroobraa; rleynie Dios win, niiclegaa miecha rleynie zho win.